Koe Tohi ae Balofita ko Hakeai

¶ 1 HONO ua oe ta‘u o Talaiasi koe tu‘i, i hono ono oe mahina, i he uluaki aho oe mahina, nae hoko ai ae folofola a Jihova, ia Hakeai koe balofita, kia Selubebeli koe foha o Sialiteli, koe bule o Juta, bea kia Josiua koe foha o Josataki, koe taulaeiki, o behe,

2 Oku folofola e Jihova oe gaahi kau tau o behe, Oku lea, e he kakai ni, oku heeki ke hoko ae kuoga, ae kuoga ke laga ai ae fale o Jihova.

3 Bea nae toki hoko ae folofola a Jihova ia Hakeai koe balofita, o behe.

4 Koe kuoga koa eni kiate kimoutolu, akimou olu ae kakai, ke nonofo i ho mou gaahi fale kuo aofi, ka e tuku jiaki ae fale ni?

5 Bea koia oku behe e Jihova oe gaahi kau tau: Fakakaukau ki ho mou gaahi aluaga.

6 Kuo lahi hoo mou tūtū‘i, kae jii ae utu; oku mou kai, ka oku ikai te mou makona; oku mou inu, ka oku ikai te mou fiu i he inu; oku mou fakakofu‘i akimoutolu, ka oku ikai ha taha oku mafana; bea koia oku ma‘u totogi, oku ma‘u totogi ke ne ai ia ki he kato ava.

¶ 7 Oku behe e Jihova oe gaahi kau tau; Fakakaukau ki ho mou gaahi aluaga.

8 Alu hake ki he mouga, bea omi ae akau, bea laga ae fale; bea teu fiemalie ki ai, bea e fakaogolelei au, oku behe e Jihova.

9 Naa mou jio ki ha mea lahi, bea vakai oku jii; bea i hoo mou omi ia ki abi, naaku ifi ki ai. Oku behe e Jihova oe gaahi kau tau, Koeha? Koeuhi ko hoku fale aia kuo lala, bea oku mou lele taki taha ki hono fale oona.

10 Koia kuo taofi ai ae lagi i oluga iate kimoutolu mei he hahau, bea kuo taofi ae fonua mei hono fua.

11 Bea naaku ui ae laaina ki he fonua, bea ki he gaahi mouga, bea ki he uite, bea ki he uaine foou, bea ki he lolo, bea ki he mea aia oku tubu hake mei he kelekele, bea ki he kakai, bea ki he faga manu, bea ki he gaahi gaue kotoabe oe nima.

¶ 12 Bea ko Selubebeli koe foha o Sialiteli, mo Josiua koe foha o Josataki, koe taulaeiki lahi, moe toega kotoabe oe kakai, nae talagofua ki he le‘o o Jihova, ko ho nau Otua, moe gaahi lea a Hakeai koe balofita, o hage koia kuo fekau‘i ai ia e Jihova, ko ho nau Otua, bea nae manavahe ae kakai i he ao o Jihova.

13 Bea nae toki lea a Hakeai koe talafekau a Jihova, i he fekau a Jihova ki he kakai, o behe, Oku ou iate kimoutolu, oku behe e Jihova.

¶ 14 Bea nae ue‘i e Jihova ae laumalie o Selubebeli koe foha o Sialiteli, koe bule o Juta, moe laumalie o Josiua koe foha o Josataki, koe taulaeiki lahi moe laumalie he toega kotoabe oe kakai; bea naa nau ha‘u o gaue i oe fale o Jihova oe gaahi kau tau, ko ho nau Otua,

15 I hono uofulu ma fa oe aho, i hono ono oe mahina, i hono ua oe ta‘u o Talaiasi koe tu‘i.