¶ 1 KOIA, koe mea i he kabu‘i akitautolu e he ao oe kau fakamooni toko lahi behe, ke tau jiaki foki ae mea mamafa kotoabe, moe agahala oku  tau mouagofua ki ai, bea tau felele‘i i he fakakukafi ae fakabuebue kuo tofi i hotau ao.

2 O jio be kia Jisu koe kāmataga moe gataaga oe tui; aia ne ne kataki ae bekia i he akau, mo ne taetokaga ki he fakama, koe mea i he fiefia nae tuku i hono ao, bea kuo nofo eni i be nima toomatau oe afioaga oe Otua.

3 Ke mou tokaga‘i ia naa ne kataki ae agatuu behe mei he kau agahala kiate ia, telia naa mou fiu mo vaivai i ho mou loto.

4 Oku heeki ai ke mou fekuki o a‘u ki he mate, i he fekuki moe agahala.

5 Bea kuo galo iate kimoutolu ae akonaki aia oku behe kiate kimoutolu, o hage koe fānau, Hoku foha, oua naa ke taetokaga‘i ae tautea mei he Eiki, be vaivai i he ene valoki‘i koe:

6 He ko ia oku ofa ki ai ae Eiki oku ne tautea, bea oku ne teia ae foha kotoabe oku ne ma‘u.

7 Kabau te mou kataki ae tautea, bea oku fai ai e he Otua kiate kimoutolu o tāu moe gaahi foha; he koe foha fe ia aia oku ikai ke taute‘i e he tamai?

8 Bea kabau oku ikai tautea akimoutolu, aia oku totofu ai kotoabe, bea ta koe tubu feauaki akimoutolu, bea oku ikai mooni koe gaahi foha.

9 Kae umaa nae tautea akitautolu e he gaahi tamai o ho tau jino, bea tau fakaabaaba ki ai: e ikai lahi mu‘a e tau fakavaivai ki he Tamai oe gaahi laumalie, bea moui?

10 He koe mooni naa nau tautea o faiteliha be akinautolu i he aho jii be; ka oku fai eia ke aoga, ke  tau kau ai i he ene maonioni.

11 Ko eni, oku ikai ha fiefia lolotoga ha tautea, ka koe mamahi: hiliage ia oku tubu ae fua fakāmelino oe maonioni kiate kimautolu kuo akonekina ai.

12 Koia ke boubou hake ae nima kuo tau be, moe foi tui oku vaivai;

13 Bea gaohi ae aluaga totonu ki ho mou va‘e, telia naa fakahe‘i aia oku bibiki; kae fakamoui mu‘a ia.

14 Tuli ke mou melino moe kakai kotoabe, bea ki he maonioni, aia ka ikai ma‘u e ikai mamata e ha tagata e toko taha ki he Eiki:

15 O vakavakai Iahi telia naa tomui ha taha i he aloofa ae Otua: telia naa ai ha aka kona e tubu bea fakamamahi‘i ai  akimoutolu, bea uli‘i ai ae toko lahi:

16 Telia naa ai ha taha feauaki, be ha manuki oe mea tabu, o hage ko Isoa, aia naa ne fakatau hono lelei oe uluaki foha aki ae mea kai be taha.

17 He oku mou ilo i he hili ia, bea ne fie ma‘u ae tabuaki, nae teke‘i ia: he nae ikai te ne ilo ke liliu aki hono loto, ne ogo a ene kumi ia i he feiga moe loimata.

18 He oku ikai ke mou hoko ni ki he mouga e faa alaji, aia ne vela aki ae afi, bea ki he uliuli, moe fakabouli, moe afā,

19 Bea moe ba mai oe mea lea, moe ogo oe gaahi lea; aia nae kole ai akinautolu nae fanogo ke oua naa toe lea aki kiate kinautolu:

20 (He nae ikai te nau faa tali aia nae fekau mai, Bea naa moe manu kabau e lave ki he mouga, e tologaki ia aki ae maka, be hoka‘i ke aji aki ae foi tao:

21 Bea ko hono fakailifia fau oe mea nae ha mai, nae behe ai e Mosese, Oku ou matuaki manavahe, mo tetetete:)

22 Ka kuo mou hoko ni ki he mouga ko Saione, ki he kolo oe Otua moui, ki he Jelusalema mei he lagi, bea ki he fakataha oe kau agelo toko lahi taefaalaua,

23 Ki he fakatahaaga lahi, bea ki he jiaji oe uluaki fanau, aia kuo tohi i he lagi, bea ki he Otua koe fakamāu oe kakai kotoabe, bea ki he gaahi laumalie oe kau tagata agatonu kuo fakahaohaoa,

24 Bea kia Jisu koe fakalaloa oe fuakava foou, bea ki he taataa oku luluku, aia oku lea aki ae gaahi mea lelei lahi i  he toto o Ebeli.

25 Vakai ke oua naa mou taetokaga’i ia oku folofola. He kabau nae ikai hao akinautolu nae taetokaga‘i ia nae lea i mamani, e fefe‘i akitautolu, o kabau te tau tafoki meiate ia oku mei he lagi?

26 Aia nae lulululu a mamani e hono le‘o i he kuoga koia: ka kuo talaofa eni, o behe, Koe toe taba teu lulululu kae ikai gata ki mamani be, ka koe lagi foki.

27 Bea koe behe, Koe toe taha, koe fakaha oe hiki oe gaahi mea koia kuo lūlūi, o tāu moe gaahi mea kuo gaohi, koeuhi ke tuu mau be ae gaahi mea oku ikai faa lūlūi.

28 Koia i he e tau ma‘u ae buleaga, o ikai faa lūlūi, ke tau kuku mau moe ofa, aia ke tau tauhi aki ae Otua ke aoga, i he fakaabaaba moe manavahe:

29 He koe afi fakaauba a ho tau Otua.