O Fesili e Masani ona Fesiligia

O loo i lalo ni tali i fesili atonu o loo i ai i tamaiti, autalavou, matua, ma taitai e uiga i lenei taumafaiga fou. Ae peitai, ona o lenei taumafaiga ua fuafuaina ina ia fetuunai i tagata taitoatasi, e tele fesili o le a taliina e ala i le sailia o musumusuga faaletagata lava ia.

Fesili Lautele

O auaunaga ma gaoioiga e tatau ona faapaleni i vaega e fa o le tuputupu a’e (faaleagaga, faaleagafesootai, faaletino, ma faaleatamai) ua fautuaina mai e le Luka 2:52 ma ia tuputupu a’e mai i manaoga ma mea e fiafia i ai tagata taitoatasi, aiga, korama, vasega, ma vaega o gaoioiga a le Peraimeri. E mafai ona latou folasia atu i tamaiti ma le autalavou ni aafiaga fou, aoao atu ia i latou tomai o le olaga, ma fesoasoani ia latou faataunuu o latou tiute faaleperisitua ma tiutetauave o le feagaiga. I le mea e aoga ai, e mafai e se gaoioiga i nisi taimi ona lagolagoina se sini a se tagata e toatasi, aiga, po o se vaega. A fuafua ia gaoioiga, mafaufau i fesili e pei o nei:

Pe o le a faapefea ona fesoasoani lenei gaoioiga ia i tatou e ola ai i le talalelei a Iesu Keriso?
Pe o i ai ni avanoa mo i tatou e fesoasoani ai e tausia e matitiva ma le tagolima?
O ai isi e mafai ona valaaulia tatou te aufaatasi i lenei gaoioiga?
O a gaoioiga e mafai ona fesoasoani e tuufaatasia ai o tatou aiga mo le faavavau?

Leai. O matua, e lagolagoina e taitai pe a manaomia, e mafai ona fesili atu i tamaiti ma le autalavou po o a mea o latou galulue ai ma pe mafai faapefea ona latou fesoasoani, ae e le nafa tagata matutua ma le tulitataoina o le alualu i luma. Atonu e mananao tamaiti ma le autalavou e tausia le lē faalauaiteleina o nisi o sini. E mafai e tamaiti ma le autalavou ona faaaoga a latou tusitaiala, the Gospel Living app, po o se isi auala e sili ona aoga mo i latou e faatuina ai ia sini ma tomanatu ai pe faamaumau le alualu i luma. Atonu e manaomia e tamaiti le fesoasoani i le faamaumauina ma le manatuaina o sini. E masani ona tuuina atu e matua lea fesoasoani.

Ioe. E faatalanoa e le epikopo le autalavou faaletausaga e amata atu i le tausaga e atoa ai lo latou 12 tausaga. E masani ona faatalanoa e le epikopo (e amata atu i le tausaga e atoa ai le 16 o le autalavou) po o se tasi o ona fesoasoani (mo autalavou laiti) le autalavou i le ono masina mulimuli ane. (Tagai i le Tusitaulima Aoao a le Ekalesia: Auauna Atu i le Ekalesia a Iesu Keriso o le Au Paia o Aso e Gata Ai, 31.1.7.) E le gata i lea, e mafai e le peresitene o Tamaitai Talavou ona faataunuuina se matafaioi sili atu i le faufautua i tamaitai talavou e faatatau i mataupu lea e lē manaomia ai se faamasinoga masani ma e lē o aofia ai le sauaina. I taimi o nei faatalanoaga, e aoao atu e taitai matutua le autalavou e uiga i le avea ai ma soo o le Faaola. Atonu latou te fautuaina le autalavou i a latou sini ma ofo atu soo se fesoasoani e manaomia.

O le Gospel Living app o loo i ai meafaigaluega mo le setiina o sini, faia fuafuaga, sailia le alualu i luma, ma faamaumau ia manatu ma uunaiga. E le gata i lea, ua tuuina mai foi e le polokalama ni tusiga musuia ma gaoioiga ma manatu mo sini ma faataga ai oe e te auina atu feau ma faasoa ma tagata o aiga, korama, ma vasega. O lenei polokalama e lē manaomia mo le auai i Tamaiti ma le Autalavou, ma e lē faatapulaa ia i latou o ē auai i le Tamaiti ma le Autalavou. Aoao atili e uiga i le Gospel Living app.

Fesili i Faatotonugalemu i le Aiga

E mafai e matua ona fesoasoani i se tamaitiiti po o se autalavou e faailoa mai pe faapefea ona ia tuputupu a’e. Atonu latou te amata i le talanoa e uiga i auala e saili ai ma maua faaaliga ma tatalo faatasi mo le taitaiga. O punaoa o loo i tusitaiala ma le Gospel Living app e mafai ona fesoasoani e faailoa mai manaoga ma mea e fiafia ai. Mo nisi faamatalaga, tagai i le Tamaiti ma le Autalavou: O Se Taiala Tomua mo Matua ma Taitai.

Afai e iloaina e tamaiti ma le autalavou e le manaia se sini, faigata tele, pe e lē fetaui lelei, o nisi taimi o le auala sa’o o le taumafai pea. O nisi taimi o le a talafeagai mo le tamaitiiti po o le autalavou le fetuunai o se sini pe filifili se mea e sui ai. E sili ona taua le punoua’i atoa i le mulimuli i le faataitaiga a le Faaola o le tuputupu a’e nai lo le faataunuuina o ni sini faapitoa.

E mafai e matua ona fesoasoani i lo latou atalii po o le afafine ina ia patipatia le tuputupu a’e ma tomanatu ma faamaumau ona manatu e ala i le taliina o fesili e pei o fesili nei: Na faapefea ona ou tuputupu a’e? Na faapefea ona fesoasoani la’u sini ia ou latalata atili ai i le Faaola? E mafai e matua ona fautuaina tamaiti ma le autalavou ina ia filifili pe faapefea ona latou faaaogaina mea ua latou aoaoina e fesoasoani atu ai i isi.

Fesili e Lagolagoina e le Ekalesia

Ioe. E tatau i tamaiti ma le autalavou ona valaaulia a latou uo e auai i le aoaoina o le talalelei, auaunaga ma gaoioiga, ma le atinaega faaletagata lava ia. Ma o taitai—e aofia ai au peresitene o korama ma vasega a le autalavou—e tatau ona galulue vavalalata ma matua o tamaiti nei ma le autalavou ina ia fesoasoani ia latou malamalama i le taumafaiga ma fuafua le auala latou te mananao ai ina ia auai ma a latou fanau.

E mafai e epikopo ona faia se fonotaga faaletausaga mo le autalavou ma o latou matua e latalata i le amataga o tausaga taitasi. E mafai ona faia i se tulaga faaleuarota pe faalesiteki ma e mafai ona faia ‘ese’ese mo alii talavou ma tamaitai talavou po o le fai faatasi. E tatau ona fuafuaina ma taitaia e fesoasoani i le epikopo i le korama a ositaulaga ma le au peresitene o le vasega matutua a Tamaitai Talavou. O autalavou e atoa le tai 12 tausaga i le aluga o le tausaga e mafai ona mauaina faatusa i le taimi o lenei fonotaga.

E le o se mea e manaomia le faia o se fono faaletausaga mo tamaiti. E mafai e epikopo ona asia le vasega o le Peraimeri a tamaiti o le a atoa le tai valu tausaga i le aluga o le tausaga.

I le avea ma se fesoasoani i matua, o le Tamaiti ma le Autalavou o le a lagolagoina i le lotu e le au peresitene o le Peraimeri (mo tamaiti) ma e le au epikopo ma le au peresitene o Tamaitai Talavou (mo le autalavou). O le a lagolagoina nei taitai e au peresitene o korama ma vasega ma tagata matutua e valaau o ni faufautua i korama po o vasega ma tagata tomai faapitoa (mo nisi faaamatalaga e uiga i matafaioi a faufautua ma tagata tomai faapitoa, tagai i le Tusitaulima Aoao, , 10.5; 11.3.5; 11.3.6; 30.7.3; ma le 30.7.5). E mafai ona valaauina taitai o gaoioiga a le Peraimeri.

Faatasi ai ma le faatomuaga o Tamaiti ma le Autalavou, ma ia ogatasi ma fetuunaiga na fofogaina i le konafesi aoao ia Oketopa 2019, o valaauga nei o le a faamutaina i le aso 1 o Ianuari, 2020. O taitai nei e tatau ona faamaloloina i le aso po o le a o le’i oo i le aso 1 o Ianuari faatasi ai ma le agaga faafetai mo lo latou auaunaga:

Mai Le Peraimeri: Taitai o Aso o Gaoioiga a le Peraimeri, taitai fesoasoani o Aso o Gaoioiga a le Peraimeri (e mafai ona valaauina taitai nei e avea ma ni taitai o gaoioiga a le Peraimeri).
Mai Tamaitai Talavou: O faufautua o le Ofagapi, Maea Meite, ma le Lora (e mafai ona valaauina taitai nei e avea ma ni faufautua po o tagata tomai faapitoa pe a manaomia e lagolago vasega fou a Tamaitai Talavou); taitai o le Alualu i Luma o le Tagata Lava Ia.
Mai korama o le Perisitua Arona: Peresitene o Alii Talavou a le Uarota, o fesoasoani, failautusi, ma faufautua fesoasoani (e mafai ona valaauina taitai nei e avea ma ni faufautua o korama a le Perisitua Arona po o tagata tomai faapitoa).
Mai le Sikauti (pe a talafeagai ai): O taitai o ofisa a le BSA, sui filifilia o le faalapotopotoga, taitai o le komiti a le Sikauti, o sui o le komiti a le Sikauti, taitai o le Sikauti, fesoasoani o taitai a le Sikauti, o taitai a le Sikauti 11 tausaga, taitai o le komiti a le Sikauti laiti, o sui o le komiti a le Sikauti laiti, Taitai o le Sikauti laiti, fesoasoani o taitai a le Sikauti laiti, taitai o den, fesoasoani o taitai o den, fesoasoani o taitai o den (o nisi o taitai nei e mafai ona valaauina e avea ma faufautua o korama po o tagata tomai faapitoa po o ni taitai gaoioiga a le Peraimeri).

Fesili mo le Peraimeri

O tamaiti uma e atoa le 8 tausaga i le 11 tausaga i le aluga o le 2020 e tatau ona mauaina le mama fou o le Tamaiti ma le Autalavou i le 2020. O tausaga taitasi e sosoo ai, e maua e tamaiti a latou mama i le amataga o le tausaga e atoa i ai a latou 8 tausaga po o le pe a latou ulufale mai i le polokalama.

O mama FMT lanu meamata o i ai nei o le a tumau pea o se vaega o le Peraimeri. A amata e tamaiti le vasega FMT 4, o le a tuuina atu e le au peresitene o le Peraimeri po o o latou faiaoga o le Peraimeri ia i latou se mama FMT lanu meamata.

Fesili mo Tamaitai Talavou

Mo faamatalaga faaopoopo e uiga i suiga faalapotopotoga ua fofogaina mai mo Tamaitai Talavou, tagai i le YoungWomen.ChurchofJesusChrist.org ma le Tusitaulima Aoao, mataupu 11.

I lalo o le taitaiga a le epikopo, e saili ai e le au peresitene o Tamaitai Talavou le musumusuga a o latou faatulagaina vasega e tusa ma mataupu faavae nei:

E faatulagaina vasega i vaega o vaitausaga, ma e si’i i luga tamaitai talavou i le va o vasega ia Ianuari o le tausaga e atoa ai lo latou tausaga o leisi vasega. O vaega o vaitausaga, o tamaitai talavou uma lea o le a atoa se tausaga i le aluga o le tausaga faalekalena.
O le toatele o le vasega e fuafuaina ina ia tuuina atu le mea silisili i avanoa faaletaitai mo tamaitai talavou. O se peresitene, o fesoasoani e toalua, ma se failautusi e tatau ona valaauina mo vasega taitasi. O le mea e lelei ai, e aofia ai foi i vasega ia tamaitai talavou e mafai ona auauna i ai le au peresitene.

Mo nisi auiliiliga faaopoopo, tagai Tusitaulima A oao, mataupu 11, ma le faasilasilaga i le aso 5 o Oketopa, 2019.

O Fesili mo korama a le Perisitua Arona

Mo faamatalaga faaopoopo e uiga i suiga o faalapotopotoga na fofogaina mai mo korama a le Perisitua Arona,, tagai i le AaronicPriesthoodQuorums.ChurchofJesusChrist.org ma le Tusitaulima Aoao, mataupu 10.

Fesili e uiga i le Aloaiaina, Faatusa, ma Ata

O le a auina atu se fomu i iunite i le faaiuga o le 2019.

E tatau i au peresitene o Peraimeri, au peresitene o Tamaitai Talavou, ma faufautua o korama a le Perisitua Arona ona aoina mai mo le aofaiga faafailautusi a le uarota po o le paranesi ma le tetelē e manaomia mo tamaiti ma le autalavou e atoa le 8–18 i le 2020. E tatau i failautusi ona okaina i le store.ChurchofJesusChrist.org/childrenandyouth po o le ala i lo latou faletusi. O tau mo le tioata o le Tamaiti ma le Autalavou o le a piliina i iunite. Mo le 2020, o isi uma faatusa o le a totogiina e le Ekalesia. I le 2021 ma tua atu, o le a okaina e iunite faatusa ma meatotino e ala i le faagasologa masani o le okaina o mataupu aoaoina. O le a totogiina e tupe a le iunite i le lotoifale.

O le mau tauave ma isi elemene faaletino o le Tamaiti ma le Autalavou o le a maua i le 2020. E mafai ona faaaogaina i latou mo tulaga faaletagata lava ia, ae e lē faapisinisi. E mafai e tagata taitoatasi ma aiga ona faaaogaina le mau tauave ma ata i totonu o ō latou aiga e lagolago ai le polokalama o le Tamaiti ma le Autalavou. E mafai ona faaaoga e siteki, uarota, ma paranesi le mau tauave ma ata mo gaoioiga ma faamoemoega a le Ekalesia. Ina ia talosagaina le faatagana o le faaaogaina o le mau tauave ma ata i isi nofoaga, asiasi i le permissions.ChurchofJesusChrist.org.

E mafai e autalavou ma taitai ona faaaoga le autu a le Perisitua Arona ma le autu a Tamaitai Talavou mo faamoemoega faaletagata lava ia pe faale-Ekalesia. E le faatagaina le faaaogaina faapisinisi o autu.

O faatusa o ausiaga o se patipatia faasolosolo o se atinaega faaletagata lava ia e ala i le Tamaiti ma le Autalavou. O le mea e lelei ai, e maua e le autalavou nei faatusa pe a latou faauu mai aoga tulaga lua, a o latou saunia ina ia maua le Perisitua Mekisateko po o le ulufale atu i le Aualofa, pe a o le’i siitia ese i latou mai le aiga, pe afai e tupu muamua lena mea a o le’i atoa le 18 tausaga. O faatusa o mea ua ausia e tauaaoina atu o ni taui i se tulaga e le faalauaiteleina e le epikopo. I lea taimi na te faailoa atu ai lona loto faafetai mo le tuputupu a’e o lenei talavou ma le tulaga matua i le talalelei, o le ala ua avea atili ai o ia e pei o le Faaola. E mafai foi ona faaaofia ai ia matua.