¶ 1 BEA hili ae aho e ua, bea hoko  ae katoaga oe Lakaatu, moe ma tae mea fakatubu: bea nae kumi e he kau taulaeiki lahi moe kau tagata tohi be fefei e nau moua ia i he kākā, ke tamate‘i.

2 Ka naa nau behe, Kae ikai i he katoaga, telia naa ai ha maveuveu ae kakai.

¶ 3 Bea nae i Betani ia, i he fale o Saimone koe kilia, bea i he ene nofo o kai, nae ha‘u ae fefine moe buha ala-basita oe lolo koe naati mooni oku mahuiga lahi; bea ne foa‘i ae buha, mo liligi ki hono fofoga.

4 Bea nae ai ae niihi naa nau loto ita, o nau behe, Koeha kuo maumau‘i ai ae lolo?

5 He nae faigofua ke fakatau aki ia ae tenali e tolugeau tubu, bea foaki ki he majiva. Bea nau lāuga kiate ia.

6 Bea behe e Jisu, Tuku ai be ia; koeha oku mou fakamamahi‘i ai ia? kuo fai eia ae gaue lelei kiate au.

7 He oku iate kimoutolu mau ai be ae majiva, bea ka mou ka loto  ki ai oku mou faa fai lelei kiate kinautolu; kae ikai teu iate kimoutolu mau ai be au.

8 Kuo ne fai aia oku ne faa fai: kuo tomua ha‘u ia ke tākai hoku jino ki hono tanu.

9 Koe mooni oku ou tala atu kiate kimoutolu, Koe botu o mamani kotoabe e malaga aki ai ae ogoogolelei ni, e fakaha i ai foki mo ia kuo ne fai ko hono fakamanatu‘i.

¶ 10 Bea koe toko taha oe toko hogofulu ma toko ua, ko Jutasi Isikaliote, naa ne alu ki he kau taulaeiki lahi, ke lavaki’i ia kiate kinautolu.

11 Bea i he e nau fanogo ki ai, naa nau fiefia, o fakailo baaga kiate ia. Bea lamaji eia ke tuumalie ene lavaki‘i ia.

¶ 12 Bea i ke uluaki aho oe ma tae mea fakatubu, i he e nau tamate‘i ae  feilaulau oe Lakaatu, bea behe ene kau akoga kiate ia, Koe botu fe oku ke loto ke mau alu o teuteu ai, koeuhi ke ke kai i he  katoaga oe Lakaatu?

13 Bea fekau atu eia ae toko ua i he ene kau akoga, o ne behe kiate kinaua, Mo o ki he kolo, bea e fakafetaulaki mai kiate kimoua ae tagata oku ne fua ae ibu vai: muimui iate ia.

14 Bea koe fale koia e hu ki ai ia, mo behe ai ki he eiki oe fale, Oku behe e he Eiki, Kofaa ae botu fale, aia teu kai ai mo eku kau akoga i he  katoaga oe Lakaatu.

15 Bea e fakaha eia kiate kimoua ae botu lahi ki oluga, kuo gaohi mo teuteu: mo teuteu i ai maa tautolu.

16 Bea nae alu atu ene ogo akoga, o na hu ki he kolo, bea na ilo o hage ko ene lea kiate kinaua: bea na teuteu ai ae  feilaulau oe Lakaatu?

17 Bea i he efiafi naa ne ha‘u moe toko hogofulu ma toko ua.

18 Bea i he e nau nofo o kai, nae behe e Jisu, Koe mooni oku ou tala kiate kimoutolu, Ko ho mou toko taha oku tau keinaga te ne lavaki‘i au.

19 Bea naa nau mamahi leva, mo nau taki taha behe kiate ia, Ko au ia? bea  behe e ha taha, Ko au ia?

20 Bea lea ia, o beheage kiate kinautolu, Koe toko taha i he toko hogofulu ma toko ua, oku ma ala mo au ki he ibu.

21 Koe mooni oku alu ae Foha oe tagata, o hage koia kuo tohi kaite ia: ka e malaia ae tagata koia aia oku ne lavaki‘i ae Foha oe tagata! nae lelei ki he tagata koia o ka ne ikai fanau‘i ia.

¶ 22 Bea i he e nau kai, nae too e Jisu ae ma, o ne tabuaki, mo tofitofi, bea ne atu kiate kinautolu, e ne behe Too, o kai: ko eni hoku jino.

23 Bea too eia ae ibu inu, bea hili ene fakafetai, naa ne atu kiate kinautolu: bea naa nau inu mei ai kotoabe.

24 Bea behe eia kiate kinautolu, Ko hoku toto eni oe fuakava foou, aia oku liligi koeuhi koe toko lahi.

25 Koe mooni oku ou tala kiate kimoutolu, E ikai teu toe inu i he fua oe vaine, kae oua ke hokojia ae aho koia teu inu foou ai ia i he buleaga oe Otua.

¶ 26 Bea kuo hili e nau faji hiva, naa nau alu atu ki he mouga oe Olive.

27 Bea behe e Jisu kiate kinautolu, E tūkia akimoutolu kotoabe i he bo ni iate au: he kuo tohi, Teu ta’i ae tauhi, bea e movetevete ai ae faga sibi.

28 Kae hili eku toetuu, teu muomua iate kimoutolu ki Kaleli.

29 Ka nae behe e Bita kiate ia, Kabau e tūkia kotoabe, ka e ikai teu behe au.

30 Bea beheage e Jisu kiate ia, Koe mooni oku ou tala atu kiate koe, Koe aho ni, io, i he bo ko eni, e teeki ai uua ae moa o tuo ua, ka e liuga tolu hoo fakafiji iate au.

31 Ka nae ajili ai ene lea fakamatoato, Kabau teu mate ai mo koe, e ikai aubito teu fakafiji‘i koe. Bea nae lea behe foki akinautolu kotoabe.

32 Bea naa nau hoko ki he botu nae higoa ko Ketesemeni: bea behe eia ki he ene kau akoga, Mou nonofo i heni, kae oua keu lotu.

33 Bea ne ave eia a Bita mo Jemesi mo Jone, bea kamata ilifia lahi, mo māfajia lahi aubito;

34 Bea ne behe kiate kinautolu, Oku mamahi lahi aubito o hage ka mate hoku laumalie: mou tatali i heni, bea leo.

35 Bea alu jii atu ia, o to fakafoohifo ki he kelekele, bea ne kole, o kabau e faa fai, bea laka ae feituu bo koia iate ia.

36 Bea behe eia, Aba, Tamai, oku faa fai ekoe ae mea kotoabe; ke ke ave ae ibu ni iate au: kae oua naaku faiteliha au, ka ko koe be.

37 Bea ha‘u ia, o ne ilo kuo nau mohe, bea behe eia kia Bita, Saimone, oku ke mohe akoe? e ikai te ke faa leo ekoe i he feituu bo e taha?

38 Mou leo bea lotu, telia naa lava‘i akimoutolu e he ahiahi. Koe mooni oku fie fai e he laumalie, ka oku vaivai ae kakano.

39 Bea toe alu atu ia, o lotu, o ne fai be ae lea koia.

40 Bea i he ene ha‘u, naa ne ilo e nau toe mohe, (he nae māfajia ho nau mata,) bea ikai te nau ilo be koeha te nau lea aki kiate ia.

41 Bea ha‘u ia ko hono liuga tolu, o ne behe kiate kinautolu, Mau be hoo mou mohe, bea mālōlō: kuo lahi ia, kuo hokojia ae feituu bo: vakai, kuo lavaki‘i ae Foha oe tagata ki he nima oe kau agahala.

42 Tuu hake, ke tau alu; vakai, oku i heni ia oku ne lavaki‘i au.

¶ 43 Bea lolotoga ene lea, mo ene ha‘u a Jutasi, koe toko taha oe toko hogofulu ma toko ua, bea moe fuu kakai mo ia, moe gaahi heleta moe gaahi akau, mei he kau taulaeiki lahi moe kau tagata tohi bea moe mātua.

44 Bea ko ia nae lavaki‘i ia kuo ne tuku ae fakailoga kiate kinautolu, o ne behe, Ka iloga aia teu uma ki ai, ko ia ia: buke ia, o tataki atu.

45 Bea i he ene hoko mai, bea ne alu leva kiate ia, o ne behe, Eiki, eiki; bea uma kiate ia.

¶ 46 Bea naa nau ala ho nau nima kiate ia, o buke ia.

47 Bea koe toko taha iate kinautolu nae tutuu  i ai, naa ne unuhi ae heleta, o ne ta‘i ae tamaioeiki ae taulaeiki lahi, o motuhi hono teliga.

48 Bea lea a Jisu, o beheage kiate kinautolu, He kuo mou omi ke buke au, moe gaahi heleta moe gaahi akau, o hage ha kaihaa?

49 Naaku i he fale lotu lahi mo kimoutolu i he aho kotoabe o akonaki, bea nae ikai te mou buke au: ka  kuo bau ke fakamooni ae gaahi tohi.

50 Bea nae liaki ia ekinautolu kotoabe, ka nau feholaki.

51 Bea nae muimui iate ia ae talavou e toko taha, kuo vala aki ae tubenu; bea nae buke ia e he kau talavou:

52 Bea jiaki eia ae tubenu, kae hola telefua iate kinautolu.

¶ 53 Bea naa nau tataki atu a Jisu ki he taulaeiki lahi: bea nae fakataha mo ia ae kau taulaeiki lahi kotoabe moe mātua moe kau tagata tohi.

54 Bea muimui mamao atu kiate ia a Bita, ki he fale oe taulaeiki lahi: bea nofo ia moe kau tamaioeiki, o ne mumu i he afi.

55 Bea kumi e he kau taulaeiki lahi, moe kau fakamāu kotoabe, ae fakamooni kia Jisu, ke nau tamate‘i ai ia; ka nae ikai ma‘u.

56 He nae fakamooni loi kiate ia ae toko lahi, ka nae ikai fai tatau ae nau fakamooni.

57 Bea tuu hake ae niihi, o nau fakamooni loi kiate ia, o behe,

58 Naa mau fanogo ki he ene behe, Teu veteki ae fale lotu lahi ni kuo gaohi aki ae nima, bea i he aho e tolu laga ha taha kehe, kae ikai aki ae nima.

59 Ka nae ikai fai tatau foki e nau fakamooni.

60 Bea tuu hake ae taulaeiki lahi i he haohaoga, o ne fehui kia Jisu, o behe, Oku ikai te ke lea  ki ai? Koeha eni oku fakamooni ekinautolu ni kiate koe?

61 Ka nae logobe ia, o ikai jii lea. Bea toe fehui ae taulaeiki lahi kiate ia, o ne behe, Ko koe koe Kalaisi, koe Alo oe Monuia?

62 Bea behe e Jisu, Ko au ia: bea te mou mamata ki he Foha oe tagata oku nofo ia i he nima toomatau oe mafimafi, bea mo ene ha‘u moe gaahi ao oe lagi.

63 Bea toki haehae e he taulaeiki lahi hono kofu, o behe, He koeumaa mo ha kau fakamooni kehe?

64 Kuo mou fanogo ki he lea fie Otua: koeha ho mou loto? Bea nau loto taha kotoabe e totonu ke mate.

65 Bea kamata aanu ae niihi kiate ia, bea ke ufiufi hono mata, o ta‘i ia, bea nau behe kiate ia, Kikite: bea jibi‘i ia e he kau tamaioeiki aki ho nau aofi nima.

¶ 66 Bea i he kei nofo a Bita i he fale i lalo, ne ha‘u ae fefine kaunaga e taha ae taulaeiki lahi:

67 Bea i he ene mamata kia Bita oku ne mumu, naa ne jio kiate ia, mo ne behe, Ta ko koe foki naa ke ia Jisu o Nasaleti.

68 Ka nae fakafiji ia, o behe, Oku ikai teu ilo  ia, bea oku ikai teu ilo aia oku ke lea aki. Bea alu ia ki he fale itua; bea uua ae moa.

69 Bea toe mamata kiate ia ae fefine kaunaga, bea kamata behe eia kiate kinautolu nae tutuu i ai, Koe taha eni o kinautolu.

70 Bea toe fakafiji ia. Bea fuoloa jii, bea toe behe ekinautolu nae tutuu i ai kia Bita, Koe mooni koe  taha koe a kinautolu; he koe Kaleli koe, bea oku tatau  mo ia hoo lea.

71 Ka nae kamata kabe ia mo fuakava,  o behe, Oku ikai teu ilo ae tagata ni oku mou lea ki ai.

72 Bea nae uua ae moa ko hono liuga ua. Bea manatu a Bita ki he lea aia nae lea aki e Jisu kiate ia, E teeki ai liuga ua ae uua ae moa, kae liuga tolu hoo fakafiji iate au. Bea i he ene manatu  ki ai, naa ne tagi.