¶ 1 BEA kuo fakaoji eia a ene tala kotoabe i he ao oe kakai, bea alu ia ki Kabaneume.

2 Bea nae mahaki, o mei mate ae tamaioeiki ae eiki tau e taha, aia nae ofa lahi ai ia.

3 Bea kuo fanogo ia kia Jisu, bea ne fekau ae kau mātua i he kakai Jiu, ke fakakolekole kiate ia ke ne ha‘u o fakamoui a ene tamaioeiki.

4 Bea kuo nau omi kia Jisu, bea nau kole fakamatoato kiate ia, o behe, Oku aoga ia te ke fai ki ai ae mea ni:

5 He oku ofa ia ki ho tau kakai, bea ko ia ia ne laga ae fale lotu moo mautolu.

6 Bea alu a Jisu mo kinautolu. Bea kuo hoko ia o vaofi moe fale, bea fekau e he eiki tau a  hono kaiga, ke lea  o behe kiate ia, Eiki, oua naa ke ogojiaage koe: he oku ikai teu aoga ke ke hu ki hoku fale:

7 Bea nae ikai teu mahalo oku tāu mo au keu alu atu kiate koe: ka ke fai hao lea, bea e moui ai eku tamaioeiki.

8 He ko au koe tagata buleia foki, ka oku ai ae kau tau oku ou bule‘i bea oku ou behe ki ha taha, Alu, bea alu ia; bea ki ha taha, Ha‘u, bea ha‘u ia; bea ki he eku tamaioeiki, Fai eni, bea oku ne fai  ia.

9 Bea ofo a Jisu kiate ia, i he ene fanogo ki he gaahi mea ni, bea tafoki ia, o ne behe ki he kakai nae muimui iate ia, Oku ou tala atu kiate kimoutolu, Naa mo Isileli, oku ikai teu ilo ai ha tui e behe  ni hono lahi.

10 Bea liu atu ki he fale akinautolu nae fekau, o nau ilo ae tamaioeiki nae mahaki kuo moui ia.

¶ 11 Bea i he aho naa na feholoi, nae alu ia ki he kolo nae ui ko Neini: bea nae alu mo ia a ene kau akoga toko lahi, moe fuu kakai.

12 Bea kuo ofi ia ki he mataba oe kolo, bea vakai, nae fata mai kituaa ae tagata mate, koe tama be taha ia a ene fa‘e, bea koe fefine ia kuo mate hono unoho: bea nae iate ia ae kakai toko lahi oe kolo.

13 Bea kuo mamata ki ai ae Eiki, bea manavaofa ia kiate ia, o ne behe ki ai, Oua e tagi.

14 Bea ha‘u ia o ala ki he fata: bea tuu be ae kau fata. Bea behe eia, Talavou, oku ou behe kiate koe, Tuu hake.

15 Bea nofo hake ia aia nae mate, o kamata lea. Bea ne atu ia ki he ene fa‘e.

16 Bea bukea kotoabe i he manavahe: bea nau fakamalo ki he Otua, o behe, Kuo tuu hake ae balofita lahi iate kitautolu; bea, Kuo aahi ae Otua ki hono kakai.

17 Bea nae mafola a hono ogoogo ni i Jutea kotoabe, bea moe botu fonua kotoabe  koia.

¶ 18 Bea nae fakaha e he kau akoga a Jone kiate ia ae gaahi mea ni kotoabe.

19 Bea nae ui e Jone kiate ia ae toko ua o ene kau akoga, o ne fekau  akinaua kia Jisu, o ne behe, Ko koe ia nae behe e ha‘u? be te mau amanaki ki ha taha?

20 Bea kuo ha‘u ae ogo tagata kiate ia, o na behe, Kuo fekau akimaua kiate koe e Jone koe Babitaiso, o behe, Ko koe ia nae behe e ha‘u? be te tau amanaki ki ha taha?

21 Bea i he feituulaa koia naa ne fakamoui ai ae toko lahi mei he gaahi mahaki, moe gaahi mea fakamamahi, bea moe kau laumalie kovi; bea naa ne fakaa ae toko lahi nae kui.

22 Bea  toki lea a Jisu, o beheage kiate kinaua, Mo o, o fakaha kia Jone ae gaahi mea kuo mo mamata mo fanogo ki ai: kuo a ae kui, kuo eveeva ae bibiki, kuo maa ae kilia, kuo ogo ae tuli, kuo fokotuu ae mate, bea oku malaga aki ae ogoogolelei ki he majiva.

23 Bea oku monuia ia aia e ikai tūkia iate au.

¶ 24 Bea kuo alu ae ogo tagata fekau a Jone, bea toki lea ia ki he kakai ia Jone, Naa mou alu atu ki he toafa ke mamata ki he ha? ki ha kaho oku lūlūi e he matagi?

25 Ka naa mou alu atu ke mamata ki he ha? ki ha tagata kuo kofu aki ae kofu molu? Vakai, he ko kinautolu oku kofu fakalaukau, mo kai lelei, oku i he fale oe gaahi tu‘i.

26 Ka naa mou alu atu ke mamata ki he ha? Ha balofita? Io, oku ou tala atu kiate kimoutolu. Oku lahi hake ia i he balofita.

27 Ko ia ia kuo tohi ki ai,  o behe, Vakai, oku ou fekau atu hoku fakamelomelo ke muomua i ho ao, ke teuteu eia ho hala kiate koe.

28 He oku ou tala kiate kimoutolu, iate kinautolu oku fanau‘i e he fefine oku ikai ha balofita lahi hake ia Jone koe Babitaiso: ka ko ia oku jii taha be i he buleaga oe Otua, oku lahi ia iate ia.

29 Bea koe kakai kotoabe nae fanogo  kiate ia, moe kau tanaki tukuhau, naa nau fakaha ae agatonu ae Otua, i he e nau babitaiso i he babitaiso a Jone.

30 Ka koe kau Falesi, moe kau akonaki‘i he fono, naa nau fakataeaoga ae finagalo oe Otua kiate kinautolu, he nae ikai te nau babitaiso iate ia.

31 Bea behe e he Eiki, Teu fakatatau ki he ha ae kakai oe toutagata ni? bea oku nau tatau moe ha?

32 Oku nau tatau moe tamaiki oku nofo i he botu fakatau, oku nau feuiaki, o behe, Kuo mau ifi fagufagu kiate kimoutolu, ka nae ikai te mou mee; kuo mau hiva fakamamahi kiate kimoutolu, ka nae ikai te mou tagi.

33 He nae ikai ha‘u a Jone koe Babitaiso o kai ma mo inu uaine; bea oku mou behe, Oku iate ia ha tevolo.

34 Kuo ha‘u ae Foha oe tagata o kai mo inu; ka mou behe, Vakai, koe tagata faa kai, mo faa inu uaine, koe kaiga oe kau tanaki tukuhau moe agahala!

35 Ka oku fakatonuhia ae boto e he ene fānau kotoabe.

¶ 36 Bea nae kole kiate ia ae toko taha i he Falesi ke na kai fakataha mo ia. Bea ne hu ki he fale oe Falesi, o nofo ai ke kai.

37 Bea vakai, koe fefine nae agahala i he kolo, kuo ilo eia oku nofo mo kai  a Jisu i he fale ae Falesi, bea ne omi ae buha alabasita oe lolo.

38 Bea tuu ia i hono va‘e mei  hono tua, o tagi, bea kamata fufulu eia hono va‘e aki hono loimata, o ne holoholo aki  ia hono louulu, bea uma ki hono va‘e, o tākai aki  ia ae lolo.

39 Ka kuo mamata  ki ai ae Falesi aia nae kole kiate ia, bea lea ia i hono loto, o behe, Ka ne ko ha balofita ae tagata ni,  behe, kuo ne ilo ae fefine ni, mo ene aga, aia oku ala kiate ia: he koe agahala ia.

40 Bea lea a Jisu, o beheage kiate ia, Saimone, oku iate au ae mea teu lea ai kiate koe. Bea behe eia, Eiki, folofola mai.

41 Nae ai ae tagata e toko taha bea nae totonu ke totogi kiate ia e he toko ua: koe tenali e nimageau ae toko taha, kae nimagofulu ae toko taha.

42 Bea kuo ikai haa na mea ke totogi aki, bea ne fakamolemole  leva akinaua oji be. Koia ke ke tala mai, be kohai iate kinaua e ofa lahi kiate ia?

43 Bea lea a Saimone, o behe, Oku ou mahalo ko ia be nae lahi ene fakamolemole ki ai. Bea behe eia kiate ia, Oku totonu hoo mahalo.

44 Bea tafoki ia ki he fefine, mo ne behe kia Saimone, Oku ke mamata ki he fefine ni? Naaku hu ki ho fale, ka nae ikai te ke omi ha vai ki hoku va‘e; ka kuo fufulu aki eia a hoku va‘e ae loimata, mo holoholo aki  ia hono louulu.

45 Nae ikai te ke uma kiate au: ka koe fefine ni talu eku hu mai moe ikai tuku ene uma ki hoku va‘e.

46 Nae ikai te ke bani aki hoku ulu ae lolo: ka kuo tākai e he fefine ni a hoku va‘e aki ae lolo.

47 Koia oku ou tala atu ai kiate koe, Ko ene agahala, aia oku lahi, kuo fakamolemole ia; koia oku lahi ai ene ofa: ka ko ia oku jii hono fakamolemole, oku jii ene ofa.

48 Bea behe eia kiate ia, Kuo fakamolemole hoo gaahi agahala.

49 Bea ko kinautolu naa nau nofo o kai mo ia, naa nau kamata behe i ho nau loto, Kohai eni oku ne fakamolemole foki ae agahala?

50 Ka nae behe eia ki he fefine, Kuo fakamoui koe e hoo tui; alu i he fiemalie.