¶ 1 AE kaiga tagata, moe gaahi tamai, mou fanogo ki he eku fakamatala ni kiate kimoutolu.

2 (Bea i he e nau fanogo oku ne lea kiate kinautolu i he lea faka‐Hebelu, naa nau fakalogobe: bea ne behe,)

3 Koe mooni koe tagata Jiu au, nae fanau‘i au i Tasusi, i Silisia, ka naaku tubu hake i he kolo ni i he va‘e o Kamelieli, bea nae akonekina au i he fono ae gaahi tamai, o fakatatau ki hono totonu lahi, bea neu fai velega ki he Otua, o hage ko kimoutolu kotoabe i he aho ni.

4 Bea naaku fakataga‘i ae hala ko eni o a‘u ki he mate, o ha‘ijia mo fakahu ki he gaahi fale fakabobula ae tagata moe fefine.

5 Bea oku fakamooni kiate au ae taulaeiki lahi, moe kau mātua kotoabe: aia neu ma‘u mei ai ae gaahi tohi ki he kaiga, beau alu ki Tamasikusi, ke ha‘ijia mo omi akinautolu nae i ai ki Jelusalema, ke tautea.

6 Bea behe, i he eku fai eku fonoga, kuou ofi ki Tamasikusi, i he hoata malie, bea fakafokifa, kuo malama mai mei he lagi ae māma lahi o takatakai iate au.

7 Bea neu to ki he kelekele, beau fanogo ki he le‘o, oku behe mai kiate au, E Saula, e Saula, koeha oku ke fakataga ai au?

8 Bea neu behe, E Eiki, kohai koe? Bea ne behe mai kiate au, Ko au Jisu o Nasaleti, aia oku ke fakataga‘i.

9 Bea nae mamata mooni ki he māma akinautolu nae iate au, bea manavahe; ka nae ikai te nau fanogo ki he le‘o o ia nae lea mai kiate au.

10 Bea neu behe, E Eiki, koeha teu fai? Bea behe mai e he Eiki kiate au, Tuu, o alu ki Tamasikusi; bea e tala i ai kiate koe ae gaahi mea kotoabe kuo tuutuuni ke ke fai.

11 Bea nae ikai teu kei mamata, koe mea i he malama lahi ae māma koia, bea nae taki nima au ekinautolu nae iate au, bea neu a‘u ki Tamasikusi.

12 Bea koe toko taha ko Ananaia, koe tagata faa lotu o fakatatau ki he fono, bea ogo lelei ia i he kakai Jiu kotoabe nae nofo ai;

13 Nae ha‘u ia kiate au, o tuu mai, mo ne behe mai kiate au, E kaiga ko Saula, ke a ho mata. Bea i he feituulaa be koia neu jio hake kiate ia.

14 Be ne behe mai, Kuo fili koe e he Otua oe tau gaahi tamai, ke ke ilo hono finagalo, mo mamata ki he Toko Taha Agatonu koia, mo ke fanogo ki he le‘o o hono fofoga.

15 He te ke hoko ko ene fakamooni oe mea kuo ke mamata mo fanogo ai ki he kakai kotoabe.

16 Bea koeha oku ke fakatuai ai? tuu, bea ke babitaiso, o fakamaa koe mei hoo agahala, bea ui ki he huafa oe Eiki.

17 Bea i he eku toe ha‘u ki Jelusalema, nae behe, nae āvea hoku loto, lolotoga eku lotu i he fale lotu lahi;

18 Bea neu mamata kiate ia, bea ne behe mai kiate au, Fakatootoo, mo ke alu ke vave i Jelusalema: koeuhi e ikai te nau tui ki hoo fakamooni kiate au.

19 Bea neu behe, E Eiki, oku nau ilo ko au naaku fakahu ki he fale fakabobula mo haha i he fale lotu kotoabe akinautolu nae tui kiate koe:

20 Bea i he liligi oe toto o hoo fakamooni ko Setiveni, naaku tuu i ai foki, beau loto ki hono tamate‘i, bea neu tauhi ae kofu o kinautolu naa nau tamate‘i ia.

21 Bea behe mai eia kiate au, Ke ke alu: he teu fekau koe ki he mamao ki he gaahi Jenitaile.

¶ 22 Bea naa nau fakafanogo kiate ia o a‘u ki he lea koia, bea nau  toki kalaga lahi, o behe, Ke ave i mamani ae jiana behe: oku ikai lelei ke moui ia.

23 Bea i he e nau kalaga, mo li ki lalo ho nau kofu, bea laku ki oluga ae efu,

24 Nae fekau e he eiki tau ke omi ia ki he fale lahi oe kau tau, bea fekau ke eke mo kauimaea ia; ke ne ilo be koeha oku nau kalaga behe ai kiate ia.

25 Bea i he e nau ha‘i aki ia ae kili‘i manu, bea behe e Baula ki he eiki tau nae tuu ai, Oku gofua hoo mou kauimaea ha tagata Loma, oku heeki ai fakamāu‘i?

26 Bea kuo fanogo ki ai ae eiki tau, bea alu ia o tala ki he bule oe tau, o ne behe, Ke ke vakai ki he mea oku ke fai: he koe tagata Loma eni.

27 Bea ha‘u ai ae bule oe tau, o behe kiate ia, Tala mai kiate au, koe Loma koe? Bea ne behe, Io.

28 Bea behe e he bule oe tau, Koe baaga lahi naaku fakatau aki eau keu oe kakai koia. Bea behe e Baula, Ka nae fanau‘i au koia.

29 Bea alu leva iate ia akinautolu nae fai ke fakamamahi‘i ia: bea nae manavahe foki moe bule oe tau, i he ene ilo koe Loma ia, bea koeuhi kuo ne ha‘i ia.

30 Bea bogibogi ai, koeuhi ko ene fie ilo hono mooni oe mea kuo tukuaki‘i ai ia e he kakai Jiu, naa ne vete iate ia hono ha‘i, mo ne fekau ki he kau taulaeiki lahi moe kau fakamāu kotoabe ke fakataha, bea ne omi ki lalo a Baula, o tuku ia i ho nau ao.