¶ 1 He koe mea i he ma‘u e he fono ae ata be oe gaahi mea lelei e hoko, kae ikai ko hono tatau mooni oe gaahi mea, oka ikai faa fai ia i he gaahi feilaulau koia oku nau faa atu i he ta‘u kotoabe, ke fakahaohaoa‘i akinautolu oku fai ki ai.

2 He ka ne behe, ikai kuo tuku hono feilaulau aki? he koeuhi koe kau lotu kuo fakamaa o tuo taha, e ikai te nau kei ogo‘i loto ae agahala.

3 Ka i he gaahi  feilaulau koia  oku ai ae fakamanatu ki he agahala i he ta‘u kotoabe.

4 He oku ikai aubito mafai ke ave ae agahala e he toto oe faga bulu moe faga koji.

5 Koia oku behe ai eia, i he ene haele mai ki mamani, Koe feilaulau moe mea foaki nae ikai te ke finagalo ki ai, ka kuo ke teuteu ae jino mooku:

6 Koe gaahi feilaulau tutu moe gaahi feilaulau koeuhi koe agahala oku ikai te ke fiemalie ai.

7 Beau toki behe, E Otua, vakai, oku ou ha‘u ke fai ho finagalo: he kuo tohi i he tohi takai iate au.

8 Bea i he ene fuofua behe mai, Koe feilaulau moe mea foaki moe feilaulau tutu moe feilaulau koeuhi koe agahala, nae ikai te ke finagalo ki ai, be fiemalie ai; aia oku atu o fakatatau ki he fono;

9 Bea toki behe eia, e Otua, vakai, oku ou ha‘u ke fai ho finagalo, Oku ne ave ae uluaki, ka ne fokotuu mau hono ua.

10 Bea koe finagalo koia oku fakamaonioni‘i ai akitautolu, i he feilaulau aki ae jino o Jisu Kalaisi o Iiuga taha be.

11 Bea oku tuu ae taulaeiki kotoabe i he aho fulibe o tauhi, mo feilaulau aki o lahi ae gaahi feilaulau be koia, aia oku ikai aubito faa fai ke ave ae agahala:

12 Ka ko ia, kuo hili ene atu ae feilaulau e taha koeuhi koe agahala, bea nofo ia o taegata i he nima toomatau oe Otua;

13 Bea talu mei ai, mo ene amanaki, kae oua ke gaohi hono gaahi fili ko hono tuugava‘e

14 He koe feilaulau be taha kuo ne fakahaohaoa ai o taegata akinautolu kuo fakamaonioni‘i.

15 Aia oku fakamooni e he Laumalie Maonioni kiate kitautolu: he kuo hili ene muaki lea mai,

16 Koe fuakava eni aia teu fai mo kinautolu oka hili ae gaahi aho koia, bea oku behe e Jihova, Teu ai eku gaahi fekau ki ho nau loto, bea teu tohi ia i ho nau laumalie;

17 Bea koe nau gaahi agahala moe nau gaahi hia, e ikai teu kei manatu‘i.

18 Bea koia  oku i ai ae fakamolemole o ia, e ikai ha kei feilaulau koeuhi koe agahala.

19 Koia, e kaiga, koe mea i he ene abaabagofua e tau hu ki he botu tabu i he taataa o Jisu,

20 I he hala foou bea moui, aia kuo ne fakatabu‘i moo tautolu, i he buibui, aia ko hono jino;

21 Bea  i he ai moe fugani taulaeiki ki he fale oe Otua;

22 Ke tau unuunu atu i he loto mooni moe amanaki malohi oe tui, kuo luluku ho tau loto mei he atamai kovi, bea fakamaa mo ho tau jino aki ae vai maa.

23 Ke tau buke mau ae fakaha oe tau tui o taegau‘eue; (he oku mooni ia kuo ne fakailo;)

24 Bea tau fetokagaaki ke fefaka-aiaiaki akitautolu ki he ofa moe gaahi gaue lelei:

25 Ke oua naa jiaki ekitautolu e tau faa fakataha o hage koia oku fai e he niihi; kae feakonakiaki  akimoutolu: bea ajili ai, ko hoo mou ilo oku ofi mai ae aho.

26 He kabau te tau agahala ko ho tau loto, ka kuo hili e tau ma‘u ae ilo oe mooni, oku ikai kei toe ha feilaulau koeuhi koe agahala,

27 Ka koe amanaki fakailifia ki he fakamāu moe houhau vela, aia e fakaauha aki ae gaahi fili.

28 Ko ia naa ne maumau’i ae fono a Mosese, nae mate taefakamolemolea i he fakamooni e toko ua be toko tolu:

29 Bea oku mou behe, e fefe hono lahi hake oe tautea e tāu ke hoko kiate ia, kuo ne malaki hifo ae Alo oe Otua, bea ne ui ae taataa oe fuakava, aia nae fakamaa aki ia, koe mea taemaa, bea kuo ne fai fakamamahi ki he Laumalie oe aloofa?

30 He oku tau ilo ia aia kuo ne behe, Oku behe e Jihova, Oku aaku ae tautea, teu totogi eau. Bea toe behe, E fakamāu e Jihova a hono kakai.

31 Koe mea fakailifia ke to ki he nima oe Otua moui.

32 Ka mou fakamanatu ki he gaahi aho i mu‘a ne hili ho mou fakamāmagia, bea ne moui kataki ae tau lahi oe gaahi mamahi;

33 Koe niihi, i hono gaohi akimoutolu koe jiofiaaga i he gaahi manuki moe gaahi fakamamahiḃea koe niihi, i hoo mou kaumea mo kinautolu nae behe a ho nau gaohi.

34 He naa mou manavaofa kiate au i hoku gaahi ha‘i, bea naa mou tali fiefia ae maumau o hoo mou koloa, ko hoo mou ilo oku mou ma‘u i he lagi ae koloa lelei lahi hake bea tologa.

35 Koia ke oua naa jiaki hoo mou tui, aia oku lahi hono totogi lelei.

36 He oku tāu mo kimoutolu ae faa kataki, koeuhi ka hili hoo mou fai ae finagalo oe Otua, ke mou ma‘u ae talaofa.

37 Koeuhi e toetoe jii be, bea ko ia oku ha‘u, e ha‘u be, bea e ikai fakatuai.

38 Bea koeni, E moui ae tonuhia i he tui, ka, Oka fakaholomui ia, e ikai fiemalie hoku laumalie kiate ia.

39 Ka oku ikai te tau o nautolu oku fakaholomui ki he malaia; kae o nautolu oku tui ki he fakamoui oe laumalie.