¶ 1 BEA hili ae gaahi aho bea toe alu ia ki Kabaneume; bea kuo ogo atu oku i he fale ia.

2 Bea fakataha leva ae fuu toko lahi, nae ikai ke faa hao  i he fale, be ofi ki he mataba: bea malaga aki eia ae folofola kiate kinautolu.

3 Bea nae omi mo kinautolu kiate ia ae toko taha nae mahaki tete, aia nae fata e he toko fa.

4 Bea i he ikai te nau faa hao o ofi kiate ia koeuhi koe kakai, naa nau tatala ae ato  oe fale nae i ai ia: bea kuo hae‘i ia, naa nau tukutuku hifo ae mohega nae tokoto ai ae mahaki tete.

5 Bea kuo mamata a Jisu ki he e nau tui, bea behe eia ki he mahaki tete, Foha, kuo fakamolemole hoo gaahi agahala.

6 Ka nae nofo ai ae niihi oe kau tagata tohi, o nau fifili i ho nau loto,  o behe,

7 Koeha oku lea fie Otua behe ai ae tagata ni? kohai e faa fakamolemole ae agahala ka koe Otua be?

8 Bea kuo ilo‘i leva e Jisu i hono loto oku behe e nau fifili i ho nau loto, bea behe eia kiate kinautolu, Koeha oku mou fifili ai i ho mou loto ki he gaahi mea ni?

9 He oku faigofua aefe, ae lea aki ki he mahaki tete, Kuo fakamolemole hoo gaahi agahala; be koe lea, Tuu hake, o too ho mohega, mo ke alu?

10 Ka koeuhi ke mou ilo oku i he Foha oe tagata ae malohi i mamani ke fakamolemole ae agahala, (bea behe eia ki he mahaki tete),

11 Oku ou behe atu kiate koe, Tuu hake, o too ho mohega, mo ka alu ki ho fale.

12 Bea tuu hake leva ia, o too ae mohega, bea ne alu kitua i he ao oki-nautolu kotoabe; koia ne nau ofo ai kotoabe, mo fakamalo ki he Otua, o nau behe, Kuo heeki te tau mamata i ha mea behe.

13 Bea toe alu atu ia ki he matātahi; bea katoa kiate ia ae kakai kotoabe, bea ne akonaki‘i akinautolu.

14 Bea i he ene alu atu, naa ne mamata kia Livai koe  foha o Alefiusi, oku nofo ia i he tukuhauaga, bea ne behe kiate ia, Muimui kiate au. Bea tuu ia o muimui iate ia.

15 Bea i he nofo  a Jisu i hono fale, o kai, nae toko lahi ae tanaki tukuhau moe agahala, naa nau nonofo mo Jisu mo ene kau akoga: he nae toko lahi akinautolu nae muimui iate ia.

16 Bea i he mamata e he kau tagata tohi moe Falesi oku ne kai moe kau tanaki tukuhau moe agahala, naa nau behe ki he ene kau akoga, Koeha oku kai mo inu fakataha ai ia moe kau tanaki tukuhau moe agahala?

17 Bea kuo fanogo a Jisu ki ai, bea behe eia kiate kinautolu, Oku ikai aoga ae faitoo kiate kinautolu oku mālōlō, ka ki he mahaki: nae ikai teu ha‘u ke ui ae maonioni, ka koe agahala ke fakatomala.

18 Bea nae faa aukai ae kau akoga a Jone moe  akoga ae kau Falesi: bea nau ha‘u o behe kiate ia, Koeha oku faa aukai ai ae kau akoga a Jone bea moe Falesi, ka oku ikai aukai hoo kau akoga?

19 Bea behe e Jisu kiate kinautolu, E faa aukai ae kaiga oe tagata taane, i he kei iate kinautolu ae tagata taane? e ikai te nau faa aukai i he lolotoga oku iate kinautolu ae tagata taane.

20 Kae hoko ae gaahi aho e ave ai iate kinautolu ae tagata taane, bea koe gaahi aho koia te nau toki aukai ai.

21 Oku ikai foki ha taha te ne ai ha koga mea foou ki he kofu motua: he koe  koga foou oku ai ke oboji aki, e mafaufau ai ia bea e ajili ai hono mahaehae.

22 Bea oku ikai utu e ha taha ae uaine foou ki he gaahi hina oku motua; ka behe e hae‘i e he uaine foou ae gaahi hina, bea maligi ae uaine, bea maumau ae hina; ka oku utu ae uaine foou ki he gaahi hina foou.

23 Bea nae alu atu ia i he gaahi goue uite i he aho sabate; bea i he e nau alu, nae kamata toli e he ene kau akoga ae fua oe uite.

24 Bea behe e he kau Falesi kiate ia, Vakai, koeha oku nau fai ai i he aho sabate aia oku ikai gofua?

25 Bea behe eia kiate kinautolu, Nae ikai te mou lau aia nae fai e Tevita, i he ene tuutamaki, mo fiekaia, aia mo kinautolu nae iate ia?

26 A ene hu ki he fale oe Otua i he gaahi aho o Abiata koe taulaeiki lahi, o ne kai ae ma oe ao, aia nae ikai gofua ke kai ka koe kau taulaeiki be, bea ne age foki kiate kinautolu nae iate ia?

27 Bea behe eia kiate kinautolu, Nae gaohi ae sabate koeuhi koe tagata, ka nae ikai  gaohi ae tagata koeuhi koe sabate:

28 Koia koe Foha oe tagata koe Eiki ia oe sabate foki.