¶ 1 BEA nae hoko o behe, lolotoga ae nofo a Tevita i hono fale, nae behe e Tevita kia Natani koe balofita, Vakai, oku ou nofo au i ha fale sita, ka oku nofo ae buha oe fuakava a Jihova i he lalo buibui  be.

2 Bea nae toki behe e Natani kia Tevita, Ke ke fai ae mea kotoabe oku i ho loto; he oku kau ae Otua kiate koe.

3 Bea nae hoko o behe, i he bo be koia, nae hoko mai ae folofola ae Otua kia Natani, o behe,

4 Alu, o fakaha kia Tevita ko eku tamaioeiki, Oku behe e Jihova, E ikai te ke laga ha fale kiate au keu nofo ai:

5 He kuo ikai teu nofo i ha fale talu mei he aho naaku omi ai a Isileli o a‘u mai ki he aho ni; ka kuou fealuaki i he gaahi fale fehikitaki, bea moe fale fakaaunofo.

6 I he botu kotoabe kuou alu ki ai mo Isileli katoa, kuou lea fakajiijii ki ha toko taha i he kau fakamāu o Isileli, akinautolu naaku fekau‘i he fafaga‘i a hoku kakai, o behe, Koeha oku ikai ai te mou laga mooku ha fale sita?

7 Koia foki, te ke lea o behe ki he eku tamaioeiki ko Tevita, Oku behe e Jihova oe gaahi toko lahi, naaku too mai koe mei he nofoaga oe faga sibi, mei he muimui ki he faga sibi, koeuhi ke ke bule ki hoku kakai Isileli:

8 Bea kuou iate koe i he botu fulibe kuo ke alu ki ai, bea kuou motuhi a ho gaahi fili kotoabe mei ho ao, bea kuou gaohi moou ha higoa ke tatau moe higoa oe kakai ogoogo lahi aia oku i mamani.

9 Bea teu vahe‘i foki ha botu ma a hoku kakai Isileli, bea teu to akinautolu, bea te nau nofo i ho nau botu, bea e ikai toe hiki akinautolu; bea e ikai toe maumau‘i akinautolu e he fānau oe agakovi, o hage koia nae fai i he kamataaga,

10 Bea talu mei he kuoga koia naaku fekau‘i ae kau fakamāu ke bule ki hoku kakai Isileli. Ka teu fakamoulaloa foki a ho gaahi fili kotoabe. Bea oku ou tala foki kiate koe e laga hake ho fale oou e Jihova.

11 Bea e hoko o behe, oka ojiage a ho gaahi aho bea ke alu ai ki ho gaahi tamai, teu fokotuu ho hako amui iate koe, akinautolu e tubu mei ho gaahi foha; bea teu fokotuu mau a hono buleaga.

12 Te ne laga eia ha fale mooku, bea teu fokotuu mau a hono nofoa fakatu‘i ke taegata.

13 Teu hoko ko ene tamai, bea te ne hoko ia ko hoku foha: bea e ikai teu ave a eku aloofa meiate ia, o hage ko eku ave ia meiate ia nae mua iate koe:

14 Ka teu fokotuu mau ia i hoku fale bea i hoku buleaga o taegata: bea e fokotuu mau a hono nofoa fakatu‘i o taegata.

15 Bea nae fai ae lea a Natani kia Tevita o tatau moe gaahi lea ni kotoabe, bea tatau moe mea ha mai ni kotoabe.

¶ 16 Bea nae ha‘u a Tevita koe tu‘i o ne nofo i he ao o Jihova, o ne behe, Kohai au, E Jihova koe Otua, bea koeha a hoku fale ooku, kuo ke omi ai au o a‘u mai ki heni?

17 Ka koe mea jii eni ki ho fofoga, e Otua; he kuo ke folofola ki he fale o hoo tamaioeiki ki ha kuoga fuoloa aubito e ha‘u, bea kuo ke fai kiate au, e Jihova koe Otua, o hage ko ha tagata oku eiki lahi.

18 Koeha ha toe lea e faa fai e Tevita ma ae ogoogolelei o hoo tamaioeiki? he oku ke ilo ekoe a hoo tamaioeiki.

19 E Jihova, koeuhi ko hoo tamaioeiki, bea o hage ko ho finagalo be oou, kuo ke fai ae mea lahi ni kotoabe, i hoo fakaha mai ae gaahi mea lahi ni.

20 E Jihova, oku ikai ha taha oku tatau mo koe, bea oku ikai ha Otua ka ko koe be, o hage koia kotoabe kuo fanogo ki ai a ho mau teliga.

21 Bea kofaaia ha buleaga e taha i mamani kuo tatau mo hoo kakai Isileli, aia nae alu ai ae Otua ke huhui ko hono kakai oona, ke gaohi koe koe higoa lahi mo fakamanavahe ia, koe mea i he ene kabuji atu ae gaahi buleaga mei he ao o hoo kakai, akinautolu kuo ke huhui mai mei Ijibite?

22 He naa ke gaohi a hoo kakai Isileli, ko ho kakai oou ke taegata; bea ko koe, E Jihova, naa ke hoko ko ho nau Otua.

23 Koia foki, E Jihova, tuku ae mea kuo ke folofola aki ki hoo tamaioeiki, bea mo hono fale, ke fokotuu mau o taegata, bea ke fai o hage ko hoo folofola.

24 Io, tuku ke fokotuu mau ia, koeuhi ke fakahikihiki‘i a ho huafa o taegata, o behe, Ko Jihova oe gaahi toko lahi koe Otua ia o Isileli, io koe Otua ki Isileli: bea ke fokotuu mau i ho ao ae fale o Tevita ko hoo tamaioeiki.

25 He ko koe, E hoku Otua, kuo ke fakaha ki hoo tamaioeiki te ke laga ha fale moona: koia kuo loto ai a hoo tamaioeiki ke lotu i ho ao.

26 Bea koeni, E Jihova, ko koe koe Otua, bea kuo ke talaofa aki ae lelei ni ki hoo tamaioeiki:

27 Koia foki, ofa ke ke tabuaki ae fale o hoo tamaioeiki, koeuhi ke i ho ao ia mau ai be; he oku ke fai hono tabuaki‘i ekoe, E Jihova, bea e monuia ia o taegata.