¶ 1 OUA naa ke bolebole ki he abogibogi; he oku ikai jii te ke faa ilo ae mea e hoko i ha aho.

2 Tuku ke fakamalo kiate koe e ha tagata kehe, ka e ikai i ho gutu oou be; koe taha kehe, ka e ikai i ho lougutu oou.

3 Oku mamafa ae maka, bea koe mea mamafa moe oneone, ka koe ita ae vale oku mamafa hake ia i ai.

4 Oku fakamalohi ae houhau, bea koe mea fakalili ae ita; ka kohai oku faa kataki‘i ae fuaa?

5 Oku lelei hake ae valoki oku fai fakaha i he ofa oku fakalilolilo.

6 Koe lavea mei he kaiga koe agatonu ia; ka koe gaahi uma mei ha fili koe kākā ia.

7 Oku fehia aia oku makona ki he geeji oe honi; ka oku hua melie ae mea kona kotoabe kiate ia oku fiekaia.

8 Oku tatau moe manu buna kuo he mei hono bunuga, ae tagata koia kuo he mei hono nofoaga.

9 Oku fakafiefia‘i ae loto aki ae lolo tākai moe mea namu kakala: oku behe ae lelei oe kaiga ki ha tagata, koe mea i he akonaki‘i oku fai mei he loto.

10 Oua naa ke jiaki ho kaiga oou, be koe kaiga o hoo tamai; bea oua naa ke alu ki he fale o ho tokoua i he aho o hoo mamahi: he oku lelei hake ho kaugaabi be oku ofi, i ho tokoua ka oku ne mamao.

11 E hoku foha, ke ke boto koe, bea ke fakafiefia‘i hoku loto, koeuhi keu faa tali ia aia oku manuki kiate au.

12 Oku jio mamao atu ae tagata fakabotoboto ki he kovi, o ne fufu ia mei ai: ka oku mole atu be ae vale, bea tautea ia.

13 Ke too be ae kofu oona oku togia ha taha oku ikai ilo‘i, bea ke ma‘u mei ai ae tuku baaga koe lagomaki‘i oe fefine muli.

14 Ko ia oku fakamalo le‘o lahi ki hono kaiga i he ene tuu hake kei hegihegi, e lau ia koe fakamalaia kiate ia.

15 Koe to mau be ae uha i he aho oe uha lahi oku na tatau moe fefine oku faa ke.

16 Ko ia oku ne fakafufu ia oku tatau mo ene fakafufu ae matagi, be koe mea nanamu i hono nima toomatau aia oku fakaha ia.

17 Oku fakamajila e he ukamea ae ukamea; oku behe ae fakalelei e he tagata ae mata o hono kaiga.

18 Ko ia oku faa tauhi ki he akau koe fiki te ne kai eia hono fua: bea behe foki, ko ia oku tauhi ki he ene eiki e hakeaki‘i ia.

19 Hage koe jioata ae mata ki he mata i he vai, oku behe ae loto oe tagata ki he tagata.

20 Oku ikai ke bito a hetesi moe fakaauha; be behe, oku ikai aubito ke fiemalie ae mata oe tagata.

21 Hage koe kulo fakamaa ki he siliva moe afi kakaha ki he koula; oku behe, oku ilo‘i ae tagata mei hono ogoogo.

22 Naa mo hoo fakavolu ha vale i he momojiaga fakataha moe uite aki ae mea momoji, e ikai mahui ene vale meiate ia.

23 Ke ke tokaga lahi ke ilo‘i be oku fefe hoo faga sibi, bea vakai lahi ki hoo faga manu kehekehe.

24 He oku ikai tolog mau ai be ae koloa: bea oku tologa koe ae tatā  fakatu‘i ki he toutagata kotoabe?

25 Oku ha mai ae mohuku momoa, moe mujie toki tubu oku ha mai ia, bea oku tanaki ae akau iki oe gaahi mouga.

26 Oku ai ae faga lami koeuhi ke ke ma‘u ho kofu, bea moe faga koji koe otogi ia o hoo goue.

27 Bea e lahi ae hua koji ki hoo kai, moe kai a hoo kau nofoaga, bea ke moui ai a hoo kau kaunaga.