ໂມເຊ

ພຣະຄຳພີ

ໄຂ່ມຸກອັນລ້ຳຄ່າ

ສາລະບານ
ໜ້າວິເຄາະສະບັບ
ຄຳນຳ
ໂມເຊ
ອັບຣາຮາມ
ໂຈເຊັບ ສະມິດ—ມັດທາຍ
ໂຈເຊັບ ສະມິດ—ປະຫວັດ
ຫລັກແຫ່ງຄວາມເຊື່ອ

ໂມເຊ

ບົດທີ 1
ພຣະເຈົ້າເປີດເຜີຍພຣະອົງເອງຕໍ່ໂມເຊ—ໂມເຊຖືກປ່ຽນສະພາບ—ເພິ່ນປະເຊີນກັບຊາຕານ—ໂມເຊເຫັນໂລກຢ່າງຫລວງຫລາຍທີ່ມີຜູ້ຄົນອາໄສຢູ່—ພຣະບຸດສ້າງໂລກຕ່າງໆຈົນນັບບໍ່ຖ້ວນ—ວຽກງານ ແລະ ລັດສະໝີພາບຂອງພຣະເຈົ້າຄືການກໍ່ໃຫ້ເກີດຄວາມເປັນອະມະຕະ ແລະ ຊີວິດນິລັນດອນຂອງມະນຸດ.
ບົດທີ 2
ພຣະເຈົ້າສ້າງຟ້າສະຫວັນ ແລະ ແຜ່ນດິນໂລກ—ສິ່ງທີ່ມີຊີວິດທຸກຮູບແບບໄດ້ຖືກສ້າງຂຶ້ນ—ພຣະເຈົ້າສ້າງມະນຸດ ແລະ ມອບສິດຄອບຄອງທຸກສິ່ງທັງປວງໃຫ້ແກ່ລາວ.
ບົດທີ 3
ພຣະເຈົ້າສ້າງທຸກສິ່ງທັງປວງທາງວິນຍານກ່ອນມັນຈະເປັນຢູ່ທາງທຳມະຊາດຢູ່ເທິງແຜ່ນດິນໂລກ—ພຣະອົງສ້າງຜູ້ຊາຍ, ເນື້ອໜັງຄົນທຳອິດ, ຢູ່ເທິງແຜ່ນດິນໂລກ—ຜູ້ຍິງເປັນຜູ້ຊ່ວຍຊູທີ່ເໝາະສົມສຳລັບຜູ້ຊາຍ.
ບົດທີ 4
ວິທີທີ່ຊາຕານໄດ້ກາຍເປັນມານ—ມັນລໍ້ລວງເອວາ—ອາດາມ ແລະ ເອວາຕົກ, ແລະ ຄວາມຕາຍເຂົ້າມາສູ່ໂລກ.
ບົດທີ 5
ອາດາມ ແລະ ເອວາ ເກີດລູກ—ອາດາມຖວາຍເຄື່ອງບູຊາ ແລະ ຮັບໃຊ້ພຣະເຈົ້າ—ກາອິນ ແລະ ອາເບັນໄດ້ເກີດມາ—ກາອິນກະບົດ, ຮັກຊາຕານຫລາຍກວ່າພຣະເຈົ້າ, ແລະ ກາຍເປັນບຸດແຫ່ງຄວາມຈິບຫາຍ—ການຂ້າຟັນ ແລະ ຄວາມຊົ່ວຮ້າຍແຜ່ຂະຫຍາຍອອກໄປທົ່ວ—ພຣະກິດຕິຄຸນຖືກສັ່ງສອນຕັ້ງແຕ່ຕົ້ນ.
ບົດທີ 6
ເຊື້ອສາຍຂອງອາດາມຮັກສາປຶ້ມແຫ່ງຄວາມຊົງຈຳ—ລູກຫລານທີ່ຊອບທຳຂອງລາວສັ່ງສອນການກັບໃຈ—ພຣະເຈົ້າເປີດເຜີຍພຣະອົງເອງຕໍ່ເອນົກ—ເອນົກສັ່ງສອນພຣະກິດຕິຄຸນ—ແຜນແຫ່ງຄວາມລອດໄດ້ຖືກເປີດເຜີຍແກ່ອາດາມ—ລາວໄດ້ຮັບບັບຕິສະມາ ແລະ ຖານະປະໂລຫິດ.
ບົດທີ 7
ເອນົກສິດສອນ, ນຳພາຜູ້ຄົນ, ແລະ ເຄື່ອນຍ້າຍພູເຂົາ—ເມືອງຊີໂອນຖືກສະຖາປະນາຂຶ້ນ—ເອນົກຫລິງເຫັນລ່ວງໜ້າເຖິງການສະເດັດມາຂອງບຸດມະນຸດ, ການເສຍສະລະຊົດໃຊ້ຂອງພຣະອົງ, ແລະ ການຟື້ນຄືນຊີວິດຂອງໄພ່ພົນຂອງພຣະເຈົ້າ—ເພິ່ນຫລິງເຫັນລ່ວງໜ້າເຖິງການຟື້ນຟູ, ການເຕົ້າໂຮມ, ການສະເດັດມາຄັ້ງທີສອງ, ແລະ ການກັບຄືນຂອງຊີໂອນ.
ບົດທີ 8
ເມທູເຊລາທຳນາຍ—ໂນອາ ແລະ ພວກລູກຊາຍຂອງເພິ່ນສັ່ງສອນພຣະກິດຕິຄຸນ—ຄວາມຊົ່ວຮ້າຍອັນໃຫຍ່ຫລວງແຜ່ຂະຫຍາຍອອກໄປ—ການເອີ້ນໃຫ້ກັບໃຈຖືກເມີນເສີຍ—ພຣະເຈົ້າອອກຄຳສັ່ງໃຫ້ຄວາມພິນາດມາສູ່ເນື້ອໜັງທັງປວງໂດຍນ້ຳຖ້ວມ.