¶ 1 BEA kuo hao akimautolu, bea mau toki ilo koe motu ia oku ui ko Melita.

2 Bea nae lahi ae ofa mai ae kakai muli kiate kimautolu: he naa nau tutu ae afi, o ma‘u akimautolu kotoabe, koeuhi nae to ae uha, bea koeuhi koe momoko.

3 Bea i he okooko e Baula ae u bobohago, o ne tuku ia ki he afi, nae ha‘u mei he mafana ae gata fekai, o biki i hono nima.

4 Bea kuo mamata ae kakai muli ki he manu oku tāube i hono nima, ne nau febeheaki iate kinautolu, Koe mooni koe fakabo ae tagata ni, bea kuo hao ia mei he tahi, ka oku ikai tuku ia e he houhau ke ne moui.

5 Bea tube‘i eia ae manu ki he afi, bea nae ikai ogo‘i eia ha kovi.

6 Ka naa nau amanaki ki he ene bubula, be to hifo o mate fakafokifa be: bea kuo nau jiojio o fuoloa, kae ikai mamata ki ha kovi kuo hoko kiate iā, bea liliu ho nau loto, o nau behe, Ta koe otua ia.

7 Bea nae tuu i he botu koia ae abi oe eiki oe motu, ko hono higoa ko Bubilio; bea nae ofa mai ia kiate kimautolu, o mau nofo i hono abi i he aho e tolu.

8 Bea behe, nae tokoto ae tamai a Bubilio oku mahaki, koe mofi moe hana toto; bea kuo hu atu a Baula ki ai, o lotu, bea ne ala atu hono nima kiate ia, o fakamoui ia.

9 Bea kuo fai ia, bea ha‘u foki moe niihi oe motu nae moua i he gaahi mahaki, bea fakamoui:

10 Bea naa nau foaki ae gaahi foaki lahi kiate kimautolu; bea i he e mau alu, naa nau fakaheka ae gaahi mea nae aoga.

11 Bea kuo hili ae mahina e tolu, naa mau folau i he vaka Alekisanitia, nae nofo i he motu i he faahita‘u afā, bea ko hono fakailoga koe Mahagataane.

12 Bea naa mau alu ki uta i Silakusa, bea mau nofo ai o aho tolu.

13 Bea mau fākahua mei ai, bea mau a‘u atu ki Lijio: bea hili ae aho e taha, bea toga ae matagi, bea bogibogi ai, naa mau a‘u atu ki Biuteoli:

14 Bea mau ilo ai ae kaiga, bea naa nau kole ke mau nofo mo kinautolu o aho fitu: bea naa mau fonoga atu ki Loma.

15 Bea kuo fanogo ae kaiga mei ai kiate kimautolu, naa nau ha‘u o fakafetaulaki mai kiate kimautolu ki he Malae o Abio, moe Fale e tolu: bea kuo mamata ai a Baula, bea ne fakafetai ki he Otua, mo loto malohi ai.

16 Bea kuo mau a‘u atu ki Loma, bea tuku e he eiki tau ae kau bobula ki he bule oe kau tau: ka nae tuku a Baula ke nofo kehe, moe tagata tau naa ne leohi ia.

17 Bea behe, kuo hili ae aho e tolu, bea fekau e Baula ki he kau matābule Jiu ke fakataha: bea kuo nau katoa mai, bea ne behe kiate kinautolu, Ae kau tagata koe kaiga, nae ikai be teu fai ha mea ki he kakai be ki he gaahi gaue fakaeiki oe tau gaahi tamai, ka nae tuku au mei Jelusalema koe bobula ki he nima oe kakai Loma.

18 Bea kuo nau fakamāu au, bea nau loto ke tukuage au, koeuhi nae ikai iate au ha mea e totonu ai eku mate.

19 Ka i he lea malohi ae kakai Jiu ke oua, bea neu behe, teu fakamāu be au ia Sisa; ka nae ikai i he eku fie talatalaaki‘i hoku kakai i ha mea.

20 Bea koe mea ia oku ou fekau atu ai ke mou katoa mai, keu mamata bea lea kiate kimoutolu: he koeuhi koe amanaki a Isileli kuo ha‘ijia aki au ae ukamea fihifihi ni.

21 Bea naa nau behe kiate ia, Oku ikai te mau ma‘u mei Jutea ha tohi kiate koe, bea nae ikai fakaha bea lea aki ha kovi kiate koe e ha toko taha i he kaiga nae ha‘u.

22 Ka oku mau holi ke fanogo iate koe be koeha ho loto: he koeuhi koe faahiga ni, oku mau ilo oku lea kovi ki ai i he botu kotoabe.

23 Bea kuo nau kotofa ae aho kiate ia, bea ha‘u ae toko lahi ki hono fale; bea ne fakamatala eia mo fakababau atu ae buleaga oe Otua kiate kinautolu, o ne fakamooni kiate kinautolu mei he fono a Mosese, moe kau balofita, kia Jisu, o fai mei he bogibogi o a‘u ki he efiafi.

24 Bea nae tui ae niihi ki he gaahi mea naa ne lea aki, ka nae ikai tui ae niihi.

25 Bea kuo ikai te nau loto taha iate kinautolu, bea nau alu, ka kuo hili ae lea aki e Baula ae lea ni e taha, Neinei folofola ae Laumalie Maonioni ia Isaia koe balofita ki he e tau gaahi tamai,

26 O behe, Alu ki he kakai ni, mo ke behe, Te mou fakaogoogo bea fanogo, kae ikai ogo‘i; bea jiofia o mamata, kae ikai ilo‘i:

27 He kuo fakaogonoa ae loto oe kakai ni, bea oku tuli ho nau teliga, bea kuo nau fakamohe ho nau mata; telia naa iloage kuo mamata ho nau mata, bea fanogo ho nau teliga, bea ilo e ho nau loto, bea liliu ai, bea teu fakamoui akinautolu.

28 Koia ke mou ilo eni, kuo fekau atu ki he kakai Jenitaile ae fakamoui ae Otua, bea e fanogo ai akinautolu.

29 Bea kuo lea aki eia ae gaahi lea ni, bea alu ae kakai Jiu, bea nae lahi e nau fakakikihi iate kinautolu.

30 Bea nae nofo a Baula i hono fale oona naa ne totogi ki ai o ua ta‘u, bea ne talia akinautolu kotoabe nae ha‘u kiate ia,

31 O ne malaga aki ae buleaga oe Otua, mo ako aki ae gaahi mea oku kau ki he Eiki ko Jisu Kalaisi, i he malohi lahi, bea nae ikai taofi kiate ia e ha toko taha.