¶ 1 BEA nae tutuu akinautolu kotoabe, o taki ia kia Bailato.

2 Bea naa nau kamata talatalaaki‘i ia, o behe, Naa mau ilo ae jiana ni oku ne veuveuki ae kakai, o ne taofi ae tukuhau kia Sisa, o ne behe, ko ia be koe Kalaisi koe Tu‘i.

3 Bea fehui a Bailato kiate ia, o behe, Koe Tu‘i koe oe kakai Jiu? Bea leaage eia kiate ia, o behe, Koia be.

4 Bea behe ai e Bailato ki he kau taulaeiki lahi moe kakai, Oku ikai teu ilo ha kovi i he tagata ni.

5 Bea ajili ai e nau lili, o behe, Oku ne veuveuki ae kakai, o ne ako i Jutea kotoa, gata mei Kaleli o a‘u ki he botu ni.

6 Bea kuo fanogo a Bailato ki Kaleli, bea fehui ai ia be koe tagata Kaleli ia.

7 Bea i he ene ilo oku ne mei he feituu oku bule ai a Helota, bea ne fekau ia kia Helota, aia nae i Jelusalema foki i he gaahi aho koia.

¶ 8 Bea i he mamata a Helota kia Jisu, nae fiefia lahi ia; he kuo fuoloa mo ene holi ke mamata ki ai, koeuhi kuo ne fanogo ki he gaahi mea lahi iate ia: bea ne fakaamu ke mamata ki haa ne fai ha mea mana.

9 Bea nae lahi ene gaahi eke kiate ia, ka nae ikai jii lea eia ki ai.

10 Bea nae tutuu ae kau taulaeiki lahi moe kau tagata tohi, o nau talatalaaki malohi ia.

11 Bea taukaea ia e Helota, mo ene kau tau, mo nau manuki‘i, bea nau ai ae kofu gigila kiate ia, o toe fekau ia kia Bailato.

¶ 12 Bea koe aho koia nae feofoofani ai a Bailato mo Helota: he kuo loa e na feiteitani.

¶ 13 Bea kuo fakataha e Bailato ae kau taulaeiki lahi, moe kau matābule, moe kakai,

14 Bea ne behe kiate kinautolu, Kuo mou omi ae tagata ni kiate au, o hage ko ha taha oku ne veuveuki ae kakai: bea vakai, kuou ekea  ia i ho mou ao; bea oku ikai teu ilo ha kovi oe tagata ni i he gaahi mea koia oku mou talatalaaki‘i ai ia:

15 Bea ko Helota foki; he naaku fekau akimoutolu kiate ia; bea vakai, oku ikai ha mea oku totonu ke mate ai ia.

16 Koia teu tautea ia, bea tukuage.

17 (He kuo totonu ke ne tukuage kiate kinautolu ha toko taha i he katoaga.)

18 Bea naa nau kalaga fakataha kotoabe, o behe, Ave ae tagata ni, kae tuku mai a Balabasa kiate kimautolu:

19 (Aia nae li ki he fale fakabobula, koeuhi ko  ene fakaaoao i he kolo, moe fakabo.)

20 Ka nae loto a Bailato ke tukuage a Jisu, koia ne ne toe lea ai  kiate kinautolu.

21 Ka naa nau kalaga, o behe, Tutuki ki he akau, tutuki ia ki he akau.

22 Bea lea ia kiate kinautolu ko hono tuo tolu, Koeumaa, koeha ha kovi kuo ne fai? oku ikai teu ilo ha mea ke mate ai ia: koia teu tautea ia, bea tukuage.

23 Ka nae malohi e nau lea bea logoaa lahi, o nau behe, Ke tutuki ia ki he akau. Bea nae malohi ae le‘o o kinautolu moe kau taulaeiki lahi.

24 Bea fekau e Bailato ke fai o hage ko ho nau loto.

25 Bea ne tukuage kiate kinautolu aia naa nau holi ki ai, aia nae li ki he fale fakabobula, koeuhi koe fakaaoao moe fakabo; ka ne tukuage a Jisu ki ho nau loto.

¶ 26 Bea i he e nau kei taki atu ia, naa nau buke ae toko taha ko Saimone, koe Sailini, oku ha‘u mei he tukuuta, bea naa nau hili kiate ia ae akau, ke ne fua o muimui ia Jisu.

27 Bea nae muimui kiate ia ae kakai toko lahi, moe kau fefine, o nau tagi mo tagilāulāu koeuhi ko ia.

28 Ka nae tafoki a Jisu kiate kinautolu, o ne behe, Ae gaahi ofefine o Jelusalema, oua naa mou tagi koeuhi ko au, kae tagi koeuhi ko kimoutolu, bea mo hoo mou fānau.

29 Vakai, he oku ofi mai ae gaahi aho te nau behe ai, Oku monuia ae baa, bea moe manāva nae ikai fanau, moe huhu nae ikai fakahuhu aki.

30 Bea te nau toki kamata lea ai ki he gaahi mouga, Holo mai kiate kimautolu: bea ki he gaahi tafugofuga, Uufi akimautolu.

31 He kabau te nau fai ae gaahi mea ni ki he akau mata, koeha e fai ki he momoa?

32 Bea nae tataki mo ia foki ae ogo fai kovi e toko ua ke tamate‘i.

33 Bea kuo nau hoko ki he botu oku ui ko Kalivali, naa nau tuki ia i ai ki he akau, moe ogo fai kovi, koe toko taha ki he nima toomatau, moe toko taha ki he nima toohema.

¶ 34 Bea toki behe e Jisu, E Tamai, fakamolemole akinautolu; he oku ikai te nau ilo aia oku nau fai. Bea naa nau vahevahe a hono gaahi kofu, o talotalo.

35 Bea tuu ae kakai, o mamata. Bea nau manuki moe kau matabule  kiate ia, o behe, Nae fakamoui eia ae kakai; tuku ke ne fakamoui ia, o kabau koe Kalaisi ia, koe ofeina ae Otua.

36 Bea manuki‘i foki ia e he kau tau, mo nau aluage, o atu ae vaimahi kiate ia,

37 Mo nau behe, Kabau koe tu‘i koe be kakai Jiu, fakamoui koe.

38 Bea nae tohi foki i oluga iate ia, be tohi i he lea faka‐Kiliki, moe lea faka‐Loma, moe lea faka‐Hebelu, KO ENI AE TU‘I OE KAKAI JIU.

¶ 39 Bea nae manuki kiate ia ae toko taha oe ogo fai kovi nae tautau, o ne behe, Kabau koe Kalaisi koe, fakamoui koe mo kimaua.

40 Ka nae leaage a hono toko ua, o ne valoki ia, o behe, Ikai, te ke manavahe koe ki he Otua, he oku ke malaia foki?

41 Bea oku totonu kiate kitaua, he koe totogi totonu oe ta gaue: ka nae ikai ha kovi e fai e he tagata ni.

42 Bea behe eia kia Jisu, Eiki ke ke manatu‘i au, oka ke ka hoko ki ho buleaga.

43 Bea beheage e Jisu kiate ia, Oku ou tala mooni kiate koe, Te ta i Bala-taisi mo au he aho ni.

44 Bea ko hono ono nai ia oe feituulaa, bea nae fakabouli ae fonua kotoabe, o a‘u ki hono hiva oe feituulaa.

45 Bea fakabouli ae laa, bea mahae ua malie ae buibui oe fale lotu lahi.

¶ 46 Bea tagi le‘o lahi a Jisu, o ne behe, E Tamai, oku ou tuku hoku laumalie ki ho nima: bea hili ene lea behe, bea bekia ia.

47 Bea kuo mamata ae eiki tau ki he mea kuo fai, bea fakamalo ia ki he Otua, o ne behe, Ta koe mooni koe tagata maonioni eni.

48 Bea moe kakai kotoabe nae katoa ki he vakai oe mea koia, i he e nau mamata ki he gaahi mea nae fai, naa nau ji fatafata, o toe alu.

49 Bea ko hono kaiga kotoabe, moe kau fefine nae muimui iate ia mei Kaleli, naa nau tutuu mei he mamao, o vakai ki he gaahi mea ni.

¶ 50 Bea vakai, koe tagata nae higoa ko Josefa, koe fakamāu, koe tagata lelei bea agatonu:

51 (Nae ikai loto ia ki he fakakaukau moe gaue a nautolu:) koe Alematea  ia, koe kolo oe kakai Jiu: bea nae tatali foki ia ki he buleaga oe Otua.

52 Nae alu ia kia Bailato, o ne kole ae jino o Jisu.

53 Bea ne vete hifo ia, o fakakoloa aki ia ae tubenu lelei, o tuku ia ki he fonualoto kuo ta i he loto maka, aia nae teeki fakatokoto ai ha toko taha.

54 Bea koe aho teuteu ia, bea kuo ofi ae sabate.

55 Koe kau fefine foki, nae omi mo ia mei Kaleli, naa nau muimui mai, o mamata ki he fonualoto, moe tuku o hono jino.

56 Bea naa nau liu mai, o tokonaki ae gaahi akau namu kakala moe lolo tākai; bea nau mālōlō i he aho sabate o hage koe fekau.