¶ 1 HE oku tatau ae buleaga oe lagi moe tagata koe eiki oe fale, aia nae alu atu hegihegi be, ke uga ae kau gaue ki he ene goue vaine.

2 Bea kuo nau alea moe kau gaue koe aho moe tenali e taha, naa ne fekau akinautolu ki he ene goue vaine.

3 Bea alu atu ia i hono tolu oe feituulaa, o mamata ki he niihi oku tutuu noa ai be i he botu fakatau.

4 Bea behe eia kiate kinautolu, Alu akimoutolu foki ki he goue vaine, bea koia oku totonu, teu atu kiate kimoutolu. Bea nau alu.

5 Bea toe alu atu ia i hono ono mo hono hiva oe feituulaa, o ne  toe fai behe.

6 Bea i hono hogofulu ma taha oe feituulaa nae alu atu ia, o ne ilo ae niihi oku tutuu noa ai be, o ne behe kiate kinautolu, Koeha oku mou tutuu noa ai be i heni i he aho kotoa?

7 Bea nau behe kiate ia, Koeuhi kuo ikai uga akimautolu e ha taha. Bea behe eia kiate kinautolu, Alu akimoutolu foki ki he goue vaine; bea koia oku totonu, te mou ma‘u.

8 Bea kuo efiafi, bea behe e he eiki oe goue vaine ki he ene tauhi koloa, Ui ae kau gaue, o atu kiate kinautolu e nau totogi, o fua fai ki he mui mai o a‘u ki he muomua mai.

9 Bea ha‘u akinautolu  nae uga i hono hogofulu ma taha oe feituulaa, bea ma‘u taki taha e he tagata ae tenali.

10 Bea i he omi ae kau muomua mai, naa nau amanaki Ke ma‘u o lahi hake; ka nae ma‘u ekinautolu taki taha foki ae tenali.

11 Bea i he e nau ma‘u ia, naa nau lāuga ki he eiki oe fale,

12 O nau behe, Koe feituulaa be taha kuo gaue ai ae kau muimui mai ni, bea kuo ke fakatatau akinautolu kiate kimautolu kuo katekina ae gaue oe aho, mo hono bubuha.

13 Ka nae lea ia ki ho nau toko taha, o beheage, Kaiga, oku ikai teu fai hala kiate koe: ikai naa ta alea ki he tenali?

14 Too aia oku aau, bea ke alu: teu atu ki he mui mai ni, o hage be ko koe.

15 Ikai oku gofua kiate au ke fai eku faiteliha ki he mea aaku? Oku kovi ho mata, koeuhi oku ou agalelei?

16 Koia koe muimui e muomua, bea e muomua ae muimui: he oku ui ae toko lahi, ka oku fili ae toko jii.

¶ 17 Bea i he alu hake a Jisu ki Jelusalema, naa ne fakaafe ae kau akoga e toko hogofulu ma toko ua i he hala, o ne tala kiate kinautolu,

18 Vakai, oku tau alu hake ki Jelusalema; bea e lavaki‘i ae Foha oe tagata ki he kau taulaeiki lahi moe kau tagata tohi; bea te nau fakamāu ia ke mate;

19 Bea e tukuage ia ki he Jenitaile ke manuki‘i, mo haha, mo tutuki ki he akau: bea e tuu hake ia i hono aho tolu.

¶ 20 Bea ha‘u ai kiate ia ae fa‘e ae fānau a Sebeti mo ene ogo tama, o hu, mo ne holi ki he mea e taha meiate ia.

21 Bea behe eia kiate ia, Koeha ho loto? Bea behe mai eia kiate ia, Tuku ke nofo eku ogo tama ni, koe toko taha ki ho nima toomatau, moe toko taha ki ho toohema, i ho buleaga.

22 Kae nae leaage a Jisu, o behe, Oku ikai te mou ilo aia oku mou kole. Oku mou faa fai ke inu i he ibu teu inu ai, bea ke babitaiso i he babitaiso koia teu babitaiso ai? Bea na talaage kiate ia, Oku ma mafai be.

23 Bea beheage eia kiate kinaua, E inu mooni ekimoua i he eku ibu, bea babitaiso i he babitaiso koia teu babitaiso ai: ka koe nofo ki hoku nima toomatau, mo hoku toohema, oku ikai aaku ia ke foaki, ka kiate kinautolu be kuo teuteu ia ki ai e he eku Tamai.

24 Bea i he fanogo ki ai ae toko hogofulu, nae tubu ai e nau ita ki he ogo kaiga.

25 Ka nae ui akinautolu e Jisu, o ne behe, Oku mou ilo koe houeiki oe Jenitaile oku nau faa bule‘i akinautolu, bea ko kinautolu oku lahi oku nau faa bule malohi kiate kinautolu.

26 Ka e ikai behe iate kimoutolu: ka ko ia oku loto ke lahi iate kimoutolu, ke hoko ia ko ho mou tauhi.

27 Bea ko ia oku loto ke eiki iate kimoutolu, e hoko ia ko hoo mou tamaioeiki:

28 Io, o hage koe Foha oe tagata, nae ikai ha‘u ia ke tauhia ia, ka ke tauhi, bea ke foaki ene moui koe huhui oe toko lahi.

¶ 29 Bea i he e nau alu i Jeliko, nae muimui iate ia ae kakai toko lahi.

30 Bea vakai, nae nonofo ae ogo tagata kui i he vee hala, bea kuo na fanogo oku aluage a Jisu, naa na kalaga, o behe, E Eiki, Foha o Tevita, aloofa mai kiate kimaua.

31 Bea lolomi akinaua e he kakai, ke na fakalogobe: ka nae ajili ai e na tagi, o behe, E Eiki, Foha o Tevita, aloofa mai kiate kimaua.

32 Bea tuu mai a Jisu, o ui kiate kinaua, o behe, Koeha ho mo loto keu fai kiate kimoua?

33 Bea na talaage kiate ia, Eiki, ke a ho ma mata.

34 Bea aloofa a Jisu, o ne tuhu‘i ho na mata; bea a ai leva ho na mata, o na muimui iate ia.