¶ 1 BEA nae tataki a Jisu e he Laumalie ki he toafa ke ahiahi‘i ia e he tevolo.

2 Bea hili ene aukai i he aho e fagofulu moe bo e fagofulu, nae toki fiekaia ia.

3 Bea nae ha‘u ae ahiahi kiate ia, bea behe eia, Kabau koe Alo koe oe Otua, fekau ki he gaahi maka ni ke liliu koe ma.

4 Ka nae lea ia, o beheage, Kuo tohi, E ikai moui ae tagata i he ma be, ka i he folofola kotoabe oku ha‘u mei he Otua.

5 Bea toki o hake ia e he tevolo ki he kolo tabu, o tuku ia ki he tua fale lotu lahi,

6 O ne behe kiate ia, Kabau koe Alo koe oe Otua, fakato koe ki lalo: he kuo tohi, E fekau eia ene kau agelo ke nau vakai koe: bea e habahabai koe, telia naa touia ho va‘e i he maka.

7 Bea beheage e Jisu kiate ia, Kuo tohi foki, Oua naa ke ahiahi ki he Eiki ko ho Otua.

8 Bea toe o hake ia e he tevolo ki he mouga maoluga aubito, o ne fakaha kiate ia ae gaahi buleaga kotoabe o mamani, mo ho nau lelei;

9 O ne behe kiate ia, Teu atu ae gaahi mea ni kotoabe moou, o kabau te ke fakatomabee o hu kiate au.

10 Bea talaage e Jisu kiate ia, Ke ke alu i heni, Setani: he kuo tohi, Ke ke hu ki he Eiki ko ho Otua, bea ko ia be te ke tauhi.

11 Bea toki alu ae tevolo iate ia, bea iloage, kuo ha‘u ae kau agelo o tauhi ia.

¶ 12 Bea i he fanogo a Jisu kuo tuku a Jone ki he fale fakabobula, nae alu ia ki Kaleli;

13 Bea mahui ia mei Nasaleti, bea alu o nofo i Kabaneume, aia oku i he matā tahi, i he gataaga oe fonua o Sebulone mo Nafitalai:

14 Koeuhi ke fakamooni aia nae lea aki e he balofita ko Isaia, o behe,

15 Koe fonua o Sebulone, moe fonua o Nafitalai, i he botu ki tahi, i tua Joatani, ko Kaleli oe Jenitaile,

16 Koe kakai nae nofo i he bouli, kuo mamata ki he māma lahi; bea kuo tubu hake ae māma kiate kinautolu nae nofo i he telea moe ata oe mate.

¶ 17 Bea nae fua malaga a Jisu i he kuoga koia, o behe, Mou fakatomala, he oku ofi ae buleaga oe lagi.

¶ 18 Bea i he haele a Jisu o ofi ki he tahi o Kaleli, nae mamata ia ki he ogo kaiga, ko Saimone nae ui ko Bita, mo Anitelu ko hono tokoua, oku na lafo kubega ki tahi: he koe ogo toutai ika akinaua.

19 Bea behe eia kiate kinaua, Muimui iate au, bea teu gaohi akimoua koe toutai tagata.

20 Bea naa na liaki leva ho na kubega, o muimui iate ia.

21 Bea alu ia mei ai, bea ne mamata ki he ogo kaiga kehe, ko Jemesi koe  foha o Sebeti, mo Jone ko hono tokoua, i he vaka mo e na tamai ko Sebeti, o bena ho nau kubega; bea ne ui akinaua.

22 Bea naa na liaki leva ae vaka mo e na tamai, ka na muimui iate ia.

¶ 23 Bea alu a Jisu i he botu kotoabe o Kaleli, o akonaki i ho nau gaahi fale lotu, bea malaga aki ae ogoogolelei oe buleaga, o ne fakamoui ae mahaki kehekehe kotoabe, moe hagatamaki kotoabe nae i he kakai.

24 Bea mafola atu hono ogoogo i Silia kotoabe: bea nau omi kiate ia ae kakai mahaki kotoabe, nae tuia i he mahaki kehekehe moe gaahi feiga mamahi, moe niihi nae ulujino ai ae gaahi tevolo, mo kinautolu nae vale, mo kinautolu nae mahaki tete; bea ne fakamoui akinautolu.

25 Bea nae muimui iate ia ae kakai lahi aubito mei Kaleli, mo Tikabolusi, mo Jelusalema, mo Jutea, bea moe kau vai e taha o Joatani.