Mga Kanunayng Ipangutana

Ang pagserbisyo ug ang mga kalihokan kinahanglang mabalanse sa tanang upat ka area sa paglambo (espiritwal, sosyal, pisikal, ug intelektuwal) nga gisugyot sa Lucas 2:52 ug maggikan sa mga panginahanglan ug interes sa mga indibidwal, pamilya, korum, klase, ug mga grupo sa kalihokan sa Primary. Mahimo nilang ipaila ngadto sa kabataan ug kabatan-onan ang bag-ong mga kasinatian, motudlo kanila og mga kahanas sa kinabuhi, ug tabangan sila nga matuman ang ilang mga katungdanan sa pagkapari ug mga responsibilidad sa pakigsaad. Kon makatabang man ugaling, ang usa ka kalihokan usahay posibling makasuporta sa usa ka indibidwal, pamilya, o grupo nga tumong. Kon magplano og mga kalihokan, ikonsiderar ang mga pangutana sama sa:

• Sa unsang paagi kini nga kalihokan makatabang kanato sa pagsunod sa ebanghelyo ni Jesukristo?
• Aduna bay mga oportunidad alang kanato aron makatabang sa pag-atiman sa mga kabos ug nanginahanglan?
• Kinsa pa ang pwede madapit aron makaapil kanato niini nga kalihokan?
• Unsa kaha nga mga kalihokan ang makatabang kanato nga mahiusa ang atong mga pamilya alang sa kahangtoran?

Dili. Ang mga ginikanan, nga suportahan sa mga lider kon gikinahanglan, pweding mangutana sa kabataan ug kabatan-onan kon unsa ang ilang gitrabaho ug sa unsang paagi sila makatabang, apan ang mga hamtong dili responsable sa pag-monitor sa pag-uswag. Ang kabataan ug kabatan-onan pwede nga mohimong pribado sa pipila ka mga tumong. Ang kabataan ug kabatan-onan makahimo sa paggamit sa ilang giya nga basahon, sa Gospel Living nga app, o sa laing pamaagi nga labing maayo alang kanila sa paghimo og mga tumong ug pagpamalandong o pagrekord sa pag-uswag. Tingali magkinahanglan og tabang ang kabataan sa pag-rekord ug paghinumdom sa mga tumong. Kasagaran ang mga ginikanan mohatag niana nga tabang.

Oo. Tinuig nga interbyuhon sa bishop ang mga batan-on sugod sa tuig nga sila mag-edad og 12. Ang bishop (sugod sa tuig nga mag-edad og 16 ang kabatan-onan) o usa sa iyang mga magtatambag (alang sa mas bata nga mga batan-on) kasagaran mointerbyu sa kabatan-onan paglabay sa unom ka bulan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 31.1.7.) Agig dugang, ang presidente sa Young Women pweding mohimo og mas dakong tahas sa pagtambag sa batan-ong mga babaye bahin sa mga butang nga wala magkinahanglan og usa ka maghuhukom sa tanan [common judge] ug mga butang nga wala maglakip og pag-abuso. Atol niini nga mga panag-istorya, ang hamtong nga mga lider motudlo sa kabatan-onan mahitungod sa pagkahimong mga disipulo sa Manluluwas. Sila mahimong modasig sa kabatan-onan sa ilang mga tumong ug motanyag og bisan unsang tabang nga gikinahanglan.

Ang Gospel Living nga app, adunay mga himan alang sa paghimo og mga tumong, paghimo og mga plano, pag-monitor sa kalamboan, ug pagrekord sa mga hunahuna ug mga impresyon. Agig dugang, ang app maghatag og makapadasig nga mga artikulo ug mga ideya sa kalihokan ug tumong ug magtugot nga kamo makahatag og mensahe ug makapaambit og mga ideya sa mga sakop sa pamilya, mga korum, ug mga klase. Ang app wala kinahanglana para makaapil sa Kabataan ug Kabatan-onan, ug dili kini para lang niadtong miapil sa mga Kabataan ug Kabatan-onan. Magkat-on pa og dugang mahitungod sa Gospel Living nga app.

Makatabang ang mga ginikanan sa usa ka bata o batan-on sa pag-ila kon sa unsang paagi siya gusto nga molambo. Mahimo nilang sugdan pinaagi sa paghisgot mahitungod sa kon unsaon sa pagpangita ug pagdawat og pagpadayag ug sa panag-uban nga pag-ampo alang sa giya. Ang mga kapanguhaan diha sa mga giya nga basahon ug sa Gospel Living nga app makatabang sa pag-ila sa mga panginahanglan ug interes. Alang sa dugang nga impormasyon, tan-awa sa Kabataan ug Kabatan-onan: Usa ka Pasiunang Giya alang sa mga Ginikanan ug mga Lider.

Kon ang kabataan ug kabatan-onan makadiskubre nga ang usa ka tumong dili makapainteres, lisud kaayo, o dili kaayo haom, usahay ang husto nga pamaagi mao ang pagpadayon sa pagpaningkamot. Sa ubang mga higayon ang pagpahiangay sa usa ka tumong o ang pagpili og ikapuli mao ang angay alang sa bata o batan-on . Ang pagka-aktibong mosunod sa ehemplo sa Manluluwas bahin sa paglambo mas importante kay sa pagtuman og pihong mga tumong.

Ang mga ginikanan makatabang sa ilang anak nga lalaki o babaye nga makasaulog sa paglambo ug sa pagpamalandong ug pagrekord sa iyang mga hunahuna pinaagi sa pagtubag og mga pangutana sama niini: Sa unsang paagi nga ako milambo? Sa unsang paagi nga ang akong tumong nakatabang nako nga mas maduol sa Manluluwas? Ang mga ginikanan mahimong moawhag sa mga kabataan ug kabatan-onan sa pagdesisyon kon unsaon nila sa paggamit unsay ilang nakat-onan sa pagtabang sa uban.

Oo. Ang mga ginikanan tingali makatabang sa ilang kabataan ug kabatan-onan sa pagpili og mga tumong sumala sa mga panginahanglan sa ilang pamilya.

Dili. Ang pipila ka mga tumong pribado. Ang mga hamtong pweding mopakita sa ilang kaandam nga motabang samtang magtugot sa bata o batan-on sa pagbaton og pipila ka mga tumong tali sa iyang kaugalingon ug sa Ginoo.

Isip mga indibidwal ug mga pamilya, ang mga hamtong ug ang mas manghod nga mga bata makaapil ug makagamit sa mga kapanguhaan alang sa pagkat-on sa ebanghelyo, pagserbisyo ug mga kalihokan, ug personal nga kalamboan diha sa panimalay. Ang mga hamtong ug ang mas manghod nga kabataan sa kasagaran dili apil sa mga kalihokan nga gipasiugdahan sa Simbahan nga may kalabotan sa Kabataan ug Kabatan-onan ug dili makadawat sa Kabataan ug Kabatan-onan nga mga simbolo.

Siyempre. Ang kabataan ug kabatan-onan kinahanglang modapit sa ilang mga higala nga moapil sa pagkat-on sa ebanghelyo, pagserbisyo ug mga kalihokan, ug personal nga kalamboan. Ug ang mga lider—lakip na ang mga kapangulohan sa korum ug klase sa kabatan-onan—kinahanglang makigtambayayong sa mga ginikanan niini nga kabataan ug kabatan-onan sa pagtabang kanila nga makasabut sa paningkamot ug sa pagtino kon sa unsang paagi sila ug ang ilang mga anak ganahan nga malambigit.

Oo. Ang kabataan ug kabatan-onan, nga nakigtambayayong sa ilang mga lider, mahimong mopili og mga tumong sumala sa mga panginahanglan sa ilang korum o klase.

Ang mga bishop mahimong magpahigayon og tinuig nga miting alang sa kabatan-onan ug sa ilang mga ginikanan dapit sa sinugdanan sa matag tuig. Mahimo kining ipahigayon sa ward o stake nga lebel ug mahimong ipahigayon nga magtipon o dili magtipon ang batan-ong mga lalaki ug batan-ong mga babaye. Kinahanglan kining planohon ug idumala sa mga kaabag [assistant] sa bishop diha sa korum sa mga priest ug sa kapangulohan sa kinamagulangang klase sa Young Women. Ang kabatan-onan kinsa mag-edad og 12 niana nga tuig mahimong modawat sa ilang mga simbolo atol niini nga miting.

Wala kinahanglana ang pagpahigayon og tinuig nga miting alang sa kabataan. Ang bishop mahimong mobisita sa klase sa Primary sa kabataan kinsa mag-otso anyos niana nga tuig.

Isip tabang para sa mga ginikanan, ang Kabataan ug Kabatan-onan suportahan sa simbahan pinaagi sa kapangulohan sa Primary (alang sa kabataan) ug sa bishopric ug kapangulohan sa Young Women (alang sa kabatan-onan). Kini nga mga lider abagan sa mga kapangulohan sa korum ug sa klase ug sa mga hamtong nga gitawag og mga adviser ug mga espesyalista sa korum o klase (alang sa dugang nga impormasyon mahitungod sa mga tahas sa mga adviser ug mga espeyalista, tan-awa sa Kinatibuk-ang Tamdanan nga Basahon, , 10.5; 11.3.5; 11.3.6; 30.7.3; and 30.7.5). Mahimong magtawag og mga lider alang sa kalihokan sa Primary.

Uban sa pagpaila sa Kabataan ug Kabatan-onan, ug sa pagpahiangay sa kausaban nga gipahibalo sa 2019 Oktubre nga kinatibuk-ang komperensya, ang mosunod nga mga calling hunongon na sa Enero 1, 2020. Kini nga mga lider kinahanglan nga i-release inig-abot o sa dili pa moabot ang Enero 1 uban sa pasalamat alang sa ilang pagserbisyo:

• Gikan sa Primary: Mga lider sa activity day sa Primary, mga kaabag nga lider sa activity day sa Primary (kini nga mga lider mahimong tawagon isip mga lider sa kalihokan sa Primary).
• Gikan sa Young Women: Mga tigtambag [advisers] sa Beehive, Mia Maid ug Laurel (kini nga mga lider mahimong tawagon isip mga tigtambag [adviser] o espesyalista kon gikinahanglan aron masuportahan ang bag-ong mga klase sa Young Women); Mga lider sa Personal nga Kauswagan.
• Gikan sa mga korum sa Aaronic nga Pagkapari: Presidente sa Young Men sa Ward, mga magtatambag [counselors], secretary, ug kaabag nga mga tigtambag (kini nga mga lider mahimong tawagon isip mga tigtambag [advisers] o espesyalista sa korum sa Aaronic nga Pagkapari).
• Gikan sa Scouting (kon anaa): Ang BSA [BSP] executive nga opisyal, gibutang nga representate sa organisasyon, committee chair sa Scouting, mga sakop sa komite sa Scouting, Scoutmaster, kaabag nga mga Scoutmaster, 11-anyos nga mga Scout leader, committee chair sa Cub Scout, mga sakop sa komite sa Cub Scout, Cubmaster, kaabag nga mga Cubmaster, mga den leader, kaabag nga mga den leader (pipila niini nga mga lider mahimong tawagon isip mga tigtambag o espesyalista sa korum o isip mga lider sa kalihokan sa Primary).

Gi-awhag ang pagmemorya sa mga Artikulo sa Hugot nga Pagtuo apan wala kinahanglana.

Ang matag bata nga mag-edad og 8 ngadto sa 11 sa 2020 kinahanglang makadawat sa bag-o nga singsing sa Kabataan ug Kabatan-onan sa 2020. Matag tuig human niana, ang kabataan makadawat sa ilang singsing sa sinugdanan sa tuig nga sila mag-edad og 8 o kon sila mosulod sa programa.

Ang kasamtangang berde nga CTR nga singsing magpabilin nga usa ka bahin sa Primary. Kon ang kabataan magsugod na sa CTR 4 nga klase, ang kapangulohan sa Primary o ang ilang magtutudlo sa Primary mohatag kanila og usa ka berde nga CTR nga singsing.

Oo. Ang kapangulohan sa Primary, ubos sa direksiyon sa bishopric, magpahigayon sa miting sa Pagpangandam alang sa Templo ug sa Pagkapari alang sa batang mga babaye ug batang mga lalaki sa klase sa Valiant 10 sa dili pa ang Enero diin sila mobalhin ngadto sa mga klase sa Young Women ug sa mga korum sa Aaronic nga Pagkapari. Alang sa dugang nga impormasyon, tan-awa sa Kinatibuk-ang Tamdanan nga Basahon, 12.2.1.2.

Oo. Ang batan-ong mga babaye magsugod sa ilang Dominggo nga mga miting sa Young Women pinaagi sa pag-recite sa bag-ong tema, nga gipahibalo kaniadto sa kinatibuk-ang komperensiya ug anaa sa YoungWomen.ChurchofJesusChrist.org.

Wala. Sugod sa Enero 1, 2020, kini nga mga elemento sa programa sa Young Women mapulihan sa Kabataan ug Kabatan-onan nga paningkamot. Ang Bag-ong Sinugdanan [New Beginnings] ug Young Women sa Kahamili [Young Women in Excellence] mapulihan sa usa ka tinuig nga Kabataan ug Kabatan-onan nga miting nga ipahigayon alang sa kabatan-onan.

Oo. Alang sa dugang nga impormasyon, tan-awa ang Young Women Camp Guide.

Ubos sa direksyon sa bishop, ang mga kapangulohan sa Young Women magtinguha og inspirasyon samtang sila mo-organisar sa mga klase sumala sa mosunod nga mga baruganan:

• Giorganisar ang mga klase pinaagi sa paggrupo sa mga ka-edad, ug ang batan-ong mga babaye mouswag tali sa mga klase sa Enero sa tuig nga sila mag-edad sa sunod nga klase. Ang usa ka grupo sa ka-edad mao ang tanang batan-ong mga babaye kinsa mosaka ang edad atol sa tuig sa kalendaryo [calendar year].
• Ang mga gidak-on sa klase determinahon aron mahatagan ang batan-ong mga babaye sa labing maayong mga oportunidad sa pagpangulo. Usa ka presidente, duha ka magtatambag, ug usa ka sekretarya ang kinahanglang tawagon alang sa matag klase. Labing maayo, ang mga klase maglakip usab sa batan-ong mga babaye kinsa mapangalagaran sa kapangulohan.

Alang sa dugang nga mga detalye, tan-awa sa Kinatibuk-ang Tamdanan nga Basahon, kapitulo 11, ug ang pahibalo nga gipetsahan og Oktubre 5, 2019.

Oo. Ang mga batan-ong lalaki magsugod sa ilang Dominggo nga mga miting sa korum pinaagi sa pag-recite sa bag-ong tema sa korum sa Aaronic nga Pagkapari, nga kaniadto gipahibalo sa kinatibuk-ang komperensiya ug anaa sa AaronicPriesthoodQuorums.ChurchofJesusChrist.org.

Oo. Alang sa dugang nga impormasyon, tan-awa ang Aaronic Priesthood Quorum Camp Guide.

Usa ka porma ang ipadala sa mga yunit sa katapusan sa 2019.

Ang mga kapangulohan sa primary, mga kapangulohan Young Women, ug mga tigtambag [advisers] sa korum sa Aaronic nga Pagkapari kinahanglang magtapok alang sa gikininahanglan sa klerk sa ward o branch nga gidaghanon ug gidak-on alang sa kabataan ug kabatan-onan nga mag-edad og 8–18 sa 2020. Ang mga klerk kinahanglang mo-order diha sa store.ChurchofJesusChrist.org/childrenandyouth or pinaagi sa ilang lokal nga distribution center. Ang mga gasto alang sa Kabataan ug Kabatan-onan pabayaran sa mga yunit. Sa 2020, ang tanang uban pang mga simbolo bayaran sa Simbahan. Sa 2021 ug lapas pa, ang mga yunit mo-order sa gikinahanglan nga mga simbolo ug mga materyal pinaagi sa regular nga proseso sa pag-order sa kurikulum. Kini bayaran sa mga pundo sa lokal nga yunit.

Ang logo ug ubang biswal nga mga elemento sa Kabataan ug Kabatan-onan anaa na inigka-2020. Mahimong gamiton kini sa personal, dili pangkomersyal nga paggamit. Ang mga indibidwal ug pamilya mahimong mogamit sa logo ug hulagway sulod sa ilang mga panimalay sa pagsuporta sa Kabataan ug Kabatan-onan nga programa. Ang mga stake, ward ug branch mahimong mogamit sa logo ug hulagway alang sa mga kalihokan ug katuyoan sa Simbahan. Sa paghangyo og pagtugot nga mogamit sa logo ug hulagway sa ubang mga sitwasyon, bisitaha ang permissions.ChurchofJesusChrist.org.

Ang kabatan-onan ug mga lider mahimong mogamit sa tema sa korum sa Aaronic nga Pagkapari ug sa tema sa Young Women alang sa personal o Simbahan nga mga katuyoan. Ang komersyal nga paggamit sa mga tema gidili.

Dili. Ang mga stake, ward ug branch kinahanglang dili moestablisar og mga rekisitos alang sa kabataan ug kabatan-onan aron sa pag-angkon og lokal nga mga ganti.

Ang mga simbolo sa kalamposan mao ang usa ka panapos nga pagsaulog sa kalamboan sa usa ka indibidwal pinaagi sa Kabataan ug Kabatan-onan. Sa kasagaran, ang kabatan-onan makadawat niini nga mga simbolo kon mogradwar sila sa hayskul, samtang sila nangandam sa pagdawat sa Melchizedek nga Pagkapari o mosulod sa Relief Society, o sa dili pa sila mohawa sa panimalay, kon kana mahitabo nga mas sayo kay sa edad nga 18. Ang mga simbolo sa kalamposan [emblem] sa pribadong paagi ihatag sa bishop. Niini nga higayon isulti niya ang iyang pasalamat kon sa unsang paagi mitubo ug mihingkod ang batan-on diha sa ebanghelyo, sa unsang paagi siya mas nahimong sama sa Manluluwas. Ang mga ginikanan mahimo usab nga ilakip.