Ang Kabataan ug Kabatan-onan nagrepresentar sa usa ka tibuok kalibotan nga grupo sa mga indibidwal nga naningkamot nga mamahimong sama ni Jesukristo. Aron sa pagrepresentar niana nga panaghiusa, ang kabataan ug kabatan-onan makadawat og pipila ka mga simbolo atol sa ilang panahon sa Primary, sa mga korum sa Aaronic nga Pagkapari, ug sa mga klase sa Young Women. Sila usab makadawat og mga simbolo sa kalamposan inig hapit na mahuman ang ilang panahon sa mga korum sa Aaronic nga Pagkapari ug sa mga klase sa Young Women.
Sa tuig nga sila mag-8, ang kabataan makadawat og sing-sing ug usa ka litrato sa templo sa ilang temple district.
Unsaon pagkadawat sa kabataan niini nga mga simbolo?
Kining duha ka simbolo ihatag sa kabataan pinaagi sa bishop, kinsa mahimong mobisita sa ilang klase sa Primary sa sugod sa tuig nga sila mag-8.
Sa tuig nga sila mag-12, ang kabatan-onan makadawat og butanganan sa rekomend sa templo. Ang mga batan-ong lalaki makadawat usab og sing-sing, ug ang mga batan-ong babaye makadawat usab og medalyon ug gem nga pendant.
Unsaon sa pagkadawat sa mga kabatan-onan niini nga mga simbolo?
Ang mga batan-ong lalaki makadawat og usa ka sing-sing gikan sa ilang kapangulohan sa korum. Ang mga batan-ong babaye makadawat og usa ka medalyon ug gem nga pendant gikan sa ilang kapangulohan sa klase. Agig dugang, atol sa interbyu, ang bishop mohatag sa matag batan-on og usa ka sudlanan sa rekomend sa templo.
Sa sinugdanan sa tuig nga sila mag-edad og 18, ang mga batan-ong lalaki makadawat og usa ka sudlanan sa lana nga magamit nila human sila maorden ngadto sa Melchizedek nga Pagkapari. Ang mga batan-ong babaye makadawat og usa ka pendant nga mahimong idugang ngadto sa kwentas sa ilang medalyon.
Unsaon sa pagkadawat sa mga kabatan-onan niini nga mga simbolo?
Ang sudlanan sa lana o ang pendant ihatag sa kabatan-onan pinaagi sa kapangulohan sa ilang korum o klase sa duol sa sinugdanan sa tuig sa ilang pag-edad og 18.
Atol sa tuig nga ang usa ka batan-ong lalaki o batan-ong babaye mag-edad og 18, siya (uban sa mga ginikanan kon gusto) adunay oportunidad usab nga makigkita sa bishop sa paghisgot sa iyang pag-uswag. Niini nga panahon, mopresentar ang bishop og usa ka sertipiko gikan sa Unang Kapangulohan, uban sa crystal sa Kabataan ug Kabatan-onan. Ihatag niya kining mga simbolo sa kalamposan ngadto sa kabatan-onan kinsa naningkamot nga mahimong mas mahisama sa Manluluwas pinaagi sa pagpaningkamot sa:
- Pagtuon sa mga kasulatan ug pag-ampo sa matag adlaw.
- Magpakatakos sa usa ka rekomend sa templo nga may limitasyon ang paggamit.
- Pag-apil sa mga miting sa Igpapahulay, buluhaton sa korum o klase, ug seminary.
- Pagtrabaho sa mga tumong sa matag area sa kalamboan.
- Pagserbisyo sa uban sa personal nga makahuluganong paagi, nga mahimong maglakip og usa ka proyekto sa pagserbisyo.
Ang bag-ong mga kinabig, kadtong kinsa dili aktibong nag-apil sa Kabataan ug Kabatan-onan o sa Simbahan, ug kadtong dili mga miyembro sa Simbahan mahimo usab nga makadawat sa mga simbolo sa kalamposan sa tuig nga sila mag-edad og 18 kon, sa panahon sa ilang interbiyu, sila kasamtangang naglihok sa pagpalambo niini nga mga sumbanan sa pagkadisipulo.
Ang mga Simbolo alang sa Strive to Be [Maningkamot nga Mamahimo] anaa alang sa lokal nga mga panghitabo ug mga kalihokan.