Koe Tohi a Jute

¶ 1 KO AU Jute, ko tamaioeiki a Jisu Kalaisi, moe tokoua o Jemesi, kiate kinautolu kuo fakamaonioni‘i e he Otua ko Tamai, bea kuo fakamoui e Jisu Kalaisi, ke uiui‘i:

2 Ke tubulekina be kiate kimoutolu ae ofa mataataatā be, moe melino, moe ofa.

3 E kaiga ofeina, i he eku fai takatootoo aubito ke tohi atu kiate kimoutolu ki he fakamoui lahi, nae totonu keu tohi kiate kimoutolu, mo eginaki ke mou fekuki fakamatoato koeuhi koe tui nae atu i mu‘a ki he kaiga maonioni.

4 He oku ai ae kau tagata kuo nau fetōlofi fakaboloto, akinautolu nae tohi i mu‘a ki he malaia ni, koe kau tagata taelotu, o nau liliu ae ofa a ho tau Otua koe faiaga agahala, o fakafijiga i he Eiki be taha koe Otua ko ho tau Eiki ko Jisu Kalaisi.

5 Koia oku ou loto ke fakamanatu‘i akimoutolu, ka naa mou ilo mu‘a ae mea ni, koeuhi i he hili hono fakamoui e he Eiki ae kakai mei he fonua ko Ijibite, bea ne toki fakaauha akinautolu nae ikai ke tui.

6 Bea koe kau agelo nae ikai ke tuu mau i ho nau muaki aluga, ka naa nau tukuage ho nau nofoaga, kuo ne tuku ke moua akinautolu ki he gaahi ha‘i taegata oe fakabouli o a‘u ki he fakamāu oe aho lahi.

7 O hage foki ko Sotoma mo Komola, moe gaahi kolo naa nau vaofi mo fai tatau, o nau tuku akinautolu ki he feauaki, moe muimui ki he feholikoviaki, kuo fokotuu koe fakailoga, o nau moua i he totogi oe afi taegata.

8 Oku behe foki akinautolu ni, ae kau miji  kovi, oku nau uli‘i ae jino, o manuki‘i ae bule, mo lauikovi ae kau bule.

9 Ka i he alea a Maikeli koe agelo lahi moe tevolo, nae fakakikihi ia ki he jino o Mosese, ka nae ikai te ne tali aki ia ha lea manuki, ka naa ne behe, Ke lomia koe e he Eiki.

10 Ka oku lea kovi akinautolu ni ki he gaahi mea oku ikai te nau ilo‘i: ka koe gaahi mea oku nau ilo fakakakano be fakataha moe faga manu taeloto, koe gaahi mea koia oku nau uli‘i ai akinautolu.

11 E malaia akinautolu! he kuo nau alu i he hala o Keini, o tafea atu ki he he a Belami koeuhi koe totogi, bea nau auha i he agatuu a Kola.

12 Koe gaahi ila akinautolu ni i hoo mou gaahi katoaga ofa, i he e nau keinagaaga mo kimoutolu, o nau kai fekinaki mo taemanavahe: koe gaahi ao tae ai ha vai, oku viligia fano e he gaahi matagi; koe gaahi akau fua mate, taefua, o mate agaua, kuo taaki fuu hake;

13 Koe gaahi beau lili oe tahi. oku nau koa atu e nau fakama; koe gaahi fetuu he fano be, bea kuo tuku moo nautolu ae uliuli oe fakabouli taegata.

14 Bea nae kikite kiate kinautolu ni foki e Inoke, ko hono toko fitu mei a Atama, o behe, Vakai, oku haele mai ae Eiki moe gaahi toko mano o ene kakai maonioni.

15 Ke fai ae fakamāu ki he kakai kotoabe, mo fakamooni ki he kakai taelotu kotoabe ae nau gaahi gaue fakataelotu kotoabe aia kuo nau fai i he aga fakataelotu, bea moe gaahi mea fakamamahi kotoabe aia kuo lea aki e he kau agahala taelotu kiate ia.

16 Koe kau lāuga mo hanu akinautolu ni, oku nau agimui ki he gaahi holi kovi a nautolu; bea oku lea fakabuhobuha a ho nau gutu, o nau filifilimanako ki he kakai koeuhi koe koloa.

17 Kae manatu‘i ekimoutolu, koe ofeina, ki he gaahi lea nae lea aki i mu‘a e he kau abosetolo a ho tau Eiki ko Jisu Kalaisi;

18 He naa nau fakaha kiate kimoutolu e ai ae kau manuki i he kuoga ki mui, bea te nau agimui ki he gaahi holi fakataelotu a nautolu.

19 Ko kinautolu ni oku nau mavahe‘i akinautolu, oku fakakakano, o taema‘u ae Laumalie.

20 Ka ko kimoutolu, koe ofeina, ke laga aki hake akimoutolu ki hoo mou tui fugani maonioni, bea lotu i he Laumalie Maonioni,

21 O tauhi‘i akimoutolu i he ofa ae Otua, mo amanaki ki he ofa mataataatā be a ho tau Eiki ko Jisu Kalaisi ki he moui taegata.

22 Bea ke manavaofa ki he niihi, o fai kehekehe.

23 Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano.

24 Bea koeni, ke iate ia oku faa fai ke taofi akimoutolu ke oua naa mou higa, bea ke atu akimoutolu taehalaia i he ao o hono nāunāu moe fiefia lahi aubito,

25 Ke i he Otua boto taha be ko ho tau Fakamoui, ae nāunāu, moe ogoogolelei moe bule, moe malohi, i heni mo taegata. Emeni.