¶ 1 BEA koeuhi koe mea ni, ko au Baula, koe bobula a Jisu Kalaisi koeuhi ko kimoutolu Jenitaile,

2 (He kuo mou fanogo ki he lakaga i he ofa ae Otua, aia kuo foaki kiate au koeuhi ko kimoutolu:

3 Koeuhi nae fakailo eia i he fakaha kiate au ae mea fakalilolilo; o hage koia neu tohi jii ki ai i mu‘a,

4 Aia, oka mou ka lau, te mou ilo eku boto i he mea fakalilolilo a Kalaisi)

5 Aia nae ikai fakailo i he gaahi kuoga i mu‘a ki he gaahi foha oe tagata, o hage ko hono fakaha eni e he Laumalie ki he ene kau abosetolo maonioni moe kau balofita;

6 Koeuhi ke kauga hoko ae kakai Jenitaile, bea i he jino be taha, bea kau i he ene talaofa ia Kalaisi i he ogoogolelei:

7 Aia nae fakanofo au koe faifekau o ia, o fakatatau ki he foaki ofa ae Otua, nae foaki kiate au i he gaue malohi o ene mafimafi.

8 Koe jii hifo taha be au i he kaiga maonioni kotoabe oku jii, ka kuo foaki ae ofa ni kiate au, koeuhi keu malaga aki ki he gaahi Jenitaile ae koloa tae faa hakule a Kalaisi;

9 Bea ke fakailo ki he kakai kotoabe, ae feohi oe mea fakalilolilo, aia nae lilo i he Otua, aia naa ne fakatubu ae mea kotoabe ia Jisu Kalaisi, talu mei he kamataaga o mamani:

10 Koeuhi ke fakaha atu eni e he jiaji, i he gaahi mea kehekehe, ae boto oe Otua ki he gaahi bule moe gaahi malohi i he gaahi botu fakalagi,

11 O fakatatau ki he tuutuuni i mu‘a i mu‘a, aia naa ne tuutuuni ia Kalaisi Jisu ko ho tau Eiki:

12 Aia oku abaabagofua ai e tau hu malohi atu i he tui kiate ia.

13 Koia oku ou holi ke oua naa mou loto foi i he eku gaahi mamahi koeuhi ko kimoutolu, aia ko ho mou fiefiaaga.

14 Koe mea koia oku ou beluki ai hoku tui ki he Tamai a ho tau Eiki ko Jisu Kalaisi,

15 Aia oku ui mei ai ae fānau kotoabe i he lagi mo mamani,

16 Koeuhi ke ne foaki kiate kimoutolu, o fakatatau mo hono lahi aubito o ene lelei, ke fakamalohi akimoutolu aki ae malohi i hono Laumalie i he tagata i loto;

17 Koeuhi ke nofoia ho mou loto e Kalaisi i he tui; kae aka akimoutolu mo tuu mau i he ofa,

18 Ke mou mafai ke ilo fakataha moe kaiga maonioni kotoabe, hono māukubu, mo hono loloa, mo hono loloto, mo hono maoluga;

19 Bea ke ilo ae ofa a Kalaisi, aia oku lahi hake i he faa ilo, bea ke fakafonu akimoutolu aki ae fonu kotoabe oe Otua.

20 Bea koeni, ke iate ia aia oku mafai ke fai lahi hake aubito aubito i he mea kotoabe te tau kolea be mahalo ki ai, o fakatatau ki he malohi aia oku gaue iate kitautolu

21 Ke iate ia ae ogoogo lelei i he jiaji ia Kalaisi Jisu, i he gaahi kuoga kotoabe, o taegata bea taegata. Emeni.