¶ 1 BEA ha‘u kiate  ia ae kau Falesi moe Satusi, o ahiahi‘i ia i he e nau holi ke ne fakaha kiate kinautolu ha fakailoga mei he lagi.

2 Bea lea ia, o beheage kiate kinautolu, Oka efiafi, oku mou behe, E afua he oku kulokula ae lagi.

3 Bea bogibogi ai, E alotamaki ae aho ni, he oku kulokula mo fetautaui ae lagi. Ae kau malualoi! oku mou faa ilo ki he mata oe lagi, ka e ikai te mou faa  ilo ae gaahi fakailoga oe kuoga  ni?

4 Koe toutagata agakovi mo feauaki oku kumi ae fakailoga; bea e ikai ha fakailoga e atu ki ai, ka koe fakailoga be oe balofita ko Jona. Bea tukuage eia akinautolu, kae alu.

5 Bea kuo hoko ene kau akoga ki he kau vai e taha, kuo galo iate kinautolu ke omi ae ma.

¶ 6 Bea behe e Jisu kiate kinautolu, Mou vakai telia ae mea fakatubu ae kau Falesi bea moe Satusi.

7 Bea naa nau fealeleaaki o behe, Koe mea i he ikai te tau omi ha ma.

8 Bea kuo ilo e Jisu, bea behe eia kiate kinautolu, Akimoutolu oku jii hoo mou tui, koeha oku mou fealeleaaki ai, i hoo mou tae omi ha ma?

9 Oku ikai te mou ilo, be manatu ki he foi ma e nima ki he toko nima afe, moe kato e fiha naa mou ave?

10 Be ki he foi ma e fitu ki he toko fa afe, moe kato e fiha naa mou ave?

11 Koeha oku ikai ai te mou ilo nae ikai  koe lea ki he ma a eku behe kiate kimoutolu, Mou vakai telia ae mea fakatubu ae kau Falesi bea moe Satusi?

12 Bea ne nau toki ilo nae ikai ko ene tala ke nau vakai telia ae mea fakatubu oe ma, ka koe akonaki ae kau Falesi moe kau Satusi.

¶ 13 Bea i he hoko a Jisu ki he botu o Sesalia i Filibai, nae fehui ia ki he ene kau akoga, o behe, Oku behe e he kakai be kohai au koe Foha oe tagata?

14 Bea nau behe,  Oku lea ae niihi, ko Jone koe Babitaiso; koe niihi, ko Ilaija; moe niihi, ko Jelemaia, be ha taha oe kau balofita.

15 Bea beheage eia kiate kinautolu, Ka oku behe ekimoutolu kohai au?

16 Bea lea a Saimone Bita, o beheage, Ko koe koe Kalaisi, koe Alo oe Otua moui.

17 Bea lea a Jisu, o beheage kiate ia, Saimone Bajona, oku ke monuia: he nae ikai fakaha ia kiate koe e he kakano moe toto, ka ko eku Tamai oku i he lagi.

18 Bea oku ou tala atu foki kiate koe, Ko Bita koe, bea teu laga hoku jiaji ki he maka ni; bea e ikai lava‘i ia e he gaahi mataba o hetesi.

19 Bea teu atu kiate koe ae ki oe buleaga oe lagi: bea koia kotoabe te ke nonoo i mamani, e nonoo ia i he lagi; bea koia te ke veteki i mamani, e veteki ia i he lagi.

20 Bea naa ne toki fekau ki he ene kau akoga, ke oua naa nau fakaha ki ha toko taha ko Jisu ia koe Kalaisi.

¶ 21 Bea talu mei he aho koia nae kamata fakaha ai e Jisu ki he ene kau akoga, e alu ia ki Jelusalema, bea ne kataki ae gaahi mea lahi i he kau mātua, moe kau taulaeiki lahi, moe kau tagata tohi, bea e tamate‘i ia, bea toe fokotuu i hono aho tolu.

22 Ka ka ave ia e Bita, o kamata valoki‘i ia, o behe, Ke mamao ia iate koe, Eiki: e ikai hoko eni kiate koe.

23 Ka nae tafoki ia, o ne behe kia Bita, Alu ki hoku tua, Setani: koe fakahala koe kiate au: he oku ikai te ke leleiia i he mea ae Otua, ka i he mea ae tagata.

¶ 24 Bea toki behe ai e Jisu ki he ene kau akoga, Kabau e muimui ha taha iate au, tuku ke ne liaki eia ia, bea too hake ene akau mafajia o muimui iate au.

25 He ko ia e kalofaki ene moui, e mole ia: bea ko ia e mole ene moui koeuhi ko au, te ne ma‘u ia.

26 He koeha hono aoga ki he tagata, o kabau te ne ma‘u a mamani kotoabe, kae mole ai hono laumalie oona; be koeha e foaki e ha tagata ke fetogi aki hono laumalie?

27 He koe Foha oe tagata e ha‘u ia i he nāunāu o ene Tamai mo ene kau agelo; bea te ne toki totogi ai ki he tagata kotoabe o fakatatau ki he ene gaue.

28 Ko eku tala mooni atu kiate kimoutolu, Oku tutuu ae niihi i heni, e ikai te nau kamata ae mate, kae oua ke nau vakai ki he Foha oe tagata oku ha‘u i hono buleaga.