Mga Bagay na Madalas Itanong

Ang mga gawaing-paglilingkod at aktibidad ay dapat maging balanse sa apat na aspeto ng pag-unlad (espirituwal, pakikipagkapwa, pisikal, at intelektuwal) gaya ng iminungkahi sa Lukas 2:52 at magmula sa mga pangangailangan at interes ng mga indibiduwal, pamilya, korum, klase at mga Primary activity group. Maaari nilang pasimulan sa mga bata at kabataan ang bagong mga karanasan, turuan sila ng mga kasanayan sa buhay, at tulungan sila na magampanan ang kanilang mga tungkulin sa priesthood at mga responsibilidad sa tipan. Kung saan kapaki-pakinabang, ang isang aktibidad ay maaaring sumuporta paminsan-minsan sa mithiin ng indibiduwal, pamilya, o grupo. Kapag nagpaplano ng mga aktibidad, isaalang-alang ang mga tanong na tulad ng:

• Paano tayo matutulungan ng aktibidad na ito na ipamuhay ang ebanghelyo ni Jesucristo?
• May mga pagkakataon ba para makatulong tayo na mapangalagaan ang mga maralita at nangangailangan?
• Sino pa ang maaaring anyayahang sumama sa atin para sa aktibidad na ito?
• Anong mga aktibidad ang maaaring makatulong sa atin para mabuklod ang ating mga pamilya sa walang-hanggan?

Hindi. Ang mga magulang, na sinusuportahan ng mga lider kapag kinakailangan, ay maaaring magtanong sa mga bata at kabataan kung ano ang kanilang ginagawa at paano sila makatutulong, subalit hindi responsibilidad ng mga adult na subaybayan ang pagsulong ng mga bata at kabataan. Maaaring nais ng mga bata at kabataan na maging pribado ang ilang mithiin. Maaaring gamitin ng mga bata at kabataan ang kanilang gabay na aklat, ang Gospel Living app, o ang iba pang paraan na pinakamainam para magtakda ng mga mithiin at pagnilayan o gawan ng tala ang pag-unlad. Maaaring kailangan ng mga bata ng tulong sa pagtatala at pag-alala sa mga layunin. Ang mga magulang ay karaniwang nagbibigay ng gayong tulong.

Oo. Taunang iniinterbyu ng bishop ang mga kabataan simula sa taon na sila ay maging 12 anyos. Ang bishop (simula sa taon na ang kabataan ay magiging 16 anyos) o isa sa kanyang mga counselor (para sa mas batang kabataan) ang karaniwang nag-iinterbyu sa kabataan makalipas ang anim na buwan. (Tingnan sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 31.1.7.) Bilang karagdagan, ang Young Women president ay maaaring magkaroon ng mas mahalagang papel sa pagpapayo sa mga kabataang babae tungkol sa mga bagay na hindi na kailangan ng pangkalahatang hukom at walang kinalaman sa pang-aabuso. Sa mga ganitong pag-uusap, tinuturuan ng mga adult leader ang mga kabataan tungkol sa pagiging disipulo ng Tagapagligtas. Maaari nilang hikayatin ang mga kabataan sa kanilang mga mithiin at mag-alok ng anumang kinakailangang tulong.

Ang Gospel Living app ay may mga tool para sa pagtatakda ng mga mithiin, paggawa ng mga plano, pagsubaybay sa pag-unlad, at pagtatala ng mga kaisipan at impresyon. Dagdag pa rito, ang app ay may mga artikulo na nagbibigay-inspirasyon, mga ideya para sa mga aktibidad at mga mithiin, at may feature kung saan maaari kang magpadala ng mga mensahe at magbahagi ng mga ideya sa iyong mga kapamilya, korum, at klase. Ang app ay hindi kailangan para makalahok sa Mga Bata at Kabataan, at ito ay hindi limitado sa mga lumalahok sa Mga Bata at Kabataan. Alamin ang iba pa tungkol sa Gospel Living app.

Matutulungan ng mga magulang ang kanilang anak na bata o kabataan na alamin kung paano niya nais umunlad. Maaari nilang umpisahan sa pag-uusap kung paano maghangad at tumanggap ng paghahayag at sama-samang magdasal para mapatnubayan. Ang resources sa mga gabay na aklat at sa Gospel Living app ay makatutulong upang matukoy ang mga pangangailangan at interes. Para sa karagdagang impormasyon, tingnan ang Mga Bata at Kabataan: Isang Panimulang Gabay para sa mga Magulang at Lider.

Kapag natanto ng mga bata at kabataan na ang isang mithiin ay hindi kawili-wili, masyadong mahirap, o hindi akma, kung minsan ang tamang pamamaraan ay ang patuloy na subukan. Sa ibang pagkakataon ay angkop para sa bata o kabataan na i-adjust o baguhin ang mithiin o pumili ng ipapalit. Ang pagiging aktibo sa pagsunod sa halimbawa ng Tagapagligtas para sa pag-unlad ay higit na importante kaysa sa pagkakamit ng mga tiyak na mithiin.

Matutulungan ng mga magulang ang kanilang anak na ipagdiwang ang pag-unlad at pagnilayan at itala ang kanyang saloobin sa pamamagitan ng pagsagot sa mga tanong na katulad nito: Paano ako umunlad? Paano nakatulong ang aking mithiin para mas mapalapit ako sa Tagapagligtas? Maaaring hikayatin ng mga magulang ang mga bata at kabataan na magpasiya kung paano nila gagamitin ang natututuhan nila para tulungan ang iba.

Oo. Maaaring tulungan ng mga magulang ang kanilang mga anak at kabataan na pumili ng mga mithiin ayon sa mga pangangailangan ng kanilang pamilya.

Hindi. Ang ibang mga mithiin ay pribado. Maaaring ipakita ng mga adult ang kahandaan nilang tumulong habang pinapayagan ang mga bata at kabataan na panatilihin ang ilang mga layunin sa pagitan nila at ng Panginoon.

Bilang mga indibiduwal at bilang mga pamilya, ang mga adult at mas nakababatang mga bata ay maaaring makilahok at gamitin ang resources para sa pag aaral ng ebanghelyo, mga gawaing-paglilingkod at aktibidad, at personal na pag-unlad sa tahanan. Ang mga adult at mas nakababatang mga bata ay karaniwang hindi nakikilahok sa mga aktibidad na itinataguyod ng Simbahan na nauugnay sa Mga Bata at Kabataan at hindi makatatanggap ng mga sagisag ng Mga Bata at Kabataan.

Oo naman. Dapat anyayahan ng mga bata at kabataan ang kanilang mga kaibigan na makilahok sa pag-aaral ng ebanghelyo, mga gawaing-paglilingkod at aktibidad, at personal na pag-unlad. Ang mga lider—kasama ang mga quorum at class presidency—ay dapat makipagtulungan nang mabuti sa mga magulang ng mga bata at kabataang ito para matulungan silang maunawaan ang pagsisikap at makapagpasiya sila at ang kanilang mga anak kung paano nila nais na makibahagi.

Oo. Ang mga bata at kabataan, sa pakikipagtulungan sa kanilang mga lider, ay maaaring pumili ng mga mithiin ayon sa mga pangangailangan ng kanilang korum o klase.

Ang mga bishop ay maaaring magsagawa ng taunang miting para sa kabataan at kanilang mga magulang kapag malapit nang magsimula ang bagong taon. Maaari itong ganapin sa ward o stake level at maaaring ganapin para sa mga kabataang lalaki at kabataang babae nang hiwalay o magkasama. Dapat nakaplano ito at pinangungunahan ng mga assistant ng bishop sa priests quorum at presidency ng pinakamatandang Young Women class. Ang kabataan na magiging 12 anyos sa kasalukuyang taon ay makatatanggap ng kanilang emblems o sagisag sa miting na ito.

Hindi kailangang magdaos ng taunang miting para sa mga bata. Ang bishop ay maaaring bumisita sa klase ng Primary ng mga batang magiging walong taong gulang sa kasalukuyang taon.

Bilang tulong sa mga magulang, ang Mga Bata at Kabataan ay susuportahan sa simbahan ng Primary presidency (para sa mga bata) at ng bishopric at ng Young Women presidency (para sa kabataan). Ang mga lider na ito ay tutulungan ng mga quorum at class presidency at ng mga adult na tinawag bilang mga quorum o class adviser at specialist (para sa karagdagang impormasyon tungkol sa papel ng mga adviser at specialist, tingnan ang Pangkalahatang Hanbuk, , 10.5; 11.3.5; 11.3.6; 30.7.3; at 30.7.5). Maaaring tumawag ng mga Primary activity leader.

Sa pag-uumpisa ng Mga Bata at Kabataan, at upang maisaayos ang mga pagbabagong ibinalita sa pangkalahatang kumperensya noong Oktubre 2019, ang sumusunod na mga calling ay ititigil sa Enero 1, 2020. Ang mga lider na ito ay dapat ma-release bago sumapit ang Enero 1, nang may pasasalamat sa kanilang paglingkod:

• Mula sa Primary: mga Primary activity day leader, mga Primary activity day assistant leader (ang mga lider na ito ay maaaring tawagin bilang mga Primary activity leader).
• Mula sa Young Women: mga Beehive, Mia Maid, at Laurel adviser (ang mga lider na ito ay maaaring tawagin bilang mga adviser o specialist kung kailangan upang suportahan ang mga bagong Young Women class); mga lider sa Personal Progress o Pansariling Pag-unlad.
• Mula sa mga korum ng Aaronic Priesthood: Ward Young Men president, mga counselor, secretary, at mga assistant adviser (ang mga lider na ito ay maaaring tawagin bilang mga Aaronic Priesthood quorum adviser o specialist).
• Mula sa Scouting (kung saan angkop): BSA executive officer, chartered organization representative, Scouting committee chair, mga miyembro ng Scouting committee, Scoutmaster, mga assistant Scoutmaster, mga 11-taong-gulang na Scout leader, Cub Scout committee chair, mga miyembro ng Cub Scout committee, Cubmaster, mga assistant Cubmaster, mga den leader, mga assistant den leader (ang ilan sa mga lider na ito ay maaaring tawagin bilang mga quorum adviser o specialist o bilang mga Primary activity leader).

Hinihikayat ang pagsasaulo ng mga Saligan ng Pananampalataya ngunit hindi kinakailangan.

Bawat bata na magiging 8 hanggang 11 taong gulang sa 2020 ay dapat makatanggap ng singsing ng Mga Bata at Kabataan sa 2020. Bawat taon pagkatapos noon, matatanggap ng mga bata ang kanilang singsing sa simula ng taon na sila ay magiging 8 taong gulang o sa pagpasok nila sa programa.

Ang kasalukuyang berdeng singsing ng CTR ay mananatiling bahagi ng Primary. Kapag ang mga bata ay nagsimula sa klase ng CTR 4, sila ay bibigyan ng Primary presidency o ng kanilang guro sa Primary ng berdeng singsing ng CTR.

Oo. Ang Primary presidency, sa patnubay ng bishopric, ay nagdaraos ng Temple and Priesthood Preparation meeting para sa mga batang babae at batang lalaki sa Valiant 10 class bago sumapit ang Enero kung saan lilipat sila sa mga Young Women class at Aaronic Priesthood quorum. Para sa karagdagang impormasyon, tingnan ang Pangkalahatang Hanbuk, 12.2.1.2.

Oo. Sisimulan ng mga kabataang babae ang kanilang mga Young Women meeting sa araw ng Linggo sa pamamagitan ng pagbigkas sa bagong tema, na naunang ibinalita sa pangkalahatang kumperensya at makukuha sa YoungWomen.ChurchofJesusChrist.org.

Wala na. Simula sa Enero 1, 2020, ang mga elementong ito ng Young Women program ay papalitan ng pagsisikap na Mga Bata at Kabataan. Ang New Beginnings at Young Women in Excellence ay kapwa papalitan ng taunang miting ng Mga Bata at Kabataan na idaraos para sa kabataan.

Oo. Para sa karagdagang impormasyon, tingnan ang Young Women Camp Guide.

Sa ilalim ng patnubay ng bishop, ang mga Young Women presidency ay humihingi ng inspirasyon habang inoorganisa nila ang mga klase batay sa sumusunod na mga alintuntunin:

• Ang mga klase ay inoorganisa ayon sa age-group, at ang mga kabataang babae ay lilipat ng klase sa Enero ng taong ang edad nila ay magiging ang edad ng kasunod na klase. Ang isang age-group ay kinabibilangan ng lahat ng kabataang babae na magiging magkakapareho ang edad sa loob ng isang taon sa kalendaryo.
• Ang laki ng klase ay pinagpapasiyahan upang magbigay sa mga kabataang babae ng pinakamainam na mga pagkakataon na mamuno. Isang president, dalawang counselor, at isang secretary ang dapat tawagin para sa bawat klase. Mainam na kasama rin sa klase ang mga kabataang babae na maaaring paglingkuran o i-minister ng presidency.

Para sa karagdagang mga detalye, tingnan ang Pangkalahatang Hanbuk, kabanata 11, at ang pabatid na may petsang Oktubre 5, 2019.

Oo. Sisimulan ng mga kabataang lalaki ang kanilang mga quorum meeting sa araw ng Linggo sa pamamagitan ng pagbigkas sa bagong tema ng Aaronic Priesthood quorum, na naunang ibinalita sa pangkalahatang kumperensya at makukuha sa AaronicPriesthoodQuorums.ChurchofJesusChrist.org.

Oo. Para sa karagdagang inpormasyon, tingnan ang Aaronic Priesthood Quorum Camp Guide.

Isang form ang ipadadala sa mga unit sa pagtatapos ng taong 2019.

Dapat ipaalam ng mga Primary presidency, mga Young Women presidency, at mga Aaronic Priesthood quorum adviser sa ward o branch clerk ang dami at mga size o laki na kailangan para sa mga bata at kabataan na magiging 8–18 taong gulang sa 2020. Ang mga clerk ay dapat mag-order sa store.ChurchofJesusChrist.org/childrenandyouth o sa kanilang lokal na distribution center. Ang halaga ng kristal para sa Mga Bata at Kabataan ay sisingilin sa unit. Para sa 2020, lahat ng iba pang mga emblem o sagisag ay babayaran ng Simbahan. Sa taong 2021 at paglampas nito, mga unit ang oorder ng kinakailangan na mga emblem o sagisag at materyal sa pamamagitan ng regular na proseso sa pag-order ng kurikulum. Babayaran ang mga ito sa pamamagitan ng pondo ng lokal na unit.

Ang logo at iba pang visual na mga elemento ng Mga Bata at Kabataan ay makukuha sa 2020. Maaaring gamitin ang mga ito para sa personal, hindi pangkalakal na paggamit. Maaaring gamitin ng mga indibiduwal at pamilya ang logo at mga larawan sa loob ng kanilang mga tahanan para suportahan ang programang Mga Bata at Kabataan. Maaaring gamitin ng mga stake, ward, at branch ang logo at mga larawan para sa mga aktibidad at layuning ukol sa Simbahan. Upang humingi ng pahintulot para gamitin ang logo at mga larawan sa iba pang situwasyon, bumisita sa permissions.ChurchofJesusChrist.org.

Maaaring gamitin ng mga kabataan at lider ang tema ng Aaronic Priesthood quorum at ang tema ng Young Women para sa layuning personal o para sa Simbahan. Ang komersyal na paggamit ng tema ay hindi pinahihintulutan.

Hindi. Ang mga stake, ward, at branch ay hindi dapat gumawa ng dagdag na gawain para sa mga bata at kabataan para magkamit ng mga lokal na parangal.

Ang mga sagisag ng tagumpay ang pinakahuling pagdiriwang ng pag-unlad ng indibiduwal sa programang Mga Bata at Kabataan. Karaniwan, natatanggap ng kabataan ang mga emblem o sagisag na ito kapag nagtapos sila mula sa paaralang sekondarya, habang naghahanda sila para tanggapin ang Melchizedek Priesthood o pumasok sa Relief Society, o bago sila humiwalay sa tahanan, kung mangyayari ito bago maging 18 taong gulang. Ang mga sagisag ng tagumpay ay ipinagkakaloob nang pribado ng bishop. Sa oras na ito, ipinahahayag niya ang kanyang pasasalamat sa pag-unlad ng kabataan sa ebanghelyo, at kung paano siya naging lalong katulad ng Tagapagligtas. Maaari ding kasali rito ang mga magulang.