¶ 1 KO eni, nae ma‘u mooni foki e he uluaki  fuakava ae gaahi gaue fakaeiki, bea moe botu tabu kuo o mamani.

2 He nae laga ae uluaki fale fehikitaki; aia nae i ai ae tuuga māma, moe aiaga mea, moe ma oe ao; aia nae ui koe botu tabu.

3 Bea nae i loto i hono ua oe buibui, ae fale fehikitaki aia oku ui koe botu tobutabu;

4 Nae i ai ae ibu koula aiaga afi, moe buha oe fuakava nae uufi takatakai aki ae koula, aia nae ai ae ibu koula nae i ai ae mana, moe tokotoko o Elone nae moto, moe ogo maka lafalafa oe fuakava;

5 Bea nae i oluga i ai ae ogo jelubi oe nāunāu nae fakamalu ae nofoaga aloofa; aia e ikai te mau faa fakamatala kotoabe eni.

6 Bea kuo behe hono teuteu oe gaahi mea ni, bea hu mau ai be ae kau taulaeiki ki he uluaki fale fehikitaki, o fai ai e nau gaahi gaue.

7 Ka ko hono ua, nae gata i he taulaeiki lahi, o liuga taha be, i he ta‘u kotoabe, ka nae ikai tae ha tato, aia ne ne atu maana, moe fai hala ae kakai:

8 Koe fakailo eni e he Laumalie Maonioni, nae heeki ai ke fakaha ae hala ki he botu tabu, i he kei tuu ae uluaki fale fehikitaki:

9 Aia koe fakatātā ki he kuoga koia, bea nae atu i ai ae gaahi mea foaki moe gaahi feilaulau, ka nae ikai faa fai ia ke fakahaohaoa ae loto o ia nae fai ki ai;

10 Koe gaahi mea kai mo inu be, moe gaahi fufulu kehekehe, moe gaahi tuutuuni fakajino, nae fokotuu kae oua ke hoko ae kuoga oe fakafoou.

11 Ka i he hoko mai a Kalaisi, koe taulaeiki lahi oe gaahi mea lelei e hoko, i he fale fehikitaki oku lahi hake mo haohaoa aubito nae ikai gaohi aki ae nima, ko hono uhiga, oku ikai oe mamani;

12 Bea nae ikai i he toto oe faga koji moe uhiki‘i bulu, a ene hu o liuga taha be ki he botu tabu, ka i hono taataa oona, kuo ne lava‘i ae huhui taegata.

13 He kabau nae fakamaonioni‘i ae taemaa ki he fakamaa oe jino, i he luluku aki ae toto oe faga bulu tagata moe faga koji, moe efu oe bulu fefine:

14 E fefe hono lahi hake oe fakamaa ho mou loto mei he gaahi gaue mate e he taataa o Kalaisi, aia naa ne feilaulau aki ia tae hano mele i he Laumalie taegata ki he Otua, ke mou tauhi ae Otua moui?

15 Bea koe mea eni kuo hoko ai ia koe fakalaloa oe fuakava foou, kae fai i he bekia ae totogi ki he gaahi agahala nae fai i he uluaki fuakava, bea ma‘u ekinautolu kuo ui ae talaofa oe nofoaga taegata.

16 He ka i ai ha fuakava, oku totonu ke i ai foki moe mate o ia oku ne fakamooni ae fuakava.

17 He oku malohi ae fuakava koe hili ae mate: ka i he kei moui ae fakamooni, oku ikai aubito hano malohi.

18 Koia nae ikai fakamooni ae uluaki  fuakava ka i he toto be.

19 He kuo lea aki e Mosese ae fekau kotoabe ki he kakai kotoabe o fakatatau ki he fono, bea to‘o eia ae toto oe faga uhiki‘i bulu moe faga koji, fakataha moe vai, moe fulufulu‘i sibi kulokula, moe isobe, o ne luluku aki ae tohi, bea moe kakai kotoabe,

20 O ne behe, Koe toto eni oe fuakava aia kuo fekau e he Otua kiate kimoutolu.

21 Bea naa ne luluku foki aki ae toto ae fale fehikitaki, moe gaahi mea kotoabe nae fai aki ae gaue.

22 Bea kuo mei oji ae mea kotoabe i hono fakamaa aki ae toto o fakatatau ki he fono; bea ka ikai liligi ae toto oku ikai ha fakamolemole.

23 Koia nae totonu ai ke fakamaa aki eni ae gaahi fakatātā oe gaahi mea i he lagi; ka koe gaahi mea i he lagi aki ae gaahi feilaulau oku lelei lahi hake.

24 He nae ikai hu a Kalaisi ki he botu tabu nae gaohi aki ae nima,  aia koe fakatātā  be ki he mooni; ka ki he loto lagi, ke ne fakaha eni ia i he ao oe Otua koeuhi ko kitautolu:

25 Bea nae ikai foki ke ne feilaulau aki ia o liuga lahi, o hage koe hu ae taulaeiki lahi ki he botu tabu i he ta‘u kotoabe moe toto kehe;

26 He ka ne behe, ta e liuga lahi ene mamahi talu hono fakatubu o mamani: ka koeni, kuo ne fakaha ia o tuo taha i he gataaga o mamani, ke ne ave ae agahala i he feilaulau aki ia eia.

27 Bea hage kuo bau ke mate o tuo taha ae kakai, kae hili ia koe fakamāu:

28 Bea behe foki, kuo feilaulau aki a Kalaisi o liuga taha, ke ne fua ae gaahi hia ae toko lahi; bea e fakaha ia ko hono liuga ua, kiate kinautolu oku amanaki kiate ia, ki he fakamoui, ka e ikai  ke ave ae agahala.