¶ 1 KOE lotu a Habakuki koe balofita i he Sikaiona.

2 E Jihova, kuou fanogo ki hoo folofola, bea neu manavahe: E Jihova, fakaakeake hoo gaue i he lotolotoga oe gaahi ta‘u, fakaha ia i he lotolotoga oe gaahi ta‘u; i he houhau, manatu ki he aloofa.

¶ 3 Nae haele mai ae Otua mei Timani moe Toko Taha Maonioni mei he mouga ko Balani. Sila. Nae ufiufi ae gaahi lagi e hono nāunāu, bea nae fonu a mamani i hono fakamalo.

4 Bea nae malama ia o hage koe māma; nae alu atu ae māma ulo mei hono nima: bea nae i ai ae fakafufu o ene mafimafi.

5 Nae alu atu i hono ao ae mahaki fakaauha bea nae alu atu i hono va‘e ae maka fefie oku vela.

6 Nae tuu ia, o fuofua ae fonua: naa ne afio‘i, mo fakamovetevete ae gaahi buleaga; nae fakamovetevete ae gaahi mouga taegata, nae ofe‘i hifo ae gaahi tafugofuga tuu mau: oku taegata a hono gaahi aluaga.

7 Naaku mamata oku i he mamahi ae gaahi fale fehikitaki o Kusani: bea nae tetetete ae gaahi buibui oe fonua ko Mitiane.

8 Nae mamahi a Jihova ki he gaahi vaitafe? naa ke houhau ki he gaahi vaitafe? nae i he tahi a ho tubutamaki, koeuhi naa ke heka ai i hoo faga hosi, mo hoo gaahi saliote oe fakamoui?

9 Nae too o teke a hoo kaufana, o fakatatau moe gaahi fuakava ki he gaahi faahiga, io, ko hoo folofola. Sila. Naa ke fahifahi aki ae fonua ae gaahi vaitafe.

10 Nae mamata kiate koe ae gaahi mouga, bea nau tetetete ai: nae alu atu ae fetafeaki oe vai: nae fakaha e he moana a hono le‘o, bea hiki hake hono nima ki oluga.

11 Nae tuu mau ae laa, moe mahina i ho na nofoaga: nae alu atu hoo gaahi gahau i ho na māma, bea i he ulo ho tao gigila.

12 Naa ke haele atu i he fonua, i he tubutamaki, naa ke haha ae hiteni i ho houhau.

13 Naa ke mea atu koeuhi koe fakamoui o hoo kakai, io, koeuhi koe fakamoui o hoo kau bani: naa ke ta‘i ae ulu i he fale oe agakovi, naa ke fakaauha hono tuuga, o a‘u ki he maka. Sila.

14 Naa ke hoka‘i ae ulu o ene kau tau, mei hono gaahi faahiga: nae ha‘u akinautolu o hage koe ahiohio ke fakamovete au: koe nau fiefiaaga ia, ke keina ae majiva i he fufu.

15 Naa ke haele atu mo hoo faga hose i he tahi, i he fokotuuga oe gaahi vai lahi.

16 I he eku fanogo ki ho le‘o, nae galulu hoku fatu; nae tetetete hoku gutu i ho le‘o: nae hu ae bobo ki hoku gaahi hui, beau tetetete iate au; ka teu mālōlō i he aho oe mamahi: oka hoko hake ia ki he kakai, te ne hoko mo ene gaahi kau tau, kiate kinautolu.

¶ 17 Ne ogo ene ikai fiji ae akau koe fiki, bea e ikai ha fua i he gaahi vaine; bea kovi ae tubu oe olive, bea e ikai i he gaahi goue ha meakai; bea e motuhi ae faga sibi mei he lotoa, bea e ikai ha faga manu i he gaahi tuuga:

18 Ka ne ogo ia teu fiefia ia Jihova, beau nekeneka i he Otua o hoku fakamoui.

19 Ko eku malohi a Jihova koe Otua, bea te ne gaohi hoku va‘e ke hage koe va‘e oe hainite, bea te ne bule beu eveeva i hoku gaahi botu maoluga. Ki he eku takimua oe faji hiva i he Nekina.