¶ 1 BEA hili ae gaahi mea ni, nae alu a Baula i Atenisi, bea a‘u atu ki Kolinito;

2 Bea naa ne ilo  i ai ha Jiu nae higoa ko Akuila, nae fanau‘i i Bonito, kuo toki ha‘u mei Itali, mo hono unoho ko Bisila; (he nae fekau e Kalotiusi ke alu i Loma ae kakai Jiu kotoabe:) bea ne alu ia kiate kinaua.

3 Bea koeuhi naa nau faiva taha, koia naa ne nofo mo kinaua, o gaue: he koe nau faiva koe gaohi fale fehikitaki.

4 Bea nae ako ia i he fale lotu, i he aho sabate kotoabe, bea ne fakatafoki ae Jiu moe Kiliki.

5 Bea kuo ha‘u a Sailosi mo Timote mei Masitonia, bea māfajia a Baula i hono loto, bea fakababau atu eia ki he kakai Jiu koe Kalaisi a Jisu.

6 Bea i he e nau fakataga, mo lea kovi, naa ne tube‘i hono kofu, mo ne behe kiate kinautolu, Ke i ho mou ulu be a ho mou toto; oku ou maa au: gata mei heni, teu alu ki he Jenitaile.

¶ 7 Bea ne ne alu mei ai, o hu ki he fale o ha tagata, nae higoa ko Jusitasa, nae lotu ia ki he Otua, bea nae vaofi hono fale moe fale lotu.

8 Bea nae tui ki he Eiki a Kalisibo, koe bule lahi oe fale lotu, mo hono fale kotoabe; bea nae fanogo mo tui ae kakai Kolinito toko lahi, bea nae babitaiso akinautolu.

9 Bea folofola ai ae Eiki kia Baula i he bouli, i he mea nae ha mai, Oua naa ke manavahe, ka ke lea, bea oua naa ke fakalogobe;

10 He oku ou iate koe, bea e ikai ha tagata te ne faa fai ha kovi kiate koe; he oku ou ma‘u ae kakai toko lahi i he kolo ni.

11 Bea naa ne nofo ai i he ta‘u e taha bea moe mahina e ono, o ne ako aki ae folofola ae Otua kiate kinautolu.

¶ 12 Ka i he bule a Kalio i Akeia, nae fakataha ae kakai Jiu, o nau feohofi kia Baula, bea taki ia ki he botu fakamāu,

13 Mo nau behe, Oku ako e he jiana ni ke lotu ae kakai ki he Otua, kae ikai hage koe fono.

14 Bea kuo fai e Baula ke ne lea, bea behe e Kalio ki he kakai Jiu, Ae kakai Jiu, ka ne ko ha mea taetotonu be bauu kuo fai, behe e tāu mo au keu tokaga kiate kimoutolu:

15 Bea kabau koe fakakikihi i he lea moe higoa, mo hoo mou fono be, mou tokaga akimoutolu ki ai; e ikai teu fakamāu eau ae mea behe.

16 Bea naa ne kabuji akinautolu mei he botu fakamāu.

17 Bea nae toki buke e he Kiliki kotoabe a Sositine, koe bule lahi oe fale lotu, mo nau tautea ia i he botu fakamāu. Bea nae ikai tokaga a Kalio ki he gaahi mea ni.

¶ 18 Bea nae kei nofo ai a Baula o fuoloa, bea toki mavae ia moe kaiga, o ne folau mei ai ki Silia, bea nae o mo ia a Bisila mo Akuila; kuo tomua fafai hono ulu i Senikelea: koe mea i he ene fuakava.

19 Bea naa ne a‘u atu ki Efeso, bea ne tuku ai akinaua: bea alu ia ki he fale lotu, o malaga ki he kakai Jiu.

20 Bea i he e nau kole ke nau nonofo o fuoloa jii, nae ikai loto ia ki ai;

21 Ka nae lea mavae ia kiate kinautolu, o behe, Oku matuaki totonu eku alu ki he katoaga oku amanaki ni i Jelusalema: ka teu toe ha‘u kiate kimoutolu, o kabau e lelei ki he Otua. Bea nae folau ia mei Efeso.

22 Bea kuo tuuta ia ki Sesalia, bea alu hake ia, o nau feofoofani moe jiaji, bea alu hifo ia ki Aniteoke.

23 Bea kuo fuoloaage ene nofo ai, bea alu ia, o fonoga i he botu kotoabe o Kaletia mo Filijia, o tokoni ae kau akoga kotoabe.

¶ 24 Bea nae ha‘u ki Efeso ae Jiu e toko taha nae higoa ko Abolosi, nae fanau‘i ia i Alekisanitia, koe tagata lea malie ia, bea boto lahi i he gaahi tohi.

25 Bea kuo akonekina ae tagata ni i he hala oe Eiki; bea i he ene loto fai velega, naa ne lea mo ako lahi aki ae gaahi mea ae Eiki, ka kuo ilo be eia ae babitaiso a Jone.

26 Bea nae kamata lea malohi ia i he fale lotu: bea kuo fanogo ki ai a Akuila mo Bisila, naa na ma‘u ia, o na fakamatala kiate ia o lahi ae hala oe Otua.

27 Bea kuo loto ia ke alu ki Akeia, nae tohi e he kaiga, o eginaki ki he kau akoga ke nau ma‘u ia: bea kuo a‘u atu ia ki ai, bea ne tokoni lahi akinautolu kuo nau tui i he aloofa:

28 He nae fakakikihi malohi ia moe kakai Jiu, i he fakaha, o ne fakamooni mei he gaahi tohi ko Jisu koe Kalaisi.