¶ 1 BEA toki ha‘u ae kau tagata tohi moe Falesi o Jelusalema kia Jisu, o nau behe,

2 Koeha oku liaki ai e hoo kau akoga ae talatubua ae kau matua? he oku ikai te nau fanofano ho nau nima oka nau ka kai ma.

3 Ka nae lea ia, o beheage kiate kinautolu, Koeha oku mou liaki ai foki ae fekau ae Otua i hoo mou talatubua?

4 He kuo fekau e he Otua, o behe, Fakaabaaba ki hoo tamai mo  hoo fa‘e: bea, Ko ia e kabe‘i  ene tamai be ko  ene fa‘e, tuku ke mate tamate‘i ia.

5 Ka oku behe ekimoutolu, Ko ia e behe ki he ene tamai be ko ene fa‘e, Kuo fakatabu‘i aia kotoabe oku ou faa aoga ai kiate koe,

6 Bea oku ikai toe fakaabaaba ia ki he ene tamai be ko ene fa‘e,  e ataata ia. Koia oku mou fakataeaoga‘i ae fekau ae Otua aki hoo mou talatubua.

7 Ae kau malualoi! neinei lea a Isaia kiate kimoutolu, o behe,

8 Oku unuunu mai ae kakai ni kiate au aki ho nau gutu, o fakaabaaba kiate au aki ho nau lougutu; ka oku mamao ho nau loto iate au.

9 Ka oku taeaoga e nau hu kiate au, o akonaki aki ae gaahi fekau ae tagata be.

¶ 10 Bea ui ia ki he kakai, o ne behe kiate kinautolu, Fanogo, bea tokaga:

11 Oku ikai fakauli ki he tagata aia oku alu ki he gutu; ka koia oku ha‘u mei he gutu, oku ne fakauli‘i ae tagata.

12 Bea toki ha‘u ai ene kau akoga, o nau behe kiate ia, Oku ke ilo nae tūkia ae kau Falesi, i he e nau fanogo ki he lea koia?

13 Ka nae lea ia, o beheage, Koe akau kotoabe nae ikai to e he eku Tamai oku i he lagi, e taaki fuu hake ia.

14 Tuku ai be akinautolu: koe kau takimua kui oe kui akinautolu. Bea kabau oku tataki ae kui e he kui, e to fakatouoji be ki he luo.

15 Bea lea a Bita, o beheage kiate ia, Fakamatala kiate kimautolu ae fakatātā ni.

16 Bea beheage e Jisu, Oku mou kei taeilo foki?

17 Oku heeki ai te mou ilo, koe mea kotoabe oku alu i he gutu, oku alu ia ki he kete, bea toki alu hifo kitua?

18 Ka koe gaahi mea koia oku alu atu i he gutu, oku ha‘u mei he loto: bea koia ia oku fakauli‘i ae tagata.

19 He oku ha‘u mei he loto ae mahalo kovi, moe fakabo, moe tono fefine, moe feauaki, moe kaihaa, moe fakamooni loi, moa lea kovi:

20 Koeni ae gaahi mea oku fakauli‘i ae tagata: ka koe kai taefanofano nima, oku ikai fakauli‘i ia ae tagata.

¶ 21 Bea toki alu mei ai a Jisu, ki he gaahi botu o Taia mo Saitone.

22 Bea vakai, nae ha‘u ae fefine Kenani mei he botu koia, o tagi kiate ia, o behe, Aloofa mai kiate au, e Eiki, koe foha o Tevita; ko eku taahine oku mamahi lahi i he tevolo.

23 Ka nae ikai jii te ne lea kiate ia. Bea ha‘u ene kau akoga, o kole kiate ia, o behe, Fekau ia ke alu; he oku ne tagi toubili mai kiate kitautolu.

24 Ka nae lea ia, o beheage, Oku ikai fekau au ka ki he faga sibi he oe fale o Isileli.

25 Bea toki ha‘u ia, o hu kiate ia, o behe, Eiki, tokoni‘i au.

26 Ka nae lea ia, o beheage, Oku ikai lelei ke too ae ma ae fānau, bea li ki he faga kuli.

27 Bea behe eia, Koe mooni, Eiki: ka oku kai e he faga kuli ae momo‘i  mea kai oku gagana mei he keinagaaga a ho nau eiki.

28 Bea toki lea a Jisu, o beheage kiate ia, E fefine, oku lahi hoo tui: ke hoko kiate koe o hage ko ho loto. Bea moui ene taahine i he feituulaa koia.

29 Bea alu mei ai a Jisu, bea ha‘u ia, o ofi ki he tahi o Kaleli; bea alu hake ia ki he mouga, o nofo ai.

30 Bea ha‘u ae kakai toko lahi kiate ia, bea nau omi ae bibiki, moe kui, moe noa, moe lavea, moe toko lahi kehe, o tuku akinautolu ki he va‘e o Jisu; bea fakamoui eia akinautolu:

31 Koia nae ofo lahi ai ae kakai, i he e nau mamata kuo fakalea ae noa, bea fakahaohaoa ae lavea, bea fakaeveeva ae bibiki, bea fakaa ae kui: bea nau fakamalo ki he Otua o Isileli.

¶ 32 Bea ui a Jisu ke aluage ene kau akoga kiate ia, o ne behe, Oku ou ofa mamahi ki he kakai, koeuhi oku aho tolu e nau iate au, bea oku ikai haa nau mea ke kai: bea e ikai teu faa fekau ke nau alu aukai be, telia naa nau bogia i he hala.

33 Bea lea ene kau akoga kiate ia, Te tau ma‘u meife i he toafa ni ae ma lahi, ke fakamakona aki ae fuu kakai behe ni?

34 Bea beheage e Jisu kiate kinautolu, Oku fiha hoo mou foi ma? Bea nau behe, Oku fitu, moe faga kihi‘i ika.

35 Bea fekau eia ki he kakai ke nofo ki he kelekele.

36 Bea too eia ae foi ma e fitu moe gaahi ika, bea fai ae fakafetai, bea tofitofi ia, o atu ki he ene kau akoga, bea  tufaki e he kau akoga ki he kakai.

37 Bea naa nau kai kotoabe, bea makona ai: bea nau tanaki ae toega kai bea fonu ai ae kato e fitu.

38 Bea ko kinautolu nae kai, koe tagata e toko fa afe, kaeumaa ae kau fefine moe tamaiki.

39 Bea fekau eia ae kakai ke nau alu, bea heka vaka ia o folau ki he botu o Makitala.