¶ 1 BEA i he aho koia, nae lahi ae fakataga ki he jiaji i Jelusalema; bea nae fakamovetevete akinautolu kotoabe i he fonua ko Jutea mo Samelia, kae  nofo be ae kau abosetolo.

2 Bea nae fai ae butu o Setiveni e he kau tagata lotu, bea nae lahi e nau tagi iate ia.

3 Ka ko Saula naa ne maumau‘i ae jiaji, o hu ki he fale kotoabe, mo ne toho ae kakai tagata moe fefine, o fakahu ki he fale fakabobula.

4 Bea ko kinautolu nae fakamovetevete, naa nau alu ki he botu kotoabe, mo malaga aki ae folofola.

5 Bea nae toki alu hifo a Filibe ki he kolo o Samelia, o malaga aki a Kalaisi kiate kinautolu.

6 Bea nae tokaga o loto taha ae kakai ki he gaahi mea nae lea aki e Filibe, i he e nau fanogo mo mamata ki he gaahi mana naa ne fai.

7 He nae ha‘u kitua ae kau laumalie uli mei he toko lahi naa nau ulujino ai, o nau tagi le‘o lahi: bea nae fakamoui ae toko lahi nae bukea i he mahaki tete, bea moe kau bibiki.

8 Bea nae lahi ae fiefia i he kolo koia.

9 Ka nae i ai ae tagata nae higoa ko Saimone, aia ne tomua fai ae kikite i he kolo o ne fakamana‘i ae kakai o Samelia, mo ne bole koe lahi ia:

10 Bea naa nau tokaga kotoabe kiate ia, mei he iki o a‘u ki he lalahi, o nau behe, Koe malohi lahi oe Otua ae tagata ni.

11 Bea naa nau tokaga kiate ia, koeuhi kuo fuoloa ene fakaofo kiate kinautolu i he ene fie mana.

12 Ka kuo nau tui kia Filibe, i he ene malaga aki ae gaahi mea oe buleaga oe Otua, moe huafa o Jisu Kalaisi, bea nau babitaiso, ae tagata moe fefine.

13 Bea toki tui foki mo Saimone: bea kuo babitaiso ia, bea nofo ia mo Filibe, o ofo i he ene mamata ki he gaahi mana moe mea fakaofo lahi naa ne fai.

14 Bea i he fanogo ae kau abosetolo i Jelusalema kuo tali e Samelia ae folofola ae Otua, naa nau fekau a Bita mo Jone kiate kinautolu:

15 Bea i he e na hoko hifo, naa na hufia akinautolu, ke nau ma‘u ae Laumalie Maonioni:

16 (He nae heeki ai to ia ki ha niihi iate kinautolu: ka kuo nau babitaiso be i he huafa oe Eiki ko Jisu.)

17 Bea naa na toki hilifaki ho na nima kiate kinautolu, bea nau ma‘u ae Laumalie Maonioni.

18 Bea kuo mamata a Saimone oku foaki ae Laumalie Maonioni i he hili ae nima oe ogo abosetolo, bea fie atu eia ae baaga kiate kinaua,

19 O ne behe, Foaki mai foki kiate au ae malohi ni, koeuhi ke iloga aia teu hili ki ai hoku nima, ke ma‘u eia ae Laumalie Maonioni.

20 Ka nae behe e Bita kiate ia, Ke malaia mo koe hoo baaga, koeuhi kuo ke mahalo e faa fakatau aki ae baaga ae foaki ae Otua.

21 Oku ikai jii hao inaji be tufakaga i he mea ni: he oku ikai lelei ho loto i he ao oe Otua.

22 Koia ke ke fakatomala i hoo agahala ni, bea hu ki he Otua, hei ilo e fakamolemole kiate koe ae mahalo o ho loto.

23 He oku ou ilo ni oku ke i he kona oe ahu, bea oku ha‘i aki koe ae agahala.

24 Bea leaage a Saimone, o behe, Mo hufia au ki he Eiki, ke oua naa to kiate au ha mea e taha i he gaahi mea kuo mo lea ki ai.

25 Bea kuo oji e na fakaha mo malaga aki ae folofola ae Eiki, ne na toe liu mai ki Jelusalema, o malaga aki ae ogoogolelei i he gaahi botu kakai kehekehe o Samelia.

26 Bea nae lea ha agelo ae Eiki kia Filibe, o behe, Tuu, bea ke alu ki he feituu toga, ki he hala oku alu hifo mei Jelusalema ki Kesa, aia koe toafa.

27 Bea tuu ia, o alu: bea vakai, koe tagata Itiobea, koe iunoke, koe eiki o Kanitesi koe tu‘i fefine oe kakai Itiobea, nae aana ae tauhi o ene koloa kotoabe, bea nae alu ia ki Jelusalema ke lotu:

28 Bea i he ene liu mai, kuo heka i hono jaliote, bea nae lau eia ae balofita ko Isaia.

29 Bea nae toki behe e he Laumalie kia Filibe, Alu atu ke hoko ki he jaliote na.

30 Bea lele atu a Filibe, o ne fanogo ki he ene lautohi i he balofita ko Isaia, bea ne behe, Oku ke ilo  hono uhiga o ia oku ke lau?

31 Bea behe eia, Teu ilo fefe, o kabau e ikai fakahinohino au e ha tagata? Bea naa ne kole kia Filibe ke alu hake ke na haheka mo ia.

32 Koe botu eni i he tohi naa ne lau, Nae tataki ia o hage koe sibi ke tamate‘i; bea hage koe lami oku noa i he ao oe tagata koji, behe nae ikai mafaa hono fofoga:

33 I he ene moulaloa nae fakamalohi‘i ia: bea kohai te ne fakaha hono tubuaga? he nae ave ene moui i mamani.

34 Bea leaage ae iunoke kia Filibe, o behe, Oku ou kole kiate koe, koe lea eni ae balofita ki ahai? kiate ia, be ki ha tagata kehe?

35 Bea mafaa ae gutu o Filibe, o ne kamata i he tohi koia, o malaga aki a Jisu kiate ia.

36 Bea i he e na fonoga i he hala, naa na hoko ki he vai: bea behe e he iunoke, Vakai, koe vai; koeha oku taofi ke oua naaku babitaiso?

37 Bea behe e Filibe, Oku lelei ia, o kabau oku ke tui aki ho loto kotoa. Bea ne leaage, o behe, Oku ou tui ko Jisu Kalaisi koe Alo oe Otua.

38 Bea fekau eia ke tuu ae saliote: bea ne na o hifo fakatouoji ki he vai, a Filibe moe iunoke; bea ne babitaiso i ai.

39 Bea kuo na o hake mei he vai, bea ave a Filibe e he Laumalie oe Eiki, bea nae ikai toe mamata e he iunoke kiate ia: bea fonoga ia i hono hala kuo fiefia.

40 Ka nae ilo a Filibe i Asota: bea fonoga atu ia, mo malaga i he gaahi kolo kotoabe, o fai ki Sesalia.