¶ 1 BEA vakai atu eia, o ne mamata ki he li e he kakai koloaia e nau mea foaki ki he tukuaga koloa.

2 Bea mamata foki eia ki he fefine majiva, kuo mate hono unoho, oku ne li ki ai ae kihi‘i baaga e ua.

3 Bea behe eia, Koe mooni oku ou tala kiate kimoutolu, koe fefine ni kuo mate hono unoho mo baea, kuo ne li ki ai o lahi hake iate kinautolu kotoabe:

4 He kuo li ekinautolu ni kotoabe ki ai ae gaahi mea foaki ki he Otua, mei he e nau koloa lahi: ka kuo li eia ki ai, mei he ene majiva, a ene moui kotoabe.

¶ 5 Bea i he lea ae niihi ki he fale lotu lahi, ki hono teuga aki ae gaahi maka lelei moe gaahi mea foaki, ne behe eia,

6 Koe gaahi mea oku mou mamata ki ai ni, e hoko ae gaahi aho e ikai mahili ai ha maka ki ha maka, ka e laku kotoabe ki lalo.

7 Bea naa nau fehui kiate ia, o behe Eiki, e hoko afe ae gaahi mea ni? bea koeha ae fakailoga oka hoko ae gaahi mea ni?

8 Bea behe eia, Vakai, telia naa kākā‘i akimoutolu: koeuhi e ha‘u ae toko lahi i hoku higoa o nau behe, Ko au ia; bea oku ofi mai ae aho: koia oua naa mou muimui kiate kinautolu.

9 Ka oka mou ka fanogo ki he gaahi tau moe gaahi maveuveu, oua naa mou ilifia: koeuhi e tomua hoko ae gaahi mea ni; ka e ikai vave ae gataaga.

10 Bea toki behe eia kiate kinautolu, E tuu hake ae kakai ki he kakai, moe buleaga ki he buleaga;

11 Bea e hoko ae gaahi mofuike lahi i he botu kehekehe, moe hoge, moe gaahi mahaki lahi; bea e ha mai mei he lagi ae gaahi mea fakailifia moe gaahi fakailoga lahi.

12 Kae teeki ai ke hoko eni, te nau bukea akimoutolu, mo fakataga‘i, mo tukuage  akimoutolu ki he gaahi fale lotu, moe gaahi fale fakabobula, o nau omi akimoutolu ki he ao oe gaahi tu‘i moe bule, koeuhi ko hoku higoa.

13 Bea e hoko ia koe fakamooni kiate kimoutolu.

14 Koia ke fakababau ho mou loto, ke oua naa tomua fakakaukau aia te mou tali aki:

15 He teu foaki kiate kimoutolu ae gutu moe boto, e ikai faa tali be taofia e ho mou gaahi fili kotoabe.

16 Ka e lavaki‘i akimoutolu e he mātua, moe tokoua, moe kaiga, moe kaumea; bea te nau tamate‘i ho mou niihi.

17 Bea e fehianekina akimoutolu i he kakai kotoabe koeuhi ko hoku higoa.

18 Ka e ikai mole ha tuoni louulu i ho mou ulu.

19 Mou ma‘u i hoo mou faa kataki a ho mou laumalie.

20 Bea oka mou ka mamata ki he kabui o Jelusalema aki ae gaahi matatau, mou toki ilo kuo ofi hono fakaauha.

21 Bea tuku ke toki feholaki ai ki he gaahi mouga akinautolu oku i Jutea; bea ko kinautolu oku i kolo ke nau alu atu; bea oua naa hu ki ai akinautolu oku nofo i he tukuuta.

22 He koe gaahi aho eni oe totogi, koeuhi ke fakamooni ae mea kotoabe kuo tohi.

23 Ka e malaia akinautolu e feitama, mo kinautolu e toutama, i he gaahi aho koia! koeuhi e ai ae mamahi lahi ki he fonua, moe houhau ki he kakai ni.

24 Bea e to akinautolu i he mata oe heleta, bea e taki bobula ki he buleaga kotoabe: bea e malaki hifo a Jelusalema e he kakai Jenitaile, kae oua ke kakato ae kuoga oe kakai Jenitaile.

¶ 25 Bea e ai ae gaahi fakailoga i he laa, moe mahina, moe gaahi fetuu; bea e i he mamani ae mamahi oe gaahi kakai, moe bubutuu, koeuhi koe uulu ae tahi moe gaahi beau:

26 Ka e mole ae loto oe kakai i he manavahe, mo tuotuatamaki ki he gaahi mea e hoko ki mamani: koeuhi e galulululu ae gaahi malohi oe lagi.

27 Bea te nau toki mamata ki he Foha oe tagata oku ha‘u i he gaahi ao, moe malohi moe nāunāu lahi.

28 Bea i he kamata hoko mai ae gaahi mea ni, mou jio hake, bea haga hake ho mou ulu; he oku ofi mai ho mou huhui.

29 Bea nae lea aki eia ae fakatātā kiate kinautolu; Vakai ki he akau koe fiki, bea moe gaahi akau kotoabe;

30 Oka tubu hono muka, oku mou mamata, bea mou ilo ai oku ofi mai ae faahita‘u mafana.

31 Bea e behe foki akimoutolu, oka mou ka mamata ki he hoko oe gaahi mea ni, mou ilo oku ofi mai ae buleaga oe Otua.

32 Koe mooni oku ou tala kiate kimoutolu, E ikai mole ae toutagata ni, kae oua ke fakamooni kotoabe.

33 E mole ae lagi mo mamani; ka e ikai mole a eku gaahi lea.

¶ 34 Kae vakai kiate kimoutolu, telia naa iloage kuo taomia ho mou loto i he kai fekinaki, moe kona, moe tokaga ki he moui ni, bea hoko fakafokifa ai ae aho koia kiate kimoutolu.

35 Koeuhi e hoko ia o hage koe hele kiate kinautolu kotoabe oku nau nofo i he fuga o mamani fulibe.

36 Koia mou leo, bea lotu mau ai be, koeuhi ke mou aoga ke hao mei he gaahi mea ni kotoabe e hoko, bea ke tutuu i he ao oe Foha oe tagata.

37 Bea nae ako ia i he aho i he fale lotu lahi; bea i he bo, naa ne alu kituaa o nofo i he mouga oku ui ko Olive.

38 Bea nae ha‘u hegihegi ae kakai kotoabe kiate ia i he fale lotu lahi, ke nau fanogo kiate ia.