¶ 1 BEA toe hu ia ki he fale lotu; bea nae i ai ae tagata kuo mate hono nima.

2 Bea naa nau lamaji ia, be te ne fakamoui ia i he aho sabate: ka nau fakakovi‘i ai ia.

3 Bea behe eia ki he tagata nae nima mate, Tuu mai.

4 Bea ne behe kiate kinautolu, Oku gofua ke fai lelei i he gaahi aho sabate, be koe fai kovi? ke fakamoui, be tamate‘i? Ka naa nau fakalagobe.

5 Bea kuo vakai foli eia akinautolu kuo tubutamaki, he nae mamahi ia koeuhi koe fefeka o ho nau loto, bea ne behe ki he tagata, Mafao mai ho nima. Bea ne mafao atu  ia: bea fakamoui hono nima o hage ko  hono nima e taha.

6 Bea nae alu kitua ae kau Falesi, o nau alea leva moe kau Helotiane kiate ia, be fefe‘i e nau tamate‘i ia.

7 Ka nae alu a Jisu mo ene kau akoga ki he tahi: bea muimui kiate ia ae fuu toko lahi mei Kaleli mo Jutea,

8 Bea nae ha‘u kiate ia, mei Jelusalema, mo Aitumia, moe tua Joatani, mo kinautolu nae ofi ki Taia mo Saitoni, ae fuu toko lahi i he e nau fanogo ki he gaahi mea lahi kuo ne fai.

9 Bea nae fekau eia ki he ene kau akoga, ke ai ha vaka jii ke tatali kiate ia, koeuhi koe fuu toko lahi, elia naa nau fakaefihia‘i ia.

10 He kuo ne fakamoui ae toko lahi; koia ne nau fakaefihia‘i ia, ka nau ala kiate ia, akinautolu nae mahaki.

11 Bea moe kau laumalie uli, i he e nau mamata kiate ia, naa nau to ki lalo i hono ao, bea tagi, o behe, Koe Alo koe oe Otua.

12 Bea ne fekau malohi kiate kinautolu, ke oua naa nau fakaha ia.

13 Bea nae alu hake ia ki he mouga, o ne ui kiate ia akinautolu nae loto ia ki ai: bea nau aluage kiate ia.

14 Bea ne tuutuuni ae toko hogofulu ma toko ua, ke nau iate ia, bea koeuhi ke ne fekau atu akinautolu ke malaga,

15 Bea ke ma‘u ae malohi ke fakamoui ae gaahi mahaki, mo kabuji ae kau tevolo:

16 Ko Saimone naa ne fakahigoa ko Bita;

17 Mo Jemesi koe  foha o Sebeti, mo Jone koe tokoua o Jemesi; bea ne fakahigoa akinaua ko Boaneajesi, aia, Koe ogo foha oe mana:

18 Mo Anitelu, mo Filibe, mo Bato-lomiu, mo Matiu, mo Tomasi, mo Jemesi koe  foha o Alefiusi, me Tatiusi, mo Saimone koe Kenani,

19 Mo Jutasi Isikaliote aia foki naa ne lavaki‘i ia: bea naa nau hu ki ha fale.

¶ 20 Bea toe fakataha ae kakai, koia nae ikai ai te nau faa fai e nau kai ma.

21 Bea i he fanogo ki ai a hono kaiga, naa nau alu atu ko hono buke: he naa nau behe, Kuo vale ia.

¶ 22 Bea nae behe e he kau tagata tohi nae alu hifo mei Jelusalema, Oku iate ia a Belisibube, bea oku ne kabuji ae kau tevolo i he eiki oe kau tevolo.

23 Bea ne ui akinautolu, mo ne behe kiate kinautolu i he gaahi fakatātā, E faa kabuji fefe e Setani a Setani?

24 Bea kabau e feiteitani ha buleaga, e ikai tuu mau ae buleaga koia.

25 Bea kabau e feiteitani ha fale, e ikai tuu mau ae fale koia.

26 Bea kabau e agatuu a Setani kiate ia, mo feiteitani, e ikai tuu mau ia, kae gata ai ia.

27 E ikai ha taha te ne faa hu ki he fale oe toko taha malohi, mo kaihaaji ene gaahi koloa, ka i he ene tomua ha‘i ae toko taha malohi; bea te ne toki kaihaaji ene koloa.

28 Koe mooni oku ou tala atu kiate kimoutolu, E fakamolemole ae gaahi hia kotoabe ae fānau ae tagata, moe lohiaki‘i aia kotoabe te nau lohi aki:

29 Ka koe lohiaki‘i oe Laumalie Maonioni e ikai fakamolemolea o lauikuoga, ka oku tuutamaki ia ki he malaia taegata:

30 Koeuhi nae behe ekinautolu, Oku iate ia ae laumalie uli.

¶ 31 Bea nae toki ha‘u a hono kaiga mo ene fa‘e, o nau tutuu itua, bea nau fekau kiate ia.

32 Bea behe kiate ia e he kakai naa nau nofo o kabui ia, Vakai, ko hoo fa‘e mo ho kaiga oku itua, ko e nau kumi koe.

33 Bea lea ia, o beheage kiate kinautolu, Kohai eku fa‘e mo hoku kaiga?

34 Bea vakai foli eia akinautolu naa nau nofo o kabui ia, mo ne behe, Vakai, ko eku fa‘e mo hoku kaiga!

35 He ko ia te ne fai ae finagalo oe Otua, ko hoku tokoua ia, mo hoku tuofefine, mo  eku fa‘e.