¶ 1 BEA bogibogi hake ai, nae fakakaukau leva ae kau taulaeiki lahi, fakataha moe mātua moe kau tagata tohi moe kau fakamāu kotoabe, bea nae ha‘i a Jisu, o ave, mo tukuage kia Bailato.

2 Bea behe e Bailato kiate ia, Koe tu‘i koe oe kakai Jiu? Bea lea ia, o beheage kiate ia, Koia be.

3 Bea talatalaaki‘i ia e he kau taulaeiki lahi i he gaahi mea lahi.

4 Bea toe fehui e Bailato kiate ia, o behe, Oku ikai te ke lea ki ha mea? Vakai ki hono lahi oe gaahi mea oku nau fakamooni kiate koe.

5 Ka nae ikai jii lea a Jisu ki ha mea; bea ofo  ai a Bailato.

6 Bea koe katoaga  koia naa ne tukuage ai kiate kinautolu ha bobula e toko taha, aia te nau loto ki ai.

7 Bea nae ai ae  toko taha ko Balabasa hono higoa, kuo ha‘i fakataha mo kinautolu naa nau kau mo ia i he agatuu, mo nau fai ae fakabo i he agatuu.

8 Bea ioho le‘o lahi ae kakai, o nau kamata tala  ke ne fai o hage koia naa ne faa fai kiate kinautolu.

9 Ka nae lea a Bailato, o beheage kiate kinautolu, Ko ho mou loto ke tukuage kiate kimoutolu ae Tu‘i oe kakai Jiu?

10 He naa ne ilo koe mea i he meheka kuo tukuage ai ia e he kau taulaeiki lahi.

11 Ka nae ue‘i ae kakai e he kau taulaeiki lahi, ke ne tuku mai a Balabasa be kiate kinautolu.

12 Bea toe lea a Bailato, o ne beheage kiate kinautolu, Ka koeha ho mou loto keu fai kiate ia aia oku mou ui koe Tu‘i oe kakai Jiu?

13 Bea naa nau toe kalaga, Tutuki ia ki he akau.

14 Bea toki behe e Bailato kiate kinautolu, Koeumaa, koeha ae kovi kuo ne fai? Bea naa nau ajili kalaga ai aubito, Tutuki ia ki he akau.

¶ 15 Bea koe mea i he fie fakafie-malie e Bailato ki he kakai, naa ne tukuage a Balabasa kiate kinautolu, bea hili ene kauimaea a Jisu, naa ne tukuage  ia ke tutuki ki he akau.

16 Bea nae tataki ia e he kau tau ki he botu fale nae ui koe fale fakaeiki, o nau fakataha ae kau tau kotoa.

17 Bea naa nau fakakofu aki ia ae kulokula, o lalaga ae tatā aki ae akau talatala, o ai kiate ia.

18 Mo nau kamata fetaba kiate ia, Jiotoofa, Tu‘i oe kakai Jiu!

19 Bea naa nau ta‘i aki  ia ae vaa kaho i hono mata, o aanu kiate ia, bea tuulutui mo hu kiate ia.

20 Bea kuo nau manuki‘i ia, bea nau too iate ia ae kulokula, kae ai kiate ia hono kofu oona, o tataki atu ia ke tutuki ki he akau.

21 Bea naa nau bule ke fua hono akau e he toko taha ko Saimone koe Sailini, koe tamai a Alekisanita mo Lufusi, i he ene aluage ai, ko ene ha‘u mei he tukuuta.

22 Bea naa nau omi ia ki he botu ko Kolokota, aia ko hono uhiga, Koe botu oe uluboko.

23 Bea naa nau atu ae inu kiate ia koe uaine, kuo hui aki ae mula: ka nae ikai te ne ma‘u ia.

24 Bea kuo nau tutuki ia ki he akau, bea nau vahevahe hono gaahi kofu, mo talotalo ki ai,  ke iloga aia e ma‘u e he tagata taki taha.

25 Bea ko hono tolu ia oe feituulaa, naa nau tutuki ai ia ki he akau.

26 Bea nae tohi i oluga ae tohi o hono talakovi‘i, KOE TU‘I OE KAKAI JIU.

27 Bea naa nau tutuki ki he akau fakataha mo ia ae ogo kaihaa e toko ua: koe taha i he nima toomatau, moe taha i hono toohema.

28 Bea nae fakamooni ai ae tohi, aia oku behe, Bea nae lau ia fakataha moe kau agahala.

29 Bea manuki‘i ia ekinautolu nae fealuaki, i he kalokalo ho nau ulu, moe behe, Akoe, oku ke maumau‘i ae fale lotu lahi, mo  toe laga ia i he aho e tolu,

30 Fakamoui koe, bea ke alu hifo mei he akau.

31 Bea mahuki behe foki e he kau taulaeiki lahi, o nau febeheaki iate kinautolu moe kau tagata tohi, Naa ne fakamoui ae kakai; ka oku ikai te ne faa fakamoui ia.

32 Tuku ke alu hifo eni a Kalaisi koe Tu‘i o Isileli mei he akau, koeuhi ke mau mamata mo tui. Bea ko kinaua nae tutuki ki he akau mo ia ne na manuki‘i ia.

33 Bea i he hokojia hono ono oe feituulaa, nae fakabouli ae fonua kotoa o a‘u ki hono hiva oe feituulaa.

34 Bea i hono hiva oe feituulaa nae tagi le‘o lahi a Jisu, o behe, Iloi, Iloi, lama sabakatani? aia ko hono uhiga, Ko hoku Otua, ko hoku Otua, koeha kuo ke liaki ai au?

35 Bea ko ho nau niihi nae tutuu  i ai, i he e nau fanogo, naa nau behe, Vakai, oku ne ui kia Ilaija.

36 Bea lele ae toko taha, o ne unu ae oma ki he vai mahi, o ai  ia ki he vaa kaho, mo o hake ke ne inu, mo ne behe, Tuku ai be; ke tau vakai, be ha‘u a Ilaija ke tuku hifo ia.

37 Bea tagi le‘o lahi a Jisu, bea ne tuku hake hono laumalie.

38 Bea nae mahaeua ae buibui oe fale lotu lahi, mei hono botu i oluga o a‘u ki lalo.

¶ 39 Bea i he mamata ae eiki tau, nae tuu o hagatonu atu kiate ia, kuo behe a ene tagi, moe tuku hake a hono laumalie, ne ne behe, Ta koe mooni koe Alo oe Otua ae tagata ni.

40 Nae ai moe kau fefine naa nau jio mai mei he mamao: bea nae iate kinautolu a Mele Makitaline, mo Mele koe fa‘e a Jemesi jii bea mo Jose, mo Salome;

41 (Akinautolu foki naa nau muimui kiate ia, mo tauhi ia i he ene i Kaleli;) bea moe kau fefine toko lahi, naa nau alu hake mo ia ki Jelusalema.

¶ 42 Bea kuo efiafi ai, bea koeuhi koe teuteu, aia koe aho oku mua i he  aho sabate,

43 Nae alu loto malohi a Josefa o Alematea, koe fakamāu ogo lelei, bea nae tatali foki ia ki he buleaga oe Otua, o ne kole mei a Bailato ae jino o Jisu.

44 Bea ofo a Bailato i he ene bekia vave: bea ne ui ae eiki tau, o fehui ki ai be kuo fuoloaage ene bekia.

45 Bea kuo ne ilo  ia mei he eiki tau, bea ne atu ae jino kia Josefa.

46 Bea fakatau eia ae tubenu mahuiga lelei, mo vete hifo ia, o fakakoloa aki  ia ae tubenu mahuiga, bea fakatokoto ia i he fonualoto kuo ta i he maka, bea ne teketekai ae maka ki he mataba oe fonualoto.

47 Bea ko Mele Makitaline mo Mele  koe fa‘e a Jose, ne na mamata ki he botu kuo fakatokoto ai  ia.