¶ 1 HE oku ou behe, Kuo jiaki e he Otua hono kakai? Ikai aubito. He koe Isileli foki au, mei he hako o Ebalahame, i he faahiga o Benijimani.

2 Kuo ikai jiaki e he Otua hono kakai naa ne muaki ilo. Ikai te mou ilo ae lea ae tohi kia Ilaija? a ene hanu ki he Otua koeuhi ko Isileli, o behe,

3 Eiki, kuo nau tamate‘i hoo kau balofita, bea nau holoki hifo a ho gaahi ejifeilaulau; bea oku ou toe toko taha be, bea oku nau kumi ki he eku moui.

4 Ka koeha ae folofola nae tali aki ia e he Otua? Kuou fakatoe kiate au ae kau tagata e toko fitu afe, kuo ikai te nau tuulutui kia Beali.

5 Bea koeni, oku behe foki i he kuoga ni, oku ai ae toega o fakatatau ki he fili i he ofa.

6 Bea kabau oku i he ofa, bea ta oku ikai kei i he gaahi gaue: ka ikai, bea oku ikai kei ofa ae ofa. Bea kabau oku i he gaahi gaue ia, behe, oku ikai kei i he ofa ia: ka ikai, ta oku ikai kei koe gaue ae gaue.

7 Ka koia bea ha? Kuo ikai lava‘i ia e Isileli aia ne ne kumi ki ai; ka kuo lava‘i ia e he kakai kuo fili, bea ko hono toe kuo fakafefeka,

8 (O hage koia kuo tohi, Kuo tuku e he Otua kiate kinautolu ae laumalie tulemohe, koe mata kae ikai te nau mamata, moe teliga kae ikai te nau fanogo;) o a‘u ki he aho ni.

9 Bea oku behe e Tevita, Ke hoko ho nau keinagaaga koe hele, moe tauhele, moe tūkiaaga, moe totogi, kiate kinautolu:

10 Tuku ke fakabouli ho nau mata, ke oua naa nau mamata, bea mabelu mau ai be ho nau tua.

11 Bea oku ou behe, Kuo nau tūkia ke nau matuaki higa? Ikai aubito: ka i he e nau fai hala  kuo hoko ae fakamoui ki he kakai Jenitaile, ke ue‘i akinautolu ki he fuaa.

12 Bea koeni, kabau koe nau fai hala koe fakakoloaia ia o mamani, bea ko ho nau fakamajiva‘i koe koloaia oe kakai Jenitaile; bea e fefe‘i ai oka nau ka mahu?

13 He oku ou lea kiate kimoutolu ae kakai Jenitaile, he koe abosetolo au oe kakai Jenitaile, bea oku ou fakaogolelei a eku gaue:

14 O kabau teu mafai i ha mea ke ue‘i ke fuaa akinautolu oku o hoku kakano, beau fakamoui ho nau niihi.

15 He kabau ko ho nau jiaki, koe fakalelei ia o mamani, bea koeha ho nau  toe ma‘u mai, ka koe moui mei he mate?

16 He kabau oku maonioni ae uluaki fua, oku behe foki mo hono kotoa: bea kabau oku maonioni ae tefito, oku behe moe gaahi vaa.

17 Bea kabau ne motuhi ae vaa niihi, bea kuo fakahoko koe kiate kinautolu, ka koe olive vao be koe, bea ke ma‘u ekoe fakataha mo kinautolu hono tefito mo hono huhua oe akau koe olive;

18 Oua naa ke bolebole ki he gaahi vaa. Bea ne ogo hoo bolebole, oku ikai ke moui ae tefito iate koe, ka ko koe i he tefito.

19 Bea te ke behe nai, Ne motuhi ae gaahi vaa, koeuhi kae fakahoko au.

20 Koe mooni; koe mea i he taetui nae motuhi akinautolu, bea oku ke tuu koe i he tui. Oua naa ke loto lahi, ka ke manavahe:

21 He kabau nae ikai mamae ae Otua ki he gaahi vaa totonu, vakai naa ikai te ne mamae kiate koe.

22 Koia vakai ki he agalelei moe houhau oe Otua: koe houhau kiate kinautolu nae higa; ka koe agalelei kiate koe, o kabau te ke tuu mau i he agalelei: ka ikai, bea e motuhi ai foki mo koe.

23 Bea ko kinautolu foki e fakahoko, o kabau e ikai te nau nofo mau i he taetui, he oku faa fai e he Otua ke toe fakahoko akinautolu.

24 He kabau nae tutuu koe mei he akau koe olive aia ko hono aga ke tubu vao be, bea fakahoko koe ki he olive lelei kae ikai tatau mo hono aga: e ikai faigofua hake ae fakahoko oe gaahi vaa mooni ki ho nau olive o nautolu?

25 He oku ikai teu loto, e kaiga, ke mou taeilo ae mea lilo ni, telia naa mou fielahi iate kimoutolu; kuo fakakui ae niihi o Isileli, kae oua ke hokojia hono fakakatoa mai oe kakai Jenitaile.

26 Bea e fakamoui a Isileli kotoabe: o hage koia kuo tohi, E ha‘u mei Saione ae Fakamoui, bea e fakafoki eia ae agahala mei a Jekobe:

27 He ko eku fuakava eni mo kinautolu, okau ka ave e nau gaahi agahala.

28 Koe gaahi fili akinautolu ki he ogoogolelei, kae aoga kiate kimoutolu: ka koe mea i he fili, kuo ofeina akinautolu koeuhi koe gaahi tamai.

29 He koe gaahi foaki moe ui ae Otua, oku ikai ha fakatomala ki ai.

30 He oku hage ko kimoutolu i mua, nae ikai te mou talagofua ki he Otua, ka ko eni kuo mou ma‘u ae aloofa koe mea i he e nau talagataa:

31 Oku behe foki, oku ikai eni ke talagofua akinautolu ni, ka, koe mea i he aloofa kiate kimoutolu, te nau lava‘i foki ae aloofa.

32 He kuo tuku e he Otua ke moua akinautolu kotoabe ki he talagataa, koeuhi ka ne aloofa ki ai kotoabe.

33 Oiaue! hono loloto oe koloaia ae boto moe ilo ae Otua! oku tae faa eke a ene gaahi tuutuuni, bea tae faa iloa mo hono gaahi aluaga!

34 He kohai kuo ne ilo ae finagalo oe Eiki? be kohai kuo akonaki‘i kiate ia?

35 Bea kohai ne tomua foaki kiate ia, bea e toe totogi ia kiate ia?

36 He  oku tubuga meiate ia, bea  oku mau be iate ia, bea  e iku kiate ia, ae gaahi mea kotoabe: aia ke i ai ae fakaabaaba o taegata. Emeni.