¶ 1 BEA behe, kuo mau mavae mo kinautolu, bea mau folau, o mau la taha ki Kusa, bea i he aho naa na feholo‘i ki Lota, bea mei ai ki Batala:

2 Bea i he e mau ilo ae vaka oku folau ki Finesi, naa mau heka ai, o alu.

3 Bea i he e mau kite ki Saibalo, naa mau tuku ia ki he toohema, kae folau ki Silia, bea mau tuuta ki Taia: he koe botu ia ke hifo ai ae uta ae vaka.

4 Bea naa mau ilo ai ae kau akoga, bea mau nonofo o aho fitu: bea naa nau behe kia Baula i he Laumalie, ke oua naa alu hake ia ki Jelusalema.

5 Bea kuo oji ae gaahi aho koia, naa mau alu o fonoga i ho mau hala; bea nae moimoi‘i akimautolu ki he tuaa kolo ekinautolu kotoabe, mo ho nau unoho moe nau fānau: bea naa mau tuulutui i he matātahi, o lotu.

6 Bea kuo mau mavae mo kinautolu, bea mau heka ki vaka; kae foki akinautolu ki ho nau abi.

7 Bea ne mau folau mei Taia ki Tolimease, bea gata ai e mau folau, bea naa mau feiloaki moe kaiga, bea mau nonofo mo kinautolu i he aho be taha.

8 Bea bogibogi hake, ko kimautolu ae kau fonoga o Baula, naa mau alu, o a‘u atu ki Sesalia: bea mau hu ki he fale o Filibe koe evagelio, koe toko taha ia i he toko fitu; bea naa mau nonofo mo ia.

9 Bea nae ma‘u e he tagata koia ae ofefine tāuboou e toko fa, bea nae kikite akinautolu.

10 Bea i he e mau nofo o aho lahi ai, nae alu hifo mei Jutea ae balofita e toko taha, oku higoa ko Akabusi.

11 Bea kuo ha‘u ia kiate kimautolu, bea ne too ae noo o Baula, o ne ha‘i aki hono nima mo hono va‘e oona be, mo ne behe, Oku behe e he Laumalie Maonioni, E behe hono ha‘ijia e he kakai Jiu i Jelusalema ae tagata oku oona ae noo ni, o nau tuku ia ki he nima oe Jenitaile.

12 Bea ko kimautolu naa mau fanogo ki he gaahi mea ni, mo kinautolu oe botu koia, naa mau kole ke oua naa alu hake ia ki Jelusalema.

13 Ka nae behe e Baula, Koeha eni oku mou fai, o fetagihi ke faji ai hoku loto? he oku ou teu ke oua e ha‘ijia be, kae mate foki i Jelusalema, koeuhi koe huafa oe Eiki ko Jisu.

14 Bea i he ikai tui mai ia, naa mau tuku, o mau behe, Ke fai be ae finagalo oe Eiki.

15 Bea kuo hili ae gaahi aho koia, bea mau fakamaoboobo mea, o fonoga hake ki Jelusalema.

16 Bea naa mau o moe niihi oe kau akoga mei Sesalia, bea naa nau ave akimautolu kia Nesoni mei Saibalo, koe akoga motua, ke mau nonofo mo ia.

17 Bea kuo mau a‘u atu ki Jelusalema, nae ma‘u fiefia akimautolu e he kaiga.

18 Bea bogibogi hake, naa mau o mo Baula kia Jemesi; bea nae katoa ae kau mātua kotoabe.

19 Bea kuo ne feiloaki mo kinautolu, bea ne fakamatala lahi ae gaahi mea kuo fai e he Otua i he kakai Jenitaile i he ene gaue.

20 Bea kuo nau fanogo ki ai, bea nau fakamalo ki he Eiki, mo nau behe kiate ia, Oku ke vakai, e kaiga, ki he gaahi toko mano oe kakai Jiu oku tui; bea oku nau bikitai kotoabe ki he fono:

21 Bea kuo nau fanogo kiate koe, oku ke ako ki he kakai Jiu kotoabe oku feagai moe hiteni ke nau liaki a Mosese, o behe, ke oua e kamu e nau tamaiki, be muimui ki he gaahi mea kuo tuutuuni.

22 Bea koeha ai e fai? koeuhi e katoa mai ae fuu kakai: he te nau fanogo kuo ke ha‘u.

23 Koeni, ke ke fai aia oku mau tala atu kiate koe: Oku iate kimautolu ae kau tagata e toko fa kuo nau fai ae fuakava;

24 Bea ke ave akinautolu, bea mou fakamaa mo kinautolu, bea ke totogi maa nautolu, ka nau fafai ho nau ulu: bea e ilo ai kotoabe, koe gaahi mea kuo nau fanogo ai kiate koe, koe launoa be; ka oku ke agimui koe, mo ke fai ki he fono.

25 Bea koeuhi koe gaahi Jenitaile oku tui, kuo mau fakamāu mo tohi ke oua te nau fai mea behe, ka ke nau taofi akinautolu mei he mea kuo feilaulau aki ki he gaahi tamabua, moe toto, moe mea kuo jijina, bea moe feauaki.

26 Bea nae toki ave e Baula ae kau tagata, bea i he aho naa na feholo‘i, ne ne fakamaa ia mo kinautolu, bea ne hu ia ki he fale lotu lahi, ke fakaha ae gaahi aho oe fakamaa, kae oua ke fai ha feilaulau maa nautolu taki taha kotoabe.

27 Bea kuo tei kakato ae aho e fitu, bea koe kau Jiu mei Esia, i he e nau mamata kiate ia i he fale lotu lahi, naa nau ue‘i ae kakai kotoabe, o buke ia,

28 Mo nau kalaga,  o behe, Ae kau tagata Isileli, tokoni mai: Ko eni ae tagata, oku ne ako kovi ki he kakai kotoabe i he botu fulibe ki he kakai ni, moe fono, moe botu ni: bea kuo omi foki eia ae kau Kiliki ki he fale lotu lahi, bea kuo ne uli‘i ae botu tabu ni.

29 (He kuo nau tomua mamata kiate ia mo Talofimo mei Efeso i he kolo, bea naa nau mahalo kuo omi ia e Baula ki he fale lotu lahi.)

30 Bea nae maveuveu ae kolo kotoabe, koe felele‘i ae kakai o fakataha: bea naa nau buke a Baula, mo toho ia mei he fale lotu lahi: bea tabuni leva ae gaahi mataba.

31 Bea i he e nau fai ke fakabogi ia, nae ha‘u hono tala ki he bule oe kau tau, kuo maveuveu a Jelusalema kotoabe.

32 Bea ave leva eia ae kau tau moe kau eiki tau, bea nau felele‘i hifo kiate kinautolu: bea kuo nau mamata ki he bule moe kau tau, nae tuku e nau haha a Baula.

33 Bea toki alu atu o ofi ae bule oe tau, bea ne buke ia, mo ne fekau ke ha‘i aki ia ae ukamea fihifihi e ua; mo ne fehui be kohai ia, bea koeha ae mea kuo ne fai.

34 Bea fekalaga‘i e he kakai aki ae mea kehekehe: bea i he ikai te ne faa ilo‘i hono mooni, koe mea i he maveuveu, naa ne fekau ke ave ia ki he fale lahi oe kau tau.

35 Bea i he ene hoko ki he hala ki oluga, nae fua hake ia e he kau tau, he kuo feohofi mai ae kakai.

36 He nae muimui ae fuu kakai, mo nau kalagaekina, Ke ave ia.

37 Bea i he fai ke tataki a Baula ki he fale lahi oe kau tau, naa ne behe ki he bule oe kau tau, E lelei eku lea atu kiate koe? Bea behe eia, Oku ke ilo ae lea faka‐Kiliki?

38 Ikai koe Ijibite koia akoe, aia nae fakatubu maveuveu i mu‘a, mo ne tataki ki he toafa ae kau tagata fakabo e toko fa afe?

39 Ka nae behe e Baula, Koe tagata Jiu au o Tasusi, i Silisia, koe tagata au oe kolo ogoogo: bea oku ou kole kiate koe, tuku keu lea atu ki he kakai.

40 Bea kuo ne tuku ia  ke ne lea, bea tuu a Baula i he hala ki oluga, o ne taalo aki hono nima ki he kakai. Bea kuo nau fakalogo, naa ne lea atu i he lea faka‐Hebelu, o behe.