¶ 1 HILI ae gaahi mea ni, nae fonoga fano a Jisu i Kaleli: he nae ikai fie fonoga ia i Jutea, he nae holi ae kakai Jiu ke tamate‘i ia.

2 Bea koe katoaga oe gaahi fale fehikitaki ae kakai Jiu, nae ofi.

3 Koia nae behe ai e hono kaiga kiate ia, Alu i heni, o alu ki Jutea, koeuhi ke mamata foki a hoo kau akoga ki he gaahi gaue oku ke fai.

4 He oku ikai ha tagata oku holi ke ogoogo, bea ne fai fakalilolilo ha mea. Kabau oku ke fai ae gaahi mea ni, fakaha koe ki mamani.

5 He nae ikai tui foki a hono kaiga kiate ia.

6 Bea talaage e Jisu kiate kinautolu, Oku teeki ai hoko hoku aho: ka oku tatau kotoabe ae aho kiate kimoutolu.

7 Oku ikai faa fehia a mamani kiate kimoutolu; ka oku fehia ia kiate au, koeuhi oku ou fakaha ki ai, oku kovi hono gaahi gaue.

8 Mou alu hake ki he katoaga ni: e ikai teu alu leva ki he katoaga ni; he oku teeki ai hokojia hoku aho.

9 Hili ene lea aki ae gaahi lea ni kiate kinautolu, bea nofo be ia i Kaleli.

10 Ka kuo alu hono kaiga, bea toki alu foki ia ki he katoaga, nae ikai i he fakaha, kae fakafufu be.

¶ 11 Bea kumi ia e he kakai Jiu i he katoaga, o nau behe, Koefe ia?

12 Bea nae lahi ae fefanafanahi i he kakai koeuhi ko ia: he nae behe e he niihi, Koe tagata lelei ia: kae behe e he niihi, Oku ikai; he oku ne fakahala‘i ae kakai.

13 Ka nae ikai lea fakaha e ha taha kiate ia, ko‘e nau manavahe ki he kakai Jiu.

¶ 14 Bea i he lolotoga ae katoaga, nae alu hake a Jisu ki he fale lotu lahi, o akonaki.

15 Bea ofo ae kakai Jiu, o  nau behe, Oku ilo fakafefe e he tagata ni ae boto, he nae ikai akonekina?

16 Bea leaage a Jisu kiate kinautolu, O ne behe, Ko eku akonaki oku ikai aaku, ka oku aana naa ne fekau au.

17 Bea ko ia ia e fai ki hono finagalo, te ne ilo ae akonaki, be oku i he Otua ia, be ko eku lea iate au be.

18 Ko ia oku lea iate ia be, oku kumi ae fakamalo aana: ka ko ia oku ne kumi ae fakamalo o ia naa ne fekau ia, ko ia ia oku mooni, bea oku ikai ha taemaonioni iate ia.

19 Ikai nae atu e Mosese ae fono kiate kimoutolu, ka oku ikai ha mou toko taha oku ne fai ki he fono? Koeha oku mou kumi ai ke tamate‘i au?

20 Bea leaage ae kakai, o behe, Oku iate koe ha tevolo: kohai oku kumi ke tamate‘i koe?

21 Bea leaage a Jisu, o behe kiate kinautolu, Kuou fai ae gaue e taha, bea oku mou ofo ai kotoabe.

22 Nae fokotuu e Mosese ae kamu kiate kimoutolu; (ka oku ikai mei a Mosese ia, kae mei he gaahi tamai; bea oku kamu‘i ekimoutolu ae tama tagata i he aho sabate.

23 Bea kabau e kamu ae tama tagata i he aho sabate, koeuhi ke oua naa maumau‘i ae fono a Mosese; oku mou ita kiate au, koe mea i he eku fakamoui haohaoa ae tagata i he aho sabate?

24 Oua te mou fakamāu o fakatatau mo ia oku ha mai, kae fakamāu ke totonu.

25 Bea lea ai ha niihi mei Jelusalema, Ikai ko eni ia oku nau kumi ke tamate‘i?

26 Bea vakai, oku lea malohi ia, kae ikai jii te nau lea kiate ia. Oku ilo mooni e he kau bule koe Kalaisi totonu eni?

27 He oku tau ilo ae botu oku ha‘u mei ai ae tagata ni: ka oka ha‘u a Kalaisi, e ikai ha taha te ne ilo be oku meife ia.

28 Bea kalaga a Jisu i he fale lotu lahi i he ene akonaki, o behe, Oku mou ilo au, bea oku mou ilo ae botu oku ou ha‘u mei ai: bea oku ikai teu ha‘u iate au be, ka ko ia naa ne fekau au oku mooni ia, aia oku ikai te mou iloa.

29 Ka oku ou ilo ia: he oku ou meiate ia, bea naa ne fekau au.

30 Bea naa nau holi ai ke buke ia: ka nae ikai ala ha taha kiate ia, he nae teeki hoko hono aho.

31 Bea nae tui ae toko lahi oe kakai kiate ia, o nau behe, Oka ha‘u ae Kalaisi, e lahi hake ae mana e fai eia i he gaahi mea ni kuo fai e he tagata ni?

¶ 32 Bea nae fanogo ae kau Falesi oku fefanafanahi ae kakai kiate ia; bea fekau e he kau Falesi moe kau taulaeiki lahi ae kau tagata fekau, ke nau buke ia.

33 Bea lea ai a Jisu kiate kinautolu, Oku toe jii be eku iate kimoutolu, beau alu kiate ia naa ne fekau au.

34 Te mou kumi au, bea ikai ilo‘i: bea koe botu teu i ai, e ikai te mou faa lava ki ai.

35 Bea febeheaki ai ae kakai Jiu, E alu kife ia, e ikai te tau faa ilo‘i ia? te ne alu ki he gaahi Jenitaile kuo fakahe‘i, bea ako ki he Jenitaile?

36 Koeha ae lea ko eni oku ne behe ai, Te mou kumi au, bea ikai te mou ilo‘i: bea koe botu teu i ai, e ikai te mou faa lava ki ai?

37 I he aho fakaoji, koe  aho lahi oe katoaga, nae tuu a Jisu o kalaga, o behe, Kabau oku fieinu ha tagata, ke ha‘u ia kiate au o inu.

38 Ko ia oku tui kiate au, o hage koia kuo fakaha i he tohi, E tafe mei hono loto ae gaahi vai moui.

39 (Ka ko ene lea ia ki he Laumalie, aia e ma‘u ekinautolu oku tui kiate ia: he nae teeki ai  foaki ae Laumalie Maonioni; koeuhi nae teeki ai hakea-ki‘i a Jisu.)

¶ 40 Bea i he fanogo ae kakai toko lahi ki he lea ni, naa nau behe, Koe mooni ko eni ae Balofita.

41 Bea behe e he niihi, Ko eni ae Kalaisi. Ka nae lea ae niihi, E ha‘u ae Kalaisi mei Kaleli?

42 Ikai oku tala i he tohi, E ha‘u ae Kalaisi i he hako o Tevita, bea mei he kolo ko Betelehema, nae i ai a Tevita?

43 Bea nae fakakikihi ae kakai koe mea iate ia.

44 Bea nae loto a ho nau niihi ke buke ia; ka nae ikai ala ha taha kiate ia.

¶ 45 Bea ha‘u ai ae kau tagata fekau ki he kau taulaeiki lahi moe kau Falesi; bea nau behe kiate kinautolu, Koeha oku ikai ai te mou omi ia?

46 Bea talaage e he kau tagata fekau, Oku teeki aubito ha tagata e lea o hage koe tagata ni.

47 Bea toki behe e he kau Falesi kiate kinautolu, Kuo kākā‘i mo kimoutolu foki?

48 He kuo tui kiate ia ha niihi i he kau bule be i he kau Falesi?

49 Ka kuo malaia ae kakai ni oku taeilo ki he fono.

50 Bea lea a Nikotimasi kiate kinautolu, (ko ia ia nae ha‘u kia  Jisu i he bouli,) he ko ho nau toko taha ia,

51 Oku tukuaki‘i ha tagata e ho tau fono i he teeki fanogo ki ai, bea ilo aia oku ne fai?

52 Bea naa nau leaage, o behe kiate la, He koe Kaleli foki akoe? Kumi, bea vakai: he oku ikai ha balofita e tubu mei Kaleli.

53 Bea nae taki taha alu ki hono fale.