¶ 1 BEA hili ae ta‘u e hogofulu ma fa, beau toe alu hake ki Jelusalema mo Banebasa, beau ave a Taitusi foki.

2 Naaku alu hake i hono fakaha mai, o fakailo atu kiate kinautolu ae ogoogolelei koia aia oku ou malaga aki ki he gaahi Jenitaile, ka i he fufu be kiate kinautolu taki taha nae ogoogo, telia naa iloage, oku ou lele be kuou lele taeaoga.

3 Bea ko Taitusi, koe Kiliki, nae iate au ia, nae ikai jii te nau fekau ke kamu ia:

4 Bea koeuhi koe kaiga loi nae omi fakafufu, o nau hu fakafufu mai ke mataki‘i e tau tauataina, aia oku tau ma‘u ia Kalaisi Jisu, koeuhi ke nau fakabobula‘i akitautolu:

5 Bea nae ikai jii te mau fakavaivai ki ai i ha feituulaa jii e taha; koeuhi ke iate kimoutolu mau ai be ae mooni oe ogoogolelei.

6 Bea koeuhi ko kinautolu nae lahi hake, (ne ogo e nau lahi, koe umaa ia kiate au: oku ikai filifilimanako ae Otua ki he tagata:) he ko kinautolu nae lahi, nae ikai te nau fakaha ha mea foou kiate au:

7 Kae kehe, i he e nau mamata kuo tuku kiate au ae ogoogolelei ki he taekamu, o hage  koe tuku kia Bita aia oe kamu;

8 (He ko ia naa ne gaue malohi ia Bita ki he gaue fakaabosetolo ki he kamu, ko ia ia nae malohi iate au ki he kakai Jenitaile:)

9 Bea kuo mamata a Jemesi, mo Kifasi, mo Jone, akinautolu nae hage koe gaahi bou, ki he ofa kuo foaki kiate au, naa nau tuku mai kiate au mo Banebasa ae nima toomatau oe feo-foofani: ke ma  alu ki he kakai Jenitaile, ka ko kinautolu ki he kamu.

10  O nau behe be, ke ma manatu ki he kakai majiva; ae mea koia foki naaku fie fai ki ai.

11 Bea i he hoko a Bita ki Aniteoke, naaku tuu hake o valoki ia, koeuhi nae totonu hono valoki‘i.

12 Koeuhi i he heeki ai ha‘u ae niihi mei a Jemesi, nae kai fakataha ia moe kakai Jenitaile: ka i he e nau hoko mai, nae mahui o ne fakamavae ia, koe manavahe kiate kinautolu oe kamu.

13 Bea fai malualoi mo ia a hono toe oe kau Jiu foki; koia nae auhia ai foki a Banebasa i he e nau malualoi.

14 Ka i he eku mamata nae ikai te nau aeva totonu, o fakatatau ki he mooni oe ogoogolelei, neu behe ai kia Bita, i he ao o kinautolu kotoabe, Kabau ko koe, koe Jiu, oku ke fai o fakatatau ki he aga oe kakai Jenitaile, kae ikai hage koe kakai Jiu, koeha oku ke bule‘i ai ae kakai Jenitaile ke fai o hage koe kakai Jiu?

15 Ko kitautolu oku tubu koe kakai Jiu, ka oku ikai koe kau agahala ae kakai Jenitaile,

16 Oku tau ilo oku ikai fakatonuhia ha tagata e he gaahi gaue oe fono, ka i he tui a Jisu Kalaisi, kuo tau tui kia Jisu Kalaisi, koeuhi ke fakatonuhia akitautolu e he tui a Kalaisi, kae ikai i he gaahi gaue oe fono: he oku ikai fakatonuhia‘i ha toko taha e he gaahi gaue oe fono.

17 Bea ka lolotoga e tau kumi ke tau tonuhia mei a Kalaisi, kuo ilo akitautolu koe kau agahala, bea kuo hoko ai a Kalaisi koe tauhi oe agahala? Ikai aubito.

18 He kabau oku ou toe laga‘i ae gaahi mea naaku fakaauha, ta oku ou gaohi au koe agahala.

19 He koe mea i he fono kuo mate ai au ki he fono, koeuhi keu moui ki he Otua.

20 Kuo tutuki au ke mate o hage ko Kalaisi: ka oku ou moui; ka oku ikai ko au, ka ko Kalaisi oku moui iate au: bea ko eku moui eni i he kakano, oku ou moui i he tui ki he Alo oe Otua, aia nae ofa kiate au, o ne foaki ia eia koeuhi ko au.

21 Oku ikai teu fakataeaoga ae ofa ae Otua: he kabau oku mei he fono ae fakatonuhia, bea ta kuo bekia taeaoga a Kalaisi.