¶ 1 BEA ka kuo behe, bea koeha ae lelei lahi oku i he Jiu? be koeha hono aoga oe kamu?

2 Oku lahi i he mea kotoabe: kae lahi taha be koeuhi koe tuku kiate kinautolu ae gaahi folofola ae Otua.

3 Ka koeha, o kabau nae ai ha niihi nae ikai tui? e fakataeaoga e he e nau taetui ae mooni ae Otua?

4 E ikai aubito: io, ke mooni ae Otua, kae loi ae tagata kotoabe; o hage koia kuo tohi, Koeuhi ke ke tonuhia i hoo gaahi tala, bea koeuhi ke ke maonioni oka ke ka fakamāu.

5 Bea kabau oku ha ae maonioni ae Otua i he e tau taemaonioni, te tau behe koeha? Oku taeagatonu ae Otua i he ene houhau? (Oku ou lea o hage koe tagata.)

6 Ikai aubito: he ka ne behe e fefe hono fakamāu e he Otua a mamani?

7 He kabau kuo tubulekina o lahi ae mooni ae Otua, ke ogoogo lelei ia i he eku loi; bea koeha oku kei fakamāu ai au koe agahala?

8 Bea  koeha oku ikai ai  ke behe mu‘a, (o hage ko hono lohiaki‘i akimautolu, bea hage ko hono fakababau ia e he niihi oku mau lea  o behe) , Ke tau fai kovi, kae tubu ai ha lelei? ko ho nau fakamalaia koe mea totonu.

9 Bea fefe ai? oku lelei lahi hake akitautolu? Oku ikai aubito: he kuo oji e mau fakamooni oku fakatou moulaloa kotoabe ki he agahala, ae kakai Jiu moe kakai Jenitaile;

10 O hage koia kuo tohi, Oku ikai ha toko taha oku maonioni, oku ikai aubito ha taha:

11 Oku ikai ha taha oku ne ilo‘i, oku ikai ha taha oku kumi ki he Otua.

12 Kuo nau he kotoabe, kuo nau hoko o taeaoga kotoabe; oku ikai ha toko taha oku fai lelei, oku ikai aubito ha taha,

13 Ko ho nau kia koe fonualoto kuo matagaki; kuo nau fai fakakākā aki ho nau elelo; koe mea kona oe gata fekai oku i lalo i ho nau lougutu:

14 Oku bito ho nau gutu i he kabe-kabe moe lea fakamahu:

15 Ko ho nau va‘e oku vave ke liligi toto:

16 Oku i ho nau gaahi hala ae fakaauha moe malaia:

17 Bea koe hala oe melino oku ikai te nau ilo‘i:

18 Bea oku ikai ha manavahe ki he Otua i ho nau ao.

19 Koeni, oku tau ilo koia kotoabe oku fakaha i he fono, oku fakaha ia kiate kinautolu oku moulaloa ki he fono: koeuhi ke mabuni ae gutu kotoabe, kae nofo a mamani kotoabe kuo halaia i he ao oe Otua.

20 Koia e ikai fakatonuhia‘i ha toko taha i hono ao e he gaahi gaue oe fono: he oku mei he fono ae ilo‘i oe agahala.

21 Ka koeni, oku fakaha ae fakatonuhia‘i e he Otua i he tae kau ae fono, bea oku fakamooni ia e he fono moe kau balofita;

22 Io, ae fakatonuhia‘i e he Otua aia oku i he tui kia Jisu Kalaisi kiate kinautolu kotoabe bea iate kinautolu kotoabe oku tui: he oku ikai ha fai kehekehe:

23 He kuo fai agahala kotoabe, bea tomui i he fakamalo mei he Otua.

24 Bea oku fakatonuhia‘i koe ofa mataataatā be i he ene aloofa, koeuhi koe totogi huhui aia oku ia Kalaisi Jisu:

25 Aia kuo fakaha atu e he Otua koe feilaulau fakalelei ia, i he tui ki hono taataa, koeuhi ke fakaha ene maonioni i he fakamolemole oe agahala kuo fai, koe mea i he faa kataki ae Otua;

26 Ke fakaha i he kuoga ni a ene maonioni: koeuhi ke agatonu be ia, ka koe fakatonuhia ia o ia oku tui kia Jisu.

27 Bea ka kuo behe, bea kofaa ae bole? Kuo kabuji ia. E he fono fe? oe gaahi gaue? Ikai aubito: ka e he fono oe tui.

28 Koia oku mau tuku bau eni, oku fakatonuhia‘i ae tagata e he tui, o tae kau ai ae gaahi gaue ae fono.

29 Koe Otua ia oe kakai Jiu be? bea ikai oe kakai Jenitaile foki? Io, oe kakai Jenitaile foki:

30 He koe Otua be taha, aia oku ne fakatonuhia‘i ae kamu e he tui, moe taekamu i he tui.

31 Bea oku tau fakataeaoga‘i koa ae fono i he tui? E ikai aubito: ka oku mau fakatuu mau ae fono.