¶ 1 AE gaahi eiki, atu ki hoo mou kau tamaioeiki aia oku totonu mo tatau; he oku mou ilo oku ai ho mou Eiki foki i he lagi.

2 Fai mau be ae lotu, bea leo i ai mo fakafetai;

3 Bea lotua akimautolu foki, koeuhi ke too kiate kimautolu e he Otua ae mataba oe lea, ke lea aki ae mea fakalilolilo a Kalaisi, aia kuo ha‘ijia ai au:

4 Koeuhi keu fakaha atu ia, o tāu mo ia oku totonu keu lea aki.

5 Mou aeva i he aga fakabotoboto kiate kinautolu oku ituaa, o huhui ae kuoga.

6 Ke lelei mau ai be hoo mou lea, o fakalelei aki ae masima, koeuhi ke mou ilo ke tali totonu ae tagata kotoabe.

7 E fakaha atu eku mea kotoabe kiate kimoutolu e Tikiko, aia koe tokoua ofeina, moe faifekau agatonu moe kauga tamaioeiki i he Eiki:

8 Aia kuou fekau atu kiate kimoutolu koeuhi koe mea koia, bea koeuhi ke ne ilo be oku mou fefe, bea fakafiemalie ki ho mou loto;

9 Bea mo Onesimosi, koe tokoua agatonu mo ofeina, aia ko ho mou toko taha. Te na fakailo kiate kimoutolu ae mea kotoabe i heni.

10 Ko Alisitako, ho hoku kauga nofo fale fakabobula, oku ofa atu kiate kimoutolu, mo Maake, koe tama ae tuofefine o Banebasa, (aia naa mou ma‘u ae fekau oku kau kiate ia: kabau oku alu atu ia kiate kimoutolu, ma‘u ia;)

11 Mo Jisu, aia oku ui ko Jusito, akinautolu ni oku oe kamu. Ko kinautolu ni be ko hoku kauga gaue ki he buleaga oe Otua, bea naa nau fakafiemalie kiate au.

12 Ko Ebafasi, ko ho mou toko taha, koe tamaioeiki a Kalaisi, oku ofa atu ia kiate kimoutolu: oku fai feiga mau ai be ia koeuhi ko kimoutolu i he gaahi lotu, koeuhi ke mou tuu haohaoa mo kakato i he finagalo kotoabe oe Otua.

13 He oku ou fakamooni ki ai, oku iate ia ae loto feiga lahi kiate kimoutolu, bea mo kinautolu oku i Leotisia, mo kinautolu oku i Heilaboli.

14 Ko Luke, koe faitoo ofeina, mo Timasi, oku na ofa atu kiate kimoutolu.

15 Tala atu eku ofa ki he kaiga oku i Leotisia, mo Nimifa, moe jiaji i hono fale.

16 Bea oka lau ae tohi ni iate kimoutolu, vakai ke lau ia foki ki he jiaji oe kakai Leotisia; bea ke mou lau foki ae tohi mei Leotisia.

17 Bea tala kia Akiba, Ke ke vakai ki he gaue kuo ke ma‘u mei he Eiki, koeuhi ke ke fai ia.

18 Ko au Baula oku ofa atu aki hoku nima. Manatu ki hoku gaahi ha‘i. Ke iate kimoutolu ae aloofa. Emeni.