¶ 1 BEA toe ono ae aho  bea fai ae  katoaga oe Lakaatu, bea ha‘u a Jisu ki Betani, nae i ai a Lasalosi aia nae fokotuu eia mei he mate.

2 Bea naa nau teu ai kiate ia ae ohomohe: bea tauhi e Maata: ka koe toko taha a Lasalosi o kinautolu nae nofo mo ia i he keinagaaga.

3 Bea too e Mele ae lolo koe naati mooni, koe lau taha  hono mamafa, koe koloa lahi, o ne tākai aki ae va‘e o Jisu, o holoholo aki hono va‘e a hono louulu: bea nae bito ae fale i he namu lelei oe lolo.

4 Bea lea ai ae toko taha o ene akoga, ko Jutasi Isikaliote, koe foha o Saimone, aia e lavaki‘i ia,

5 Koeha nae ikai fakatau ai ae lolo ni aki ae tenali e tolugeau, bea foaki ki he majiva?

6 Naa ne lea aki eni, ka nae ikai ko ene tokaga ki he majiva; ka koeuhi koe kaihaa ia, bea nae iate ia ae kato, o ne fua aia nae tuku ki ai.

7 Bea lea ai a Jisu, Tuku ai be ia: kuo tauhi eia ae mea ni ki he aho o hoku tanu.

8 He oku iate kimoutolu mau ai be ae majiva; ka oku ikai teu iateki moutolu mau ai be au.

9 Bea nae ilo e he toko lahi oe kakai Jiu oku i ai ia: bea naa nau ha‘u, ka nae ikai koeuhi ko Jisu be, ka koeuhi ke nau mamata kia Lasalosi foki, aia naa ne fokotuu mei he mate.

¶ 10 Ka nae alea ae kau taulaeiki lahi, ke nau tamate‘i a Lasalosi foki;

11 Koeuhi koe mea iate ia nae mahui ae toko lahi oe kau Jiu, o tui kia Jisu.

¶ 12 I he aho naa na feholo‘i, nae fanogo ae kakai toko lahi kuo ha‘u ki he katoaga, oku ha‘u a Jisu ki Jelusalema,

13 Naa nau too mai ae gaahi vaa boga, o nau alu atu ke fakafetaulaki kiate ia, o nau kalaga, Hosana: Oku monuia ae Tu‘i o Isileli, oku haele mai i he huafa o Jihova.

14 Bea kuo ma‘u e Jisu ae asi mui, naa ne heka ai; o hage koia kuo tohi,

15 E taahine o Saione, oua e manavahe: vakai, oku ha‘u ho Tu‘i, oku heka ki he uhiki‘i asi.

16 Koe gaahi mea ni, nae ikai tomua ilo e he ene kau akoga; ka i he hake-aki‘i a Jisu, naa nau manatu ai kuo tohi ae gaahi mea ni kiate ia, bea kuo nau fai ae gaahi mea ni kiate ia.

17 Bea nae fakamooni ae kakai koia nae iate ia i he ene ui a Lasalosi mei he tanuaga, o ne fokotuu ia mei he mate.

18 Koia nae fakafetaulaki ai ae kakai kiate ia, he naa nau fanogo kuo ne fai ae mana ni.

19 Bea koia nae alea ai ae kau Falesi iate kinautolu, Ikai te mou vakai oku ikai aubito te mou lava‘i ha mea? vakai, kuo muimui ae kakai kotoabe iate ia.

¶ 20 Bea nae ai ae kau Kiliki niihi iate kinautolu nae alu hake ke hu i he katoaga.

21 Bea naa nau ha‘u kia Filibe, aia nae o Betesaita i Kaleli, o nau kole kiate ia, o behe, Eiki, oku mau fie mamata kia Jisu.

22 Bea nae alu a Filibe o tala kia Anitelu: bea toe tala kia Jisu e Anitelu mo Filibe.

¶ 23 Bea leaage a Jisu kiate kinautolu, o behe, Kuo hokojia ae aho, ke fakaogoogolelei ai ae Foha oe tagata.

24 Koe mooni, koe mooni, oku ou tala atu kiate kimoutolu, Kabau oku ikai mokulu ae tega‘i uite ki he kelekele bea mate, oku nofo taha ai be: ka i he ene mate, oku tubu mei ai ae fua lahi.

25 Ko ia oku ofa ki he ene moui, e mole ia iate ia; bea ko ia oku fehia ki he ene moui i he mamani, te ne ma‘u ia ki he moui taegata.

26 Kabau oku tauhi au e ha tagata, tuku ke ne muimui iate au; bea koe botu teu i ai, e i ai foki a eku tamaioeiki. kabau oku tauhi au e ha tagata, e fakaogoogolelei ia e he Tamai.

27 Ko eni kuo mamahi hoku laumalie; bea koeha eku lea?  Teu behe, E Tamai, fakamoui au mei he aho ni? ka naaku ha‘u koeuhi  keu hokojia ae aho ni.

28 E Tamai, fakaogoogolelei ho huafa. Bea nae hoko mai ae le‘o ni mei he lagi, Kuou fakaogoogolelei ia, bea teu toe fakaogoogolelei ia.

29 Bea koia nae behe ai e he kakai nae tutuu  ai, mo ogo‘i  ia, Koe mana: bea behe e he niihi Koe agelo oku lea kiate ia.

30 Bea leaage a Jisu, o ne behe, Nae ikai ogo mai ae le‘o ni koeuhi ko au, ka koeuhi ko kimoutolu.

31 Ko eni ae fakamāu oe mamani: e kabuji eni ae eiki oe mamani kituaa.

32 Bea kabau e hiki au ki oluga mei he fonua, teu tohoaki ae kakai kotoabe kiate au.

33 Ko ene lea behe, koe fakaha ae mateaga koia e mate ai ia.

34 Bea leaage ae kakai kiate ia, Kuo mau fanogo mei he fono oku nofo ae Kalaisi o taegata: bea oku fefe hoo lau, E hiki hake ae Foha oe tagata? E fefe nai ae Foha koia oe tagata?

35 Bea talaage e Jisu kiate kinautolu, E toetoe jii be ene iate kimoutolu ae māma. Eveeva lolotoga hoo mou ma‘u ae māma, telia naa to ae bouli kiate kimoutolu: he ko ia oku eveeva i he bouli, oku ikai ilo eia be ko ene alu kife.

36 I hoo mou kei ma‘u ae māma, tui ki he māma, koeuhi ke mou hoko koe fānau ae māma. Nae lea aki e Jisu ae gaahi mea ni, bea alu, o ne fufu ia iate kinautolu.

¶ 37 He kuo fai eia ae gaahi mana lahi i ho nau ao, ka nae ikai te nau tui kiate ia:

38 Bea nae fakamooni ai ae lea ae balofita ko Isaia, aia nae behe, Eiki, kohai kuo tui ki he e mau fakaogo-ogoa? bea kuo fakaha ki ahai ae nima o Jihova?

39 Koia nae ikai ai te nau faa tui, he nae toe tala foki e Isaia,

40 Kuo fakakui eia ho nau mata, o fakafefeka ho nau loto; ke oua naa nau vakai aki ho nau mata, be ilo aki ho nau loto, bea liliu, beau fakamoui akinautolu.

41 Koe gaahi mea ni nae lea aki e Isaia, i he ene mamata ki hono nāunāu, bea ne lea kiate ia.

¶ 42 Bea nae tui kiate ia ae toko lahi i he kau bule foki; ka koe mea i he kau Falesi, nae ikai te nau fakaha ia, telia naa kabuji akinautolu mei he fale lotu:

43 He nae lahi e nau manako ki he fakamalo ae tagata i he fakamalo ae Otua.

¶ 44 Bea kalaga a Jisu o behe, Ko ia oku tui kiate au, oku ikai tui kiate au  be, ka kiate ia naa ne fekau au.

45 Bea ko ia oku ne mamata kiate au, oku ne mamata kiate ia naa ne fekau au.

46 Kuou ha‘u au koe māma ki mamani, koeuhi ko ia e tui kiate au ke oua naa nofo ia i he bouli.

47 Bea kabau oku fanogo ha tagata ki he oku gaahi lea, kae ikai tui, oku ikai teu fakamāu‘i ia: he nae ikai teu ha‘u ke fakamāu‘i a mamani, ka ke fakamoui a mamani.

48 Ko ia oku ne liaki au o ikai ma‘u eku gaahi lea, oku ai ha taha oku fakamāu‘i ia: koe lea kuou lea aki, ko ia te ne fakamāu‘i ia i he aho fakamui.

49 He nae ikai teu lea iate au; ka koe Tamai naa ne fekau au, kuo ne bule‘i au i he mea teu fekau, mo ia teu lea aki.

50 Bea oku ou ilo ko ene fekau koe moui taegata: koia koe mea oku ou lea aki, oku ou lea aki o hage koe fekau ae Tamai kiate au.