¶ 1 BEA nae toki ui ia ke fakataha ene kau akoga e toko hogofulu ma toko ua, bea ne tuku kiate kinautolu ae malohi moe bule ki he kau tevolo kotoabe, bea ke fakamoui ae gaahi mahaki.

2 Bea ne fekau atu akinautolu ke malaga aki ae buleaga oe Otua, mo fakamoui ae mahaki.

3 Bea behe eia kiate kinautolu, Oua naa ave ha mea i hoo mou fonoga, ae gaahi tokotoko, bea ha kato, be ha ma, be ha baaga; be te mou taki ua ae kofu tua.

4 Bea koe fale koia te mou hu ki ai, mou nofo ai, bea toki alu ai.

5 Bea koe botu koia e ikai te nau ma‘u akimoutolu i ai, oka mou ka alu i he kolo koia, mou tutui ae efu i ho mou va‘e koe fakamooni kiate kinautolu.

6 Bea naa nau alu, o fonoga i he gaahi botu kakai, bea malaga aki ae ogoogolelei, mo nau fakamoui i he botu kotoabe.

¶ 7 Bea nae fanogo a Helota koe tu‘i ki he mea kotoabe kuo fai eia: bea naa ne bubutuu ai, koeuhi nae behe e he niihi, Kuo toe tuu a Jone mei he mate.

8 Bea  behe e he niihi, Kuo ha mai a Ilaija; moe niihi, Kuo toe tuu ha taha i he kau balofita motua.

9 Bea behe e Helota, Kuou tutuu ae ulu o Jone; ka kohai eni, oku ou fanogo ki ai ae gaahi mea ni? Bea ne ne holi ke mamata kiate ia.

¶ 10 Bea kuo liu mai ae kau abosetolo, bea nau fakaha kotoabe kiate ia aia kuo nau fai. Bea naa ne ave akinautolu, o afe fakafufu ki he botu lala oe kolo oku ui ko Betesaita.

11 Bea kuo ilo  ia e he kakai, naa nau muimui kiate ia: bea ne ma‘u akinautolu, o ne lea kiate kinautolu, ki he buleaga oe Otua, bea nae fakamoui akinautolu aia nae aoga ke fakamoui.

12 Bea kuo tei oji ae aho, bea ha‘u ae toko hogofulu ma toko ua, o nau behe kiate ia, Fekau ke alu ae kakai, koeuhi ke nau o ki he gaahi botu kakai moe gaahi nofoaga kakai ofi mai, o mohe ai, bea ma‘u ai ae mea kai; he oku tau i heni koe botu lala.

13 Ka nae behe eia kiate kinautolu, Mou atu ha mea kai kiate kinautolu. Bea naa nau beheage, Oku ikai haa tau mea ka koe foi ma e nima moe ika e ua, o kabau e ikai te mau o, o fakatau mea kai ma ae kakai ni kotoabe.

14 He nae toko nima afe nai ae tagata. Bea behe eia ki he ene kau akoga, Bule ke nau nofo hifo o tautau toko nimagofulu.

15 Bea naa nau fai ia, mo bule ke nau nofo hifo kotoabe.

16 Bea too eia ae foi ma e nima moe ika e ua, bea haga hake ia ki he lagi, o ne tabuaki ia, mo tofitofi, o atu ki he kau akoga ke tufaki ki he kakai.

17 Bea naa nau kai o makona ai kotoabe: bea nae tanaki ae toega kai nae toe kiate kinautolu, bea bito ai ae kato e hogofulu ma ua.

¶ 18 Bea nae behe, i he ene lotu toko taha be, kuo aluage ene kau akoga: bea fehui ia kiate kinautolu, o behe, Oku behe e he kakai kohai au?

19 Bea naa nau lea, o beheage, Ko Jone koe Babitaiso; kae  behe e he niihi, Ko Ilaija; bea  behe e he niihi, Kuo toe tuu ha taha i he kau balofita motua.

20 Bea behe eia kiate kinautolu. Ka oku behe ekimoutolu kohai au? Bea lea a Bita, o beheage, Koe Kalaisi koe oe Otua.

21 Bea ne nainai malohi mo fekau eia kiate kinautolu, ke oua naa fakaha ae mea koia ki ha taha;

22 O ne behe, E kataki e he Foha oe tagata ae gaahi mea lahi, bea e jiaki ia e he kau mātua bea moe kau taulaeiki lahi moe kau tagata tohi, bea e tamate‘i ia, bea toe fokotuu i hono aho tolu.

¶ 23 Bea ne behe kiate kinautolu kotoabe, Kabau e muimui ha taha kiate au, tuku ke jiaki ia eia, bea too hake ene akau māfajia i he aho kotoabe, bea muimui iate au.

24 He ko ia e kalofaki ene moui, e mole ia; ka ko ia e mole ene moui koeuhi ko au, ko ia  be e ma‘u ia.

25 He koeha hono aoga ki he tagata, o kabau e ma‘u eia a mamani kotoabe, kae mole ia, be liaki ia?

26 He ko ia e ma iate au mo eku gaahi lea, e ma ai ae Foha oe tagata, oka ha‘u ia i hono nāunāu oona, mo ene Tamai, bea moe kau agelo maonioni.

27 Ka oku ou tala mooni atu kiate kimoutolu, Oku tutuu ae niihi i heni, e ikai te nau kamata ae mate, kae oua ke nau mamata ki he buleaga oe Otua.

¶ 28 Hili ae gaahi lea ni, koe aho nai e valu, nae ave eia a Bita mo Jone mo Jemesi, bea nau o hake ki he mouga ke lotu.

29 Bea i he ene lotu, nae fakafoou ae aga o hono fofoga, bea nae hinehina o gigila hono gaahi kofu.

30 Bea vakai, nae alea mo ia ae tagata e toko ua, aia ko Mosese mo Ilaija:

31 O na ha mai i he nāunāu, o nau alea ki he ene bekia, aia te ne fai i Jelusalema.

32 Ka ko Bita mo kinaua nae iate ia naa nau māfajia i he  fie mohe: bea i he e nau a, naa nau mamata ki hono nāunāu, bea moe ogo tagata naa nau tutuu mo ia.

33 Bea behe, i he e na alu iate ia, nae behe e Bita kia Jisu, Eiki, oku lelei e tau i heni: bea tuku ke mau gaohi ha fale e tolu; ke oou ae taha, bea taha o Mosese, bea taha o Ilaija: ka nae ikai ilo eia ene lea.

34 Bea lolotoga ene lea behe, nae fakamalu aki akinautolu ae ao: bea naa nau manavahe i he e nau hu ki he ao.

35 Bea nae ogo mai ae le‘o mei he ao, o behe, Ko hoku Alo ofaaga eni: fanogo kiate ia.

36 Bea hili ae lea, nae ilo a Jisu oku toko taha be. Bea naa nau fufu eni, o ikai fakaha ki ha toko taha, i he gaahi aho koia, ha mea e taha kuo nau mamata ki ai.

¶ 37 Bea behe, i he bogibogi hake, naa nau alu hifo mei he mouga, bea fakafetaulaki kiate ia ae fuu kakai.

38 Bea vakai, nae kalaga mai ae tagata i he kakai, o behe, E Eiki, oku ou kole kiate koe, ke ke vakai ki hoku foha: he ko eku tamajii toko taha be ia.

39 Bea vakai, oku buke ia e he laumalie, bea fokifa oku tagi kalaga ia; bea oku ne hae‘i ke koa ai ia, bea oku ne haaki ia, bea alu ai i he tae fie alu.

40 Bea neu kole ki hoo kau akoga ke kabuji ia; ka nae ikai te nau faa fai.

41 Bea lea a Jisu, o beheage, Ae toutagata taetui mo agakovi, e fefe hono fuoloa oe tau nonofo, mo eku kataki akimoutolu? Omi ho foha ki heni.

42 Bea i he ene ha‘u, nae haaki ia e he tevolo, mo hae‘i. Bea nae tautea e Jisu ae laumalie uli, mo fakamoui ae tamajii, o toe atu ia ki he ene tamai.

¶ 43 Bea naa nau ofo kotoabe i he mafimafi lahi oe Otua. Ka i he e nau ofo kotoabe i he mea fulibe nae fai e Jisu, bea behe eia ki he ene kau akoga,

44 Tuku ke ogo ki ho mou teliga ae gaahi lea ko eni: e tukuage ae Foha oe tagata ki he nima oe kakai.

45 Ka nae ikai te nau ilo ae lea ni, bea nae fufu ia meiate kinautolu, bea ikai ai te nau ilo ia: bea naa nau manavahe ke fehui kiate ia i he lea koia.

¶ 46 Bea nae tubu iate kinautolu ae fakakikihi, be kohai e lahi iate kinautolu.

47 Bea ilo i e Jisu ae mahalo a ho nau loto, bea too mai eia ae tamajii, o tuku ia ke ofi kiate ia,

48 O ne behe kiate kinautolu, Ko ia ia e ma‘u ae tamajii ni i hoku huafa, oku ne ma‘u au; bea ko ia ia oku ne ma‘u au, oku ne ma‘u aia naa ne fekau au: he ko ia oku jii iate kimoutolu kotoabe, ko ia ia e lahi.

¶ 49 Bea lea a Jone, o beheage, Eiki, naa mau mamata ki ha taha oku kabuji ae kau tevolo i ho huafa; bea naa mau taofi ia, he oku ikai ke muimui ia mo kimautolu.

50 Bea behe e Jisu kiate ia, Oua naa taofi: he ko ia oku ikai agatuu kiate kitautolu oku kau ia mo kitautolu.

51 Bea behe, i he ofi ae gaahi aho ke ma‘u hake ai ia ki oluga, naa ne faka-hagatonu hono fofoga ke alu ki Jelusalema,

52 O ne fekau eia ae kau fakamelomelo ke muomua i hono ao: bea naa nau o, o hu ki he botu kakai o Samelia, ke teuteu  ai kiate ia.

53 Ka nae ikai te nau ma‘u ia, koeuhi nae haga hono mata o hage ka alu ia ki Jelusalema.

54 Bea kuo mamata ki ai ene akoga ko Jemesi mo Jone, bea na behe, Eiki, e lelei kiate koe ke ma fekau hifo ae afi mei he lagi, o fakaauha akinautolu, o hage kioa nae fai e Ilaija?

55 Ka nae tagaki ia ki mui, o valoki akinaua, o behe, Oku ikai jii te mo ilo ae aga o ho mo loto.

56 He nae ikai ha‘u ae Foha oe tagata ke fakaauha ae moui ae kakai, ka ke fakamoui. Bea naa nau o ki he botu kakai e taha.

¶ 57 Bea i he e nau o i he hala, nae behe e he toko taha kiate ia, Eiki, teu muimui kiate koe i he botu kotoabe te ke alu ki ai.

58 Ka nae behe e Jisu kiate ia, Oku ma‘u e he faga fokisi ae tafu, bea oku i he faga manu oe atā ae moheaga; ka oku ikai i he Foha oe tagata ha botu ke tokoto ai hono ulu.

59 Bea behe eia ki ha taha kehe, Muimui mai kiate au. Ka nae behe eia, Eiki, tuku au keu tomua alu o tanu eku tamai.

60 Bea behe e Jisu kiate ia, Tuku ke tanu e he mate ho nau mate; ka ke alu koe o malaga aki ae buleaga oe Otua.

61 Bea nae behe foki e he toko taha, Eiki, teu muimui kiate koe; kae tuku au keu tomua alu o feiloaki mo kinautolu i hoku fale.

62 Bea behe e Jisu kiate ia, Oku ikai ha taha kuo ai hono nima ki he huo toho, kae jio ki mui, e aoga ki he buleaga oe Otua.