¶ 1 HILI eni, nae folau a Jisu i he tahi o Kaleli, aia oku o Taibilio.

2 Bea muimui iate ia ae fuu kakai, koeuhi naa nau mamata ki he gaahi mana naa ne fai kiate kinautolu nae mahaki.

3 Bea nae alu hake a Jisu ki ha mouga, bea nofo ai ia mo ene kau akoga.

4 Bea nae ofi ae Lakaatu, koe katoaga ae kakai Jiu.

¶ 5 Bea haga hake e Jisu hono fofoga, o mamata ki he fuu toko lahi oku ha‘u kiate ia, bea lea ia kia Filibe, Te tau fakatau ae ma meife, ke kai ekinautolu ni?

6 Bea naa ne lea aki eni koe ahiahi kiate ia: he naa ne ilo eia aia te ne fai.

7 Bea talaage e Filibe kiate, ia, Koe ma ki he tenali e uageau, e ikai lahi kiate kinautolu, koeuhi ke nau taki taha ha koga jii.

8 Bea ko ene akoga e toko taha, ko Anitelu, koe tokoua o Saimone Bita, nae behe eia kiate ia,

9 Oku i heni ae tama, oku ne ma‘u ae foi ma baale e nima, moe ika jii e ua: ka koeha ia i he fuu toko lahi?

10 Bea tala e Jisu, Bule ke nofo ki lalo ae kau tagata. Bea nae mohukuia ae botu. Bea nofo ki lalo ae kau tagata, naa nau toko nima afe nai.

11 Bea nae too e Jisu ae ma; bea ne fakafetai, bea tufa ia ki he kau akoga, kae  tufaki e he kau akoga kiate kinautolu nae nofo; bea  tufaki moe ika ke oua ke nau fiu.

12 Bea kuo makona akinautolu, bea tala eia ki he ene kau akoga, Tanaki nono toega, kae oua naa liaki ha mea.

13 Koia naa nau tanaki ia, o fakafonu ae kato e hogofulu ma ua, i he toega ma baale e nima, ka kuo hili ae kai ae kakai.

14 Bea i he mamata e he kau tagata koia ki he mana kuo fai e Jisu, naa nau behe, Ta koe mooni ko eni ae balofita  nae beke e ha‘u ki mamani.

¶ 15 Bea kuo ilo e Jisu te nau ha‘u o buke fakamalohi ia, ke fakanofo ia koe tu‘i, naa ne toe alu toko taha be ki ha mouga.

16 Bea kuo hoko ae efiafi, nae alu ene kau akoga ki tahi,

17 O heka vaka, bea taumua ki Kabaneume. Bea kuo bouli, ka oku heeki hoko mai a Jisu kiate kinautolu.

18 Bea nae to ae fuu matagi bea beaua ae tahi.

19 Bea hili e nau aalo i he maile e tolu moe toe, naa nau mamata kia Jisu oku eveeva i he tahi, mo unuunu mai ki he vaka: bea naa nau manavahe.

20 Ka nae behe eia kiate kinautolu, Ko au be; oua e manavahe.

21 Bea naa nau ma‘u loto fiefia ia ki he vaka; bea tau leva ae vaka ki he fonua naa nau folau ki ai.

¶ 22 Bea koe aho naa na feholo‘i, i he mamata ae kakai nae tutuu i he kau vai e taha, nae ikai ha vaka i ai ka koia be nae heka ai ene kau akoga, bea nae ikai alu a Jisu ki he vaka mo ene kau akoga, ka nae folau a ene kau akoga be;

23 (Ka nae ha‘u ae gaahi vaka kehe mei Taibilio, o ofi ki he botu naa nau kai ma ai, i he hili ae fakafetai e he Eiki:)

24 Bea i he mamata ae kakai oku ikai i ai a Jisu, be ko ene kau akoga, naa nau heka vaka, bea ha‘u ki Kabaneume, o kumi a Jisu.

25 Bea i he e nau ilo ia i he kau vai e taha, naa nau fehui kiate ia, Labai, naa ke ha‘u anefe ki heni?

26 Bea leaage a Jisu kiate kinautolu, o behe, Koe mooni, koe mooni, oku ou tala kiate kimoutolu, oku ikai te mou kumi au, koeuhi ko hoo mou mamata ki he gaahi mana, ka koe mea i hoo mou kai i he gaahi foi ma, bea makona.

27 Oua e gaue ki he mea kai oku auha, ka ki he mea kai oku tologa ki he moui taegata, aia e foaki e he Foha oe tagata kiate kimoutolu: he kuo fakailoga ia e he Otua koe Tamai.

28 Bea naa nau fehui kiate ia, Koeha ae gaahi gaue oku totonu ke mau fai ki he Otua?

29 Bea leaage a Jisu, o behe kiate kinautolu Ko eni ae gaue ki he Otua, koeuhi ke mou tui kiate ia kuo ne fekau.

30 Bea naa nau behe ai kiate ia, Koeha ha fakailoga oku ke fai, koeuhi ke mau mamata, kae tui kiate koe? koeha oku ke fai?

31 Nae kai ae mana e he e mau gaahi tamai i he toafa; o hage koia kuo tohi, Nae foaki eia ae ma mei he lagi kiate kinautolu ke nau kai.

32 Bea lea a Jisu kiate kinautolu, Koe mooni, koe mooni, oku ou tala kiate kimoutolu, Nae ikai foaki e Mosese ae ma koia mei he lagi kiate kimoutolu; ka oku foaki e he eku Tamai ae ma mooni mei he lagi kiate kimoutolu.

33 He ko ia ae ma ae Otua aia oku alu hifo mei he lagi, o foaki ae moui ki mamani.

34 Bea naa nau behe kiate ia, Eiki, foaki mau ai be ae ma ni kiate kimautolu.

35 Bea talaage e Jisu kiate kinautolu, Ko au koe ma oe moui: ko ia oku ha‘u kiate au, e ikai aubito fiekaia; bea ko ia oku tui kiate au, e ikai aubito fieinu ia.

36 Ka naaku tala kiate kimoutolu, Kuo mou mamata foki kiate au, kae ikai tui.

37 Koia kotoabe oku foaki e he Tamai kiate au, e ha‘u ia kiate au; bea ko ia oku ha‘u kiate au, e ikai aubito teu jiaki.

38 Nae ikai teu alu hifo mei he lagi ke fai hoku loto ooku, ka koe finagalo o ia naa ne fekau‘i au.

39 Bea koe finagalo eni oe Tamai naa ne fekau au, koeuhi ko ia kotoabe kuo ne foaki kiate au, ke oua naa mole ha toko taha, kae fokotuu ia i he aho fakamui.

40 Bea koe finagalo eni o la naa ne fekau au, koeuhi ko ia fulibe oku mamata ki he Alo, bea tui kiate ia, ke ne ma‘u ae moui taegata; bea teu fokotuu ia i he aho fakamui.

41 Bea nae lāuga ai ae kakai Jiu kiate ia, koe mea i he ene behe, Ko au koe ma nae alu hifo mei he lagi.

42 Bea naa nau behe, Ikai ko Jisu eni, koe foha o Josefa, koe tamai moe fa‘e aana oku tau ilo? bea oku fefe‘i ene behe, Naaku alu hifo mei he lagi?

43 Koia nae leaage a Jisu, o ne behe kiate kinautolu, Oua te mou felāugaaki iate kimoutolu.

44 E ikai ha tagata e faa ha‘u kiate au, o kabau e ikai tohoaki ia e he Tamai aia naa ne fekau‘i au: bea teu fokotuu ia i he aho fakamui.

45 Kuo tohi i he kau balofita, Bea e akonekina akinautolu kotoabe i he Otua. Koia koe tagata kotoabe kuo fanogo, bea kuo akonekina i he Tamai, oku ha‘u ia kiate au.

46 Oku ikai ha tagata kuo ne mamata ki he Tamai: ka ko ia be oku mei he Otua, kuo mamata ia ki he Tamai.

47 Koe mooni, koe mooni, oku ou tala kiate kimoutolu, Ko ia oku tui kiate au, oku iate ia ae moui taegata.

48 Ko au koe ma koia oe moui.

49 Nae kai ae mana e hoo mou gaahi tamai i he toafa, ka naa nau mate.

50 Ko eni ae ma oku alu hifo mei he lagi, aia oku kai e ha tagata, bea ikai mate.

51 Ko au koe ma moui kuo alu hifo mei he lagi: kabau e kai e ha tagata ae ma ni, e moui taegata ia: bea koe ma oku ou foaki ko hoku jino, aia teu foaki ke moui ai a mamani.

52 Koia nae fakakikihi ai ae kakai Jiu iate kinautolu, o behe, E faa foaki fefe‘i e he tagata ni hono jino ke tau kai?

53 Bea lea a Jisu kiate kinautolu, Koe mooni, koe mooni, oku ou tala kiate kimoutolu, Kabau e ikai te mou kai ae jino oe Foha oe tagata, mo inu hono toto, oku ikai ha moui iate kimoutolu.

54 Ko ia oku ne kai hoku jino, mo inu hoku toto, oku iate ia ae moui taegata; bea teu fokotuu ia i he aho fakamui.

55 He ko hoku jino koe mea kai mooni, bea ho hoku toto koe inu mooni.

56 Ko ia oku kai hoku jino, mo inu hoku toto, oku nofo ia iate au, mo au iate ia.

57 O hage oku moui ae Tamai naa ne fekau au, bea oku ou moui i he Tamai: oku behe, ko ia oku ne kai iate au, ko ia be e moui iate au.

58 Ko eni ae ma koia nae alu hifo mei he lagi: o ikai tatau moe kai ae mana e hoo mou gaahi tamai, bea nau mate: ko ia oku kai ae ma ni, e moui ia o taegata.

¶ 59 Nae lea aki eia ae gaahi me‘a ni i he fale lotu, i he ene akonaki i Kabaneume.

60 Bea i he fanogo ki ai ene kau akoga toko lahi, naa nau behe, Koe lea fai-gataa eni: kohai oku faa ilo ia?

61 Bea ilo e Jisu iate ia oku lāuga ai ene kau akoga, bea lea ia kiate kinautolu, Oku tūkia akimoutolu i he mea ni?

62 Bea e fefe oka mou ka mamata ki he Foha oe tagata oku alu hake ki he botu nae i ai ia i mu‘a?

63 Koe laumalie ia oku ne fakamoui; oku ikai hano aoga oe jino: koe lea oku ou lea aki kiate kimoutolu, koe laumalie ia bea moe moui.

64 Ka oku ai ho mou niihi oku ikai tui. He nae ilo e Jisu mei he kamataaga akinautolu nae ikai tui, mo ia te ne lavaki‘i ia.

65 O ne behe, Koia neu behe ai kiate kimoutolu, Oku ikai faa ha‘u ha tagata kiate au, ka i hono foaki kiate ia mei he eku Tamai.

¶ 66 Bea talu mei ai nae foki ki mui ae toko lahi o ene kau akoga, o ikai toe alu mo ia.

67 Bea lea ai a Jisu ki he toko hogofulu ma toko ua, E alu mo kimoutolu foki?

68 Bea leaage a Saimone Bita kiate ia, Eiki, te mau alu ki ahai? oku iate koe ae gaahi lea oe moui taegata.

69 Bea oku mau tui bea ilo bau ko koe koe Kalaisi, koe Alo oe Otua moui.

70 Bea behe e Jisu kiate kinautolu, Ikai naaku fili akimoutolu koe toko hogofulu ma toko ua, bea ko ho mou toko taha koe tevolo?

71 Ko ene lea ia kia Jutasi Isikaliote, koe foha o Saimone: he ko ia te ne lavaki‘i ia, koe taha ia oe toko hogofulu ma toko ua.