1 Ha haʼékuri opa Enoc ára cuatrocientos treinta áño.

2 Ha ojehu Matusalén, Enoc raʼy, ndojegueraháikuri, oñekumpli hag̃ua Ñandejára konveniokuéra, haʼe ojapovaʼekue Enoc-pe; añetehápe haʼe ojapógui konvénio Enoc-ndi, Noé outaha iñemoñare lómogui.

3 Ha ojehu Matusalén oprofetisa peteĩ umi ilómogui heñoitaha opa yvy arigua rréino (Noé rupive), ha ojapyhy glória ijupe g̃uarã.

4 Ha ou yvy ári ñembyahýi vai, ha Ñandejára omoñeʼẽngái pe yvy ñeʼẽngái vaiete reheve, ha heta upépe oikóva omano.

5 Ha ojehu Matusalén oikove ciento ochenta y siete áño, ha omoheñói Lamec-pe;

6 Ha Matusalén oikove, Lamec-pe omoheñói rire, setecientos ochenta y dos áño, ha omoheñói taʼýra ha tajyrakuéra;

7 Ha opa Matusalén ára haʼékuri novecientos sesenta y nueve áño ha omano.

8 Ha Lamec oikove ciento ochenta y dos áño, ha omoheñói peteĩ taʼýra,

9 Ha ombohéra chupe Noé, heʼívo: Ko taʼýra ñanemoangapyhýta ñane rembiaporãme ha ñande po rembiapópe, pe yvy Ñandejára omoñeʼẽngaivaʼekuére.

10 Ha oikókuri Lamec, Noé omoheñói rire, quinientos noventa y cinco áño, ha omoheñói taʼýra ha tajyrakuéra;

11 Ha opa Lamec ára haʼékuri setecientos setenta y siete áño ha omano.

12 Ha Noé orekókuri cuatrocientos cincuenta áño ha omoheñói Jafet-pe; ha cuarenta y dos áño upe rire, haʼe omoheñói Sem-pe, upe haʼévakuri Jafet sy, ha kiniénto ánope, omoheñói Cam-pe.

13 Ha Noé ha itaʼyrakuéra ohendúkuri Ñandejárape, ha iñeʼẽrendu, ha oñehenói hikuái Tupã raʼykuéra.

14 Ha koʼã kuimbaʼe oñepyrũvo oñemboheta yvy ape ári, ha heñói chupekuéra tajyrakuéra, yvypóra raʼykuéra ohechákuri koʼã tajýra iporãha, ha ojapyhy ijupe g̃uarã tembireko, jepeve oiporavoháicha hikuái.

15 Ha Ñandejára heʼi Noé-pe: Nde raʼy raʼykuéra oñevendékuri; upévare, péina ápe hendy che pochy yvypóra raʼykuérare, nohenduséigui hikuái che ñeʼẽpu.

16 Ha ojehu Noé oprofetisa ha omboʼe Tupã mbaʼekuéra, jepeve iñepyrũmbypeguáicha.

17 Ha Ñandejára heʼi Noé-pe: Che Espíritu noñorairõmoʼãi tapiaite yvypóra ndive, haʼe oikuaavaʼerãgui opa tete omanotaha; upevére, hiʼarakuéra haʼéta ciento veinte áño, ha tekovekuéra noñearrenpentíriramo, Che amboúta umi amaguasu hiʼarikuéra.

18 Ha umi árape oĩvaʼekue umi heteguasúva upe yvy ári, ha oheka hikuái Noé-me oipeʼa hag̃ua chugui hekove; ha katu Ñandejára oikókuri Noé ndive, ha Ñandejára pokatu oĩkuri hendive.

19 Ha Ñandejára oʼordena Noé-pe hiʼorden teepeguáicha, ha omanda chupe osẽ hag̃ua omombeʼu Iñevanhélio yvypóra raʼykuérape, oñemeʼẽ haguéicha Enoc-pe.

20 Ha ojehu Noé ohenói yvypóra raʼykuérape oñearrepenti hag̃ua; ha katu nohendúi hikuái umi iñeʼẽ;

21 Ha avei, ohendu rire chupe, ou hikuái hendondépe, heʼívo: Péina ápe, ore haʼe Tupã raʼy; ndorojapyhýi piko ore mbaʼerã yvypóra rajykuérape? Ndorokarúipa, noromboyʼúipa ha noromendáipa, ha noroñemeʼẽipa hína ñemendápe? Ore rembirekokuéra omeʼẽ oréve mitã, ha koʼãva kuimbaʼe ipuʼakapáva, ymaguare kuimbaʼekuéraicha, yvypóra herakuãporãva. Ha naiñeʼẽrendúi hikuái Noé ñeʼẽnguérare.

22 Ha Tupã ohechákuri tuichaha yvypóra raʼykuéra rekoñaña yvy ári; ha opa tekove oñembovu opensávo ipyʼa oipotávare, ojapo memévonte ivaíva.

23 Ha ojehu Noé omboʼevénte tavayguakuérape, heʼívo: Pejapysaka ha pehendu che ñeʼẽnguéra;

24 Peguerovia ha peñearrepenti umi pene angaipágui, ha peñemongarai Jesucristo rérape, Tupã Raʼy, jepeve ñande rukuéraicha, ha pehupytýta Espíritu Santo, opa mbaʼe ojehechauka hag̃ua peẽme; ha kóva ndapejapóiramo, oúta umi amaguasu pende ári; upevére, nohendúi hikuái.

25 Ha ombyasy Noé, ha ojejopy ikorasõ Ñandejára ojapohague yvypórape yvy ári, ha ndovyʼái ikorasõme.

26 Ha Ñandejára heʼíkuri: Che ahundíta yvypóra Che ajapovaʼekue yvy ape ári, yvypóra ha mymba, ha umi otyryrýva, ha guyrakuéra yvytugua; ombyasýgui Noé Che apopyha umíva, ha Che ajapohague chupekuéra; ha haʼe cherenóikuri; oipeʼaségui hikuái chugui hekove.

27 Ha upéicha Noé ojuhúkuri grásia Tupã resa renondépe; Noé haʼéguikuri peteĩ kuimbaʼe ijojáva, ha oñemoporãmbáva iñemoñarépe; ha haʼe oguatákuri Tupãndi, ha upéicha avei mbohapyve itaʼýra, Sem, Cam ha Jafet.

28 Pe yvy oñembyaipákuri Tupã renondépe, ha henyhẽ violénsiagui.

29 Ha Tupã omaña yvýre, ha, péina ápe, oñembyaipaitékuri, opa tete ombyaipágui hape yvy ári.

30 Ha Tupã heʼi Noé-pe: Og̃uahẽma chéve g̃uarã opa tete ñembopaha, pe yvy henyhẽgui ñerairõgui, ha péina ápe, Che ahundíta opa tete yvy árigui.