¶ 1 BEA naa ne fakaha kiate au ae vaitafe maa oe vai moui, asinisini o hage koe kilisitala, bea oku ha‘u mei he afioaga oe Otua moe Lami.

2 I he loto hala lahi o ia, bea i hono kau vai fakatouoji, nae i ai ae akau oe moui, nae tubu ai ae fua kehekehe e hogofulu ma ua, bea fua ia i he mahina kotoabe: bea ko hono louakau, koe mea fakamoui oe gaahi buleaga.

3 Bea e ikai kei ai ha malaia: he koe afioaga oe Otua moe Lami e tuu i ai; bea e tauhi ia e he ene kau tamaioeiki:

4 Bea te nau mamata ki hono fofoga; bea e i ho nau foi la‘e a hono huafa.

5 Bea e ikai i ai ha bo; bea oku ikai aoga ki ai ha māma, be koe ulo oe laa; he oku fakamāmagia akinautolu e he Eiki koe Otua: bea te nau bule o taegata bea taegata.

6 Bea nae behe mai eia kiate au, Oku totonu mo mooni ae gaahi lea ni: bea koe Eiki koe Otua oe kau balofita maonioni, kuo ne fekau ene agelo ke fakaha ki he ene kau tamaioeiki ae gaahi mea e tootoo a hono fai.

7 Vakai, oku ou ha‘u vave: oku monuia ia oku ne fai ae gaahi lea oe kikite oe tohi ni.

8 Bea ko au Jone, neu mamata mo fanogo ki he gaahi mea ni. Bea i he eku fanogo mo mamata, neu foohifo ke hu i he va‘e oe agelo naa ne fakaha kiate au ae gaahi mea ni.

9 Bea behe mai eia kiate au, Vakai ke oua: he ko hoo kauga tamaioeiki au, bea oku ou i ho kaiga koe kau balofita, bea o kinautolu oku nau fai ae gaahi lea oe tohi ni: hu ki he Otua.

10 Bea behe eia kiate au, Oua naa ke fakamau ae gaahi lea oe kikite i he tohi ni: he kuo ofi hono kuoga.

11 Ko ia oku taeagatonu, tuku ia ke taeagatonu ai be: bea ko ia oku uli, tuku ia ke uli ai be: bea ko ia oku agatonu, tuku ia ke agatonu ai be: bea ko ia oku maonioni, tuku ia ke maonioni ai be.

12 Bea vakai, oku ou ha‘u vave; bea oku iate au eku totogi, ke atu ki he kakai taki taha o fakatatau ki he ene gaue.

13 Ko au koe Alifa mo Omeka, koe kamataaga moe gataaga, koe uluaki moe ki mui.

14 Oku monuia akinautolu oku fai ene gaahi fekau, koeuhi ke gofua kiate kinautolu ae akau oe moui, bea nau hu i he gaahi mataba ki he kolo.

15 He oku ituaa ae faga kuli, moe kau fiemana, moe kau feauaki, moe kau takabo, moe kau tauhi tamabua, mo ia kotoabe oku ofa mo fakatubu loi.

16 Ko au Jisu, kuou fekau eku agelo ke fakaha atu kiate kimoutolu ae gaahi mea ni i he gaahi jiaji. Ko au koe aka moe hako o Tevita, bea koe fetuu gigila oe bogibogi.

17 Bea oku behe e he Laumalie moe taahine, Ha‘u. Bea ke behe mo ia oku ne fanogo, Ha‘u. Bea mo ia oku fieinua, ke ha‘u ia. Bea ko ia oku loto ki ai, ke ne too taetotogi eia ae vai oe moui.

18 He oku ou fakaha ki he kakai kotoabe oku fanogo ki he gaahi lea oe kikite i he tohi ni, Kabau e fakalahi e ha tagata ki he gaahi mea ni, e fakalahi e he Otua kiate ia i he gaahi malaia kuo tohi i he tohi ni:

19 Bea kabau e too e ha tagata mei he gaahi lea oe tohi oe kikite ni, e too e he Otua a hono inaji mei he tohi oe moui, bea mei he kolo maonioni, bea moe gaahi mea kuo tohi i he tohi ni.

20 Ko ia oku ne fakaha ae gaahi mea ni; oku behe eia, Koe mooni oku ou ha‘u vave; Emeni. Io, ke behe, Eiki Jisu, ke ke haele mai.

21 Koe aloofa a ho tau Eiki ko Jisu Kalaisi ke iate kimoutolu kotoabe. Emeni.