¶ 1 KO eni, oku ou behe, Koe foha hoko i he ene kei tamajii, ne ogo oku eiki ia ki he mea kotoabe, oku ikai jii fai kehekehe ia moe tamaioeiki;

2 Ka oku moulaloa ia ki he kau takiaki moe kau tauhi, kae oua ke hokojia ae kuoga kuo kotofa e he tamai.

3 Oku behe be akitautolu, naa tau kei jii, bea tau nofo tokilalo ki he gaahi uluaki mea oe mamani:

4 Ka i he hokojia mai hono kakato oe kuoga, nae tuku atu ai e he Otua hono Alo, ke fanau‘i e he fefine, bea fanau‘i ia o moulaloa i he fono,

5 Ke huhui akinautolu nae moulaloa ki he fono, koeuhi ke tau ma‘u ai ae ohi oe gaahi foha.

6 Bea koeuhi koe gaahi foha akimoutolu, kuo fekau atu ai e he Otua ae Laumalie o hono Alo ki ho mou loto, oku tagi, Aba, Tamai.

7 Koia oku ikai ai te ke kei tamaioeiki, ka koe foha; bea kabau koe foha, koe foha hoko oe Otua ia Kalaisi.

8 Ka i he kuoga koia nae ikai te mou ilo‘i ae Otua, naa mou tauhi akinautolu aia oku ikai jii koe otua mooni.

9 Ka koeni, hili hoo mou ilo ae Otua, be koe ilo akimoutolu e he Otua, oku fefe hoo mou toe tafoki ki he gaahi uluaki mea vaivai mo majiva, aia oku mou holi ke mou toe bobula ki ai?

10 Oku mou tauhi ae gaahi aho, moe gaahi mahina, moe gaahi faahita‘u, moe gaahi ta‘u.

11 Oku ou manavahe kiate kimoutolu, telia naa kuo taeaoga eku gaue kiate kimoutolu.

12 E kaiga, oku ou fakakolekole kiate kimoutolu, ke mou hage ko au; he oku ou hage ko kimoutolu: oku ikai jii te mou fai ha kovi kiate au.

13 Oku mou ilo, naaku malaga aki ae ogoogolelei kiate kimoutolu i mu‘a i he jino vaivai.

14 Bea ko hoku ahiahi, aia nae i hoku jino, nae ikai te mou fehia be jiaki ai au; ka naa mou ma‘u au o hage koe agelo ae Otua, bea hage ko Kalaisi Jisu.

15 Bea kofaa ai ae monuia naa mou lea ki ai? he oku ou fakamooni kiate kimoutolu, ka ne faa fai, behe, ne mou too mai ho mou mata, ke foaki kiate au.

16 Bea kuou hoko au ko ho mou fili koa, koe mea i he eku tala ae mooni kiate kimoutolu?

17 Oku nau ofa feiga kiate kimoutolu, ka oku ikai lelei; io, ko ho nau loto ke fakamavae akimoutolu, ka mou ofa feiga be kiate kinautolu.

18 Ka oku lelei ke fai feiga mau ai be i he mea lelei, kae oua naa gata i he eku iate kimoutolu.

19 A eku fānau jii, aia oku ou toe lagā ai kae oua ke tubu a Kalaisi iate kimoutolu,

20 Amujiaage eni kuou iate kimoutolu, bea keu liliu hoku le‘o; he oku ou bubutuu telia akimoutolu.

21 Tala mai kiate au, akimoutolu oku holi ke mou moulaloa ki he fono, ikai oku mou fanogo ki he fono?

22 He kuo tohi, nae toko ua ae foha o Ebalahame, koe toko taha i he fefine bobula, bea koe toko taha i he fefine tauataina.

23 Ka ko ia nae oe fefine bobula, nae tubu ia fakatagata be; ka ko ia oe fefine tauataina, nae i he talaofa ia

24 Koe fakatātā ae ogo mea koia: he koe fuakava eni e ua; koe taha mei he mouga ko Sainai, aia oku fanau ki he bobula, ko Ekaa ia.

25 He koe Ekaa ni, koe mouga ko Sainai ia i Alebea, bea oku hage ko Jelusalema aia oku ai ni, bea oku bobula ia mo ene fānau.

26 Ka ko Jelusalema oku i oluga, oku tauataina ia, aia koe fa‘e atautolu kotoabe.

27 He kuo tohi, Fiefia, akoe koe baa, nae ikai ke fanau; ke hiki ho le‘o o kalaga, akoe nae ikai ke lagā: he oku toko lahi aubito ae fānau o ia nae jiaki iate ia oku ai hono unoho.

28 Bea koeni, e kaiga, koe fānau ae talaofa akitautolu, o hage ko Aisake.

29 Kae hage ko ena, ko ia nae tubu fakatagata be, naa ne fakataga aia nae oe Laumalie, bea oku kei behe ni.

30 Ka koeha ae lea oe tohi? Kabuji kitua ae fefine bobula mo ene tama: koeuhi e ikai hoko fakataha ae tama ae fefine bobula moe tama ae fefine oku tauataina.

31 Koia, e kaiga, oku ikai koe fānau akitautolu ae fefine bobula, ka koe tauataina.