Koe Tohi a Baula koe Abosetolo ki he Kakai Kolose

¶ 1 KO AU BAULA, koe abosetolo a Jisu Kalaisi i he finagalo oe Otua, mo hoku tehina ko Timote,

2 Ki he kaiga maonioni mo agatonu ia Kalaisi oku i Kolose: Ke iate kimoutolu ae aloofa, moe monuia, mei he Otua koe tau Tamai bea moe Eiki ko Jisu Kalaisi.

3 Oku ma fakafetai ki he Otua koe Tamai a ho tau Eiki ko Jisu Kalaisi, o hufia mau be akimoutolu,

4 Talu e ma fanogo ki hoo mou tui kia Kalaisi Jisu, bea mo hoo mou ofa ki he kaiga maonioni kotoabe,

5 Koeuhi koe amanaki lelei aia kuo hilifaki i he lagi maa moutolu, aia naa mou fanogo ki ai i mu‘a i he lea oe mooni oe ogoogolelei;

6 Aia kuo a‘u atu kiate kimoutolu, bea behe foki ki mamani kotoabe; bea oku tubu ai ae fua, o hage foki koia iate kimoutolu, talu ae aho naa mou ogo‘i o ilo mooni ae ofa ae Otua:

7 O hage koia foki kuo mou ilo mei a Ebafasi, ko ho ma kauga tamaioeiki ofeina, aia koe faifekau agatonu a Kalaisi kiate kimoutolu;

8 Aia foki nae fakaha kiate kimaua hoo mou ofa i he Laumalie.

9 Bea koe mea koia foki, talu ae aho naa ma fanogo ki ai, oku ikai tuku e ma hufia akimoutolu, bea moe holi ke fakafonu akimoutolu aki ae ilo ki hono finagalo i he boto kotoabe moe ilo fakalaumalie;

10 Bea ke mou aeva o tāu moe Eiki o fakafiemalie i he mea kotoabe, ke mou fua lahi i he gaue lelei kotoabe, bea tubulekina i he ilo‘i ae Otua;

11 Bea ke fakamalohi akimoutolu aki ae mafai kotoabe, o fakatatau mo ene malohi lahi aubito, ki he faa kataki kotoabe moe kataki fuoloa i he fiefia;

12 O fakafetai ki he Tamai, aia kuo ne gaohi akitautolu ke tau tāu ke kau i he tofia oe kaiga maonioni i he māma:

13 Aia kuo ne fakamoui akitautolu mei he malohi oe bouli, bea kuo ne hiki akitautolu ki he buleaga o hono Alo ofaaga:

14 Aia oku tau ma‘u ai ae huhui i hono taataa, koe fakamolemole oe gaahi agahala:

15 Aia ko hono tatau oe Otua tae ha mai, koe uluaki fanau i he mea fakatubu kotoabe.

16 He nae fakatubu eia ae gaahi mea kotoabe, aia oku i he lagi, bea mo ia oku i mamani, ae mea ha mai moe tae ha mai, be koe gaahi nofoa fakaeieiki, be koe gaahi eikiaga, be koe gaahi bule, be koe gaahi malohi: nae fakatubu eia ae gaahi mea kotoabe, bea nae maana ia:

17 Bea oku ki mu‘a ia i he gaahi mea kotoabe, bea oku tuu mau iate ia ae gaahi mea kotoabe.

18 Bea koe ulu ia oe jino, koe jiaji: aia koe kamataaga, koe uluaki tubu mei he mate; koeuhi ke maoluga taha be ia i he gaahi mea kotoabe.

19 He nae leleiia ke nofo ae fonu kotoabe iate ia;

20 Bea i he fakamelino aki ae taataa i hono  tutuki ki he akau, ke fakalelei ai ae gaahi mea kotoabe kiate ia; iate ia, be ko ha gaahi mea i mamani, be koe gaahi mea i he lagi.

21 Bea ko kimoutolu, nae āuhe koe gaahi fili i mu‘a i loto i he gaahi gaue kovi, ka ko eni kuo ne fakalelei

22 I he jino o hono kakano, i he mate, koeuhi ke ne atu akimoutolu oku mou maonioni mo taemele mo taevalokiia i hono ao:

23 O kabau te mou tuu mau i he tui o aka mo tuu fakamakatuu, bea ikai hiki mei he amanaki lelei oe ogoogolelei, aia naa mou fanogo, bea nae malaga aki ki he kakai kotoabe i lalo lagi; aia kuo fakanofo au ko Baula koe faifekau o ia;

24 Bea oku ou fiefia ni i he eku gaahi mamahi koeuhi ko kimoutolu, beau fakakakato aia oku toe i he gaahi mamahi a Kalaisi i hoku kakano koeuhi ko hono jino oona, aia koe jiaji.

25 Aia kuo fakanofo au koe faifekau o ia, o tāu moe tuutuuni ae Otua nae foaki kiate au koeuhi ko kimoutolu, ke malaga lahi aki ae folofola ae Otua;

26 Koe mea fufu aia nae fakalilolilo ki he gaahi kuoga moe gaahi toutagata, ka kuo fakaha eni ki he ene kakai maonioni:

27 Akinautolu oku finagalo ae Otua ke fakaha ki ai ae koloa oe lelei lahi oe mea fakalilolilo ni ki he kakai Jenitaile: ko Kalaisi iate kimoutolu, koe amanaki lelei ki he hakeaki‘i:

28 Aia oku mau malaga aki, o valoki ae tagata kotoabe, mo akonaki‘i ae tagata tāu taha i he boto kotoabe; koeuhi ke mau atu ae tagata kotoabe kuo haohaoa ia Kalaisi Jisu:

29 Ae mea koia oku ou gaue ai foki, i he fai feiga o fakatatau mo ene gaue, aia oku fai malohi aubito iate au.