¶ 1 NAE alu a Jisu i he kuoga koia i he goue uite i he aho sabate; bea nae fiekaia ene kau akoga, o nau kamata toli ae fua oe uite, o kai.

2 Ka i he mamata ki ai ae kau Falesi, naa nau behe kiate ia, Vakai, oku fai e hoo kau akoga aia oku ikai gofua ke fai i he aho sabate.

3 Ka nae behe eia kiate kinautolu, Nae ikai te mou lau aia nae fai e Tevita, i he ene fiekaia, mo kinautolu nae iate ia;

4 A ene hu ki he fale oe Otua, o ne kai ae ma oe ao, aia nae ikai gofua ke ne kai, be ko kinautolu nae iate ia, ka koe kau taulaeiki be?

5 Nae ikai te mou lau i he fono, oku fai taehalaia e he kau taulaeiki i he fale lotu lahi aia oku kovi ke fai i he gaahi aho sabate?

6 Ka oku ou tala atu kiate kimoutolu, oku i he botu ni ha taha oku lahi i he fale lotu lahi.

7 Bea ka ne mou ilo hono uhiga oe  lea ni, E ikai teu lelei lahi i he feilaulau, ka i he lotoofa, behe, ne ikai te mou tukuekina ae taehalaia.

8 He koe Foha oe tagata koe Eiki ia oe aho sabate foki.

¶ 9 Bea kuo alu ai mei ai, bea hu ia ki ho nau fale lotu.

10 Bea vakai, nae i ai ae tagata kuo mate hono nima. Bea nau fehui kiate ia, o behe, Oku gofua ke fakamoui i he gaahi aho sabate? koeuhi ke nau fakakovi‘i ia.

11 Bea beheage eia kiate kinautolu, Koe tagata fe iate kimoutolu, oku taha be ene sibi, bea ka to ia ki ha luo i he aho sabate, e ikai te ne buke ia, o too hake?

12 Bea ikai oku lelei lahi ae tagata i he sibi? Koia, oku gofua ke fai lelei i he aho sabate.

13 Bea toki behe eia ki he tagata, Mafao atu ho nima. Bea ne mafao atu  ia; bea fakamoui ia, o hage ko  hono nima e taha.

¶ 14 Bea toki alu kitua ae kau Falesi, o nau fakakaukau, be fefe e nau tamate‘i ia.

15 Ka i he ilo ia e Jisu, naa ne alu mei ai: bea muimui iate ia ae kakai toko lahi, bea ne fakamoui akinautolu kotoabe;

16 Bea ne fekau kiate kinautolu ke oua naa nau fakailo ia:

17 Koeuhi ke fakamooni aia nae lea aki e he balofita ko Isaia, o behe,

18 Vakai ki he eku tamaioeiki, aia kuou fili; oku ou ofa ai, bea oku malieia ai hoku laumalie: Teu tuku hoku laumalie kiate ia, bea te ne fakaha ae gaahi fekau ki he Jenitale.

19 E ikai fakakikihi ia, be kalaga; bea e ikai fanogo e ha taha ki hono le‘o i he hala.

20 E ikai te ne fejii ha kaho kuo volu, be tamate‘i ae māma oku kohu be, kae oua ke malohi ia i he fofola o ene gaahi fekau.

21 Bea e falala ae Jenitaile ki hono huafa.

¶ 22 Bea nae toki omi ai kiate ia ae toko taha nae kui mo noa, kuo ulujino ai ae tevolo: bea naa ne fakamoui ia, koia nae lea mo a ai aia nae kui mo noa.

23 Bea ofo ae kakai kotoabe, o nau behe, Ikai koe Foha eni o Tevita?

24 Ka i he fanogo ki ai ae kau Falesi, naa nau behe, Oku ikai kabuji ae tevolo e he jiana ni, kae ia Belisibube koe eiki oe kau tevolo.

25 Bea ilo e Jisu e nau mahalo, bea behe eia kiate kinautolu, Koe buleaga kotoabe oku feiteitani, e auha ia; bea koe kolo moe fale kotoabe kuo feiteitani, e ikai tuu ia:

26 Bea kabau oku kabuji e Setani a Setani, kuo fehia ia kiate ia; bea e tuu fefe a hono buleaga?

27 Bea kabau oku ou kabuji ae kau tevelo ia Belisibube, oku kabuji  akinautolu e hoo mou fānau i ahai? koia ko ho mou kau fakamāu akinautolu.

28 Bea kabau oku ou kabuji ae kau tevolo i he Laumalie oe Otua, bea ta kuo hoko mai ae buleaga oe Otua kiate kimoutolu.

29 E faa hu fefe ha taha ki he fale oe toko taha malohi, o kaihaaji ene gaahi mea, o kabau e ikai te ne tomua ha‘i ae toko taha malohi? bea te ne toki kaihaaji ene koloa.

30 Ko ia oku ikai kau mo au, oku agatuu ia kiate au; bea ko ia oku ikai te ma tanaki mo au, oku ne fakahe ke mamao.

¶ 31 Koia oku ou tala atu kiate kimoutolu, Koe agahala kotoabe moe lohiaki‘i e fakamolemole ia ki he kakai: ka koe lohiaki‘i oe Laumalie  Maonioni, e ikai fakamolemolea ia ki he kakai.

32 Bea ko ia oku ne lea kovi ki he Foha oe tagata, e fakamolemolea ia: ka ko ia oku lea kovi ki he Laumalie Maonioni, e ikai fakamolemolea, i he mamani, be  i he mama e ha‘u.

33 Ke behe, oku lelei ae akau, bea lelei mo hono fua; be behe, oku kovi ae akau, bea kovi mo hono fua: he oku ilo ae akau i hono fua.

34 Ae hako oe gata fekai! E fefe‘i hoo mou faa lea lelei, ka oku mou kevi be? he oku lea ae gutu mei he mea lahi oku i he loto.

35 Oku omi e he tagata agalelei ae gaahi mea lelei mei he koloa lelei  oe loto: bea oku omi e he tagata agakovi ae gaahi mea kovi mei he koloa kovi  oe loto.

36 Ka oku ou tala atu kiate kimoutolu, Koe lea kovi kotoabe oku lea aki e he kakai, e fakamāu ai akinautolu i he aho fakamāu.

37 Koeuhi e fakatonuhia‘i koe e hoo gaahi lea, bea e fakahalaia‘i koe e hoo gaahi lea.

¶ 38 Bea toki leaage ae niihi oe kau tagata tohi moe Falesi, o behe, Eiki, oku mau fie mamata ki ha fakailoga meiate koe.

39 Ka nae lea ia, o beheage kiate kinautolu, Koe toutagata kovi mo feauaki oku holi ki ha fakailoga; ka oku ikai ha fakailoga e tuku ki ai, ka koe fakailoga oe balofita ko Jona;

40 He nae aho tolu moe bo e tolu a Jona i he kete oe ika lahi: bea behe, e aho tolu moe bo e tolu ae Foha oe tagata i lalo fonua.

41 E tuu hake ae kakai o Ninive i he fakamāu moe toutagata ni, o fakahalaia ia: koeuhi naa nau fakatomala i he malaga a Jona; bea vakai, oku i heni aia oku lahi ia Jona.

42 E tuu hake ae tu‘i fefine oe feituu toga i he fakamāu moe toutagata ni, o fakahalaia ia: he nae ha‘u ia mei he botu mamao o mamani ke fanogo ki he boto a Solomone; bea vakai, oku i heni aia oku lahi ia Solomone.

43 Oka alu ae laumalie uli mei he tagata, oku alu fano ia i he botu momoa o kumi maloloaga, kae ikai ilo ia.

44 Bea toki behe eia, Teu toe alu ki hoku fale neu ha‘u mei ai; bea ka ha‘u ia, oku ne ilo ia kuo liaki, bea kuo tafi, bea teuteu.

45 Bea toki alu ia, o omi moe laumalie e toko fitu kehe oku kovi lahi iate ia, bea nau hu o nofo ki ai: bea kovi lahi ae  aga ki mui ae tagata koia i he  ene aga i mua. Bea e behe be foki ki he toutagata agakovi ni.

¶ 46 Bea i he ene kei lea ki he kakai, vakai, ko ene fa‘e mo hono gaahi kaiga naa nau tutuu i tua, o nau fie lea kiate ia.

47 Bea behe e ha taha kiate ia, Vakai, oku tuu i tua hoo fa‘e mo ho kaiga, ko e nau fie lea kiate koe.

48 Bea ne lea, o beheage kiate ia, naa ne fakaha mai, Kohai eku fa‘e? bea kohai mo hoku kaiga?

49 Bea mafao atu eia hono nima ki he ene kau akoga, o ne behe, Vakai, ko eku fa‘e mo hoku kaiga!

50 He ko ia ia te ne fai ae finagalo o eku Tamai oku i he lagi, ko hoku tokoua ia, mo  hoku tuofefine, mo  eku fa‘e.