¶ 1 KOE mooni, koe mooni, oku ou tala atu kiate kimoutolu, Ko ia oku ikai hu i he mataba ki he loto a sibi, ka oku kaka hake i he hala kehe, koe kaihaa ia moe fakamalohi.

2 Ka ko ia oku hu i he mataba, koe tauhi ia oe faga sibi.

3 Oku too kiate ia e he leo; bea fanogo ki hono le‘o ae faga sibi: bea oku ne ui ae sibi aana i  ho nau higoa, o ne tataki atu akinautolu.

4 Bea ka tuku atu eia ene sibi aana, oku alu muomua ia iate kinautolu, bea muimui ae sibi iate ia: he oku nau ilo hono le‘o.

5 Bea e ikai te nau muimui i ha foou, ka te nau hola meiate ia: he oku ikai te nau ilo ae le‘o oe foou.

6 Nae lea aki e Jisu ae fakatātā ni kiate kinautolu: ka nae ikai te nau ilo hono uhiga o ene lea kiate kinautolu.

7 Bea toe tala ai e Jisu kiate kinautolu, Koe mooni, koe mooni, oku ou tala kiate kimoutolu, Ko au koe mataba ki he faga sibi.

8 Ko kinautolu kotoabe nae muomua iate au, koe kau kaihaa moe fakamalohi: ka nae ikai fanogo ae faga sibi kiate kinautolu.

9 Ko au be koe mataba: bea ko ia e hu age iate au, e moui ia, bea e fealuaki ai be ia, o ma‘u ae mea kai.

10 Oku ikai ha‘u ae kaihaa, ka ke kaihaaji, bea ke tamate‘i, bea ke fakaauha: kuou ha‘u au ke nau ma‘u ae moui, bea ke nau ma‘u ia o lahi aubito.

11 Ko au koe tauhi lelei: oku foaki e he tauhi lelei a ene moui koeuhi koe faga sibi.

12 Ka ko ia oku uga ki he gaue, ka oku ikai koe tauhi, aia oku ikai aana ae faga sibi, oku mamata ia oku ha‘u ae uolofi, bea jiaki ae faga sibi, kae hola: bea moua ia e he uolofi, o faka-he‘i ae faga sibi.

13 Oku hola ae uga gaue, koeuhi koe uga gaue  be ia, bea oku ikai ofa ia ki he faga sibi.

14 Ko au koe tauhi lelei; bea hage oku ilo au e he Tamai, beau ilo foki ae Tamai,

15  Oku behe a eku ilo aia oku aaku, moe ilo au ekinautolu: bea oku ou tuku hifo eku moui koeuhi koe faga sibi.

16 Bea oku ai mo eku faga sibi kehe, oku ikai i he loto a ko eni: teu omi akinautolu foki, bea te nau fanogo ki hoku le‘o; bea e ai ae loto a be taha, moe tauhi be taha.

17 Koia oku ofa ai a eku Tamai kiate au, koe mea i he eku tuku hifo eku moui, kau toe too ia.

18 Oku ikai ke too ia e ha taha iate au, ka oku ou tuku hifo ia eau be. Oku ou mafai ke tuku hifo ia, bea oku ou mafai ke toe too ia. Koe fekau ni kuou ma‘u mei he eku Tamai.

¶ 19 Bea nae toe fakakikihi ae kakai Jiu, koe mea i he gaahi lea ni.

20 Bea behe e ho nau toko lahi, Oku iate ia ha tevolo, bea oku faha; koeha oku mou fanogo ai kiate ia?

21 Bea behe e he niihi, Oku ikai koe lea eni a ha taha oku i ai ha tevolo. E mafai e ha tevolo ke fakaa ae mata oe kui?

¶ 22 Bea nae fai i Jelusalema ae katoaga oe fakafoou, bea koe faahita‘u momoko.

23 Bea nae eveeva a Jisu i he fale lotu lahi, i he fale hala o Solomone.

24 Bea nae ha‘u ae kakai Jiu, o kabui ia, o nau behe kiate ia, E fefe hono fuoloa mo hoo tae fakailo kiate kimautolu? Kabau koe Kalaisi koe, tala totonu mai kiate kimautolu.

25 Bea leaage a Jisu kiate kinautolu, Naaku tala kiate kimoutolu, ka nae ikai te mou tui: koe gaahi gaue oku ou fai i he huafa o eku Tamai, oku fakamooni‘i ai au.

26 Ka oku ikai te mou tui, koeuhi oku ikai i he eku faga sibi akimoutolu.

27 Oku fanogo eku faga sibi ki hoku le‘o, o hage ko eku tala kiate kimoutolu: bea oku ou iloa akinautolu, bea oku nau muimui iate au:

28 Bea oku ou foaki kiate kinautolu ae moui taegata; bea e ikai aubito te nau auha, be e ikai ha taha te ne hamuji akinautolu mei hoku nima.

29 Ko eku Tamai, aia naa ne foaki mai kiate au, oku lahi taha be ia; bea oku ikai ha toko taha oku faa hamuji mei he nima o eku Tamai.

30 Ko au moe Tamai oku ma taha be.

31 Bea toe too hake e he kakai Jiu ae maka, ke nau tologaki aki ia.

32 Bea leaage a Jisu kiate kinautolu, Kuo lahi ae gaue lelei kuou fakaha kiate kimoutolu mei he eku Tamai; koe gaue fe ia oku mou tologaki‘i ai au?

33 Bea talaage e he kau Jiu kiate ia, o behe, Oku ikai ko ha gaue lelei oku mau tologaki‘i ai koe; ka koe fie Otua be; koeuhi koe tagata be akoe, ka oku ke fai ke Otua.

34 Bea talaage e Jisu kiate kinautolu, Ikai kuo tohi i hoo mou fono, Neu behe, Koe gaahi otua akimoutolu?

35 Kabau oki ui koe otua akinautolu nae folofola ki ai ae Otua, bea e ikai faa liaki ae tohi;

36 Oku mou behe kiate ia kuo faka-tabu‘i e he Tamai, o fekau ki mamani, Oku ke fie Otua; koeuhi naaku behe, Koe Alo au oe Otua?

37 Kabau oku ikai teu fai ae gaue o eku Tamai, oua te mou tui kiate au.

38 Ka i he eku fai ia, kabau oku ikai te mou tui kiate au, tui ki he gaue: koeuhi ke mou ilo, mo tui, oku iate au ae Tamai, mo au iate ia.

¶ 39 Koia naa nau toe fie buke ai ia: ka naa ne fakahaofi ia mei ho nau nima,

40 O toe alu ki he botu itua Joatani, aia nae tomua fai babitaiso ai a Jone; bea nofo ai ia.

41 Bea nae alu ae toko lahi kiate ia, o nau behe, Nae ikai fai e Jone ha mana: ka koe mea kotoabe nae lea ki ai a Jone ki he tagata ni, oku mooni.

42 Bea nae tui ae toko lahi i ai kiate ia.