Ngaahi Fehuʻi ʻOku Lahi Hono ʻEké
ʻOku ʻi lalo e ngaahi tali ki he ngaah fehuʻi ʻe ala maʻu ʻe he fānaú, toʻu tupú, mātuʻá mo e kau takí fekauʻaki mo e ngāue foʻoú ni. Ka koeʻuhi ʻoku ʻuhinga e ngāué ni ke lava ʻo fulihi maʻá e fakafoʻituituí, ʻe tali e ngaahi fehuʻi lahi ʻo fou ʻi he fekumi ki ha tataki fakalaumālie fakatāutahá.
Ngaahi Fehuʻi Fakalūkufuá
ʻOku totonu ke potupotu tatau e ngāue tokoní mo e ngaahi ʻekitivitī ʻi he ngaahi tafaʻaki kotoa ʻe fā ʻo e tupulakí (faka-laumālie, faka-sōsiale, fakatuʻasino, mo e fakaʻatamai) ʻo hangē ko e fokotuʻu mai ʻe Luke 2:52 pea tupulaki koeʻuhi ko e ngaahi fiemaʻu mo e ngaahi meʻa mo e manako ʻa e fakafoʻituituí, fāmilí, ngaahi kōlomú, kalasí, mo e ngaahi kulupu ʻekitivitī ʻa e Palaimelí. ʻE lava ke nau fakafeʻiloaki ʻa e fānaú mo e toʻu tupú ki ha ngaahi aʻusia foʻou, akoʻi kiate kinautolu e ngaahi pōtoʻi ngāue ʻo e moʻuí pea tokoni ke nau fakakakato honau ngaahi fatongia lakanga fakataulaʻeikí moe ngaahi fatongia ʻo e fuakavá. ʻE lava ke fakahoko ha ʻekitivitī ke poupouʻi ha taumuʻa fakafoʻituitui, fakafāmili pe fakakulupu. ʻI hono palani ʻo e ngaahi ʻekitivitií, fakakaukauʻi ha ngaahi fehuʻi hangē ko e:
- ʻE tokoniʻi fēfē kitautolu ʻe he ʻekitivitī ko ʻení ke tau moʻui ʻaki e ongoongolelei ʻo Sīsū Kalaisí?
- ʻOku ʻi ai nai ha ngaahi faingamālie maʻatautolu ke tokoni ke tokangaekina e masivá mo e faingataʻaʻiá?
- Ko hai mo ha toe taha ʻe lava ke fakaafeʻi mai ki he ʻekitivitī ko ʻení?
- Ko e hā ha ngaahi ʻekitivitī ʻe ala tokoni ke tau fakatahaʻi hotau ngaahi fāmilí ki he taʻengatá?
ʻIkai. ʻE lava ke ʻeke ʻe he mātuʻá ki he fānaú mo e toʻu tupú pea poupouʻi ʻe he kau takí ʻo kapau ʻe fiemaʻu, pe ko e hā e meʻa ʻoku nau ngāue ki aí pea ko e hā te nau fai ke tokoní, ka ʻoku ʻikai fatongia ʻaki ʻe he kaka lalahí ʻa hono muimuiʻi e fakalakalaká. Mahalo naʻa loto e fānaú mo e toʻu tupú ke tauhi fakataautaha e ngaahi taumuʻa ʻe niʻihi. ʻE lava ke fakaʻaongaʻi ʻe he fānaú mo e toʻu tupú ʻenau tohi fakahinohinó,
ʻIo. ʻOku ʻinitaviu fakataʻu ʻe he pīsopé ʻa e toʻu tupú ʻo kamata ʻi he taʻu ʻoku hoko ai honau taʻu 12. ʻOku angamaheni ʻaki hono ʻinitaviu ʻa e toʻu tupú ʻe he pīsopé (ʻo kamata ʻi he taʻu ʻe hoko ai e taʻu 16 ʻo e toʻu tupú) pe taha ʻo e ongo tokoní (maʻá e toʻu tupu taʻu siʻi angé) hili ha māhina ʻe ono mei ai. (Vakai, Tohi Tuʻutuʻuni Fakakātoa: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 31.1.7.) Makehe mei aí, ʻe lava ke fatongia lahi ange ʻaki ʻe he palesiteni ʻo e Kau Finemuí ʻa hono faleʻi e kau finemuí fekauʻaki mo e ngaahi meʻa ʻoku ʻikai fie maʻu ki ai ha fakamaau fakalūkufuá pea ʻikai fekauʻaki mo ha ngaohikoviá. Lolotonga e ngaahi fepōtalanoaʻaki ko ʻení, ʻoku akoʻi ʻe he kau taki kakai lalahí ʻa e toʻu tupú fekauʻaki mo e hoko ko ia ko e kau ākonga ʻo e Fakamoʻuí. Mahalo te nau lava ʻo poupouʻi e toʻu tupú ʻi heʻenau ngaahi taumuʻá mo foaki ha tokoni pē ʻe fie maʻú.
ʻOku ʻi he Gospel Living app ha ngaahi meʻangāue ki hono fokotuʻu ha ngaahi taumuʻa, faʻu ha ngaahi palani, muimuiʻi e fakalakalaká, mo hono lekooti ʻo e ngaahi fakakaukaú mo e ngaahi ongó. Tānaki atu ki aí, ʻoku ʻomai ʻe he app ha ngaahi fakamatala fakalaumālie mo e ʻekitivitī mo e ngaahi fakakaukau fakataumuʻa pea fakangofua koe ke ke pōpoaki mo vahevahe e ngaahi fakakaukau mo e kau mēmipa e fāmilí, kolomú, mo e ngaahi kalasí. ʻOku ʻikai ko e app ke kau ai ki he Fānaú mo e Toʻu Tupú pea ʻoku ʻikai fakangatangata ia kiate kinautolu ʻoku kau ki he Fānaú mo e Toʻu Tupú. Ako lahi ange ki he
Ngaahi Fehuʻi ʻoku Fakatefito ʻi he Fāmilí
ʻE lava ke tokoniʻi ʻe he mātuʻá ha fānau pe toʻu tupu ke ʻiloʻi ʻa e founga ʻokú ne fie tupulaki aí? Mahalo te nau fie kamata ʻaki ha pōtalanoa ki he founga ke fekumi ai pea maʻu ha fakahaá pea lotua fakataha ha tataki. ʻE lava ʻo tokoni ʻa e ngaahi tohi fakahinohinó mo e
ʻI he taimi ʻoku ʻiloʻi ai ʻe he fānaú pe toʻu tupú ʻoku ʻikai fakamānako kiate kinautolu, fuʻu faingataʻa, pe ʻikai feʻunga mo kinautolu ha taumuʻa, ko e taimi ʻe niʻihi ko e meʻa ʻoku totonu ke faí ko e toe feinga pē. ʻI he taimi ʻe niʻihi ko e founga lelei tahá ko hono liliu ʻe he fānaú pe toʻu tupú ha taumuʻa pe ko ʻene fili ke fetongi ia. ʻOku mahuʻinga ange ke kau ʻi he muimui ki he sīpinga ʻa e Fakamoʻuí ʻo e tupulakí ʻi hano lavaʻi ha ngaahi taumuʻa pau.
ʻE lava ke tokoniʻi ʻe he ngaahi mātuʻá ʻa honau fohá pe ʻofefiné ke fakafiefiaʻi e tupulakí pea fakakaukau mo lekooti ʻa ʻene ngaahi fakakaukaú ʻaki hono tali e ngaahi fehuʻi hangē ko ʻení: Kuó u tupulaki fēfē nai? Kuo tokonia fēfē au ʻe heʻeku ngaahi taumuʻá ke u toe ofi ange ai ki he Fakamoʻuí? ʻE lava ke poupouʻi ʻe he mātuʻá e fānaú mo e toʻu tupú ke fakapapauʻi ʻa e founga te nau fakaʻaongaʻi ai ʻa e meʻa ʻoku nau akó ke tokoniʻi e niʻihi kehé.
ʻIo. Mahalo naʻa tokoni e mātuʻá ke fili ʻe heʻenau fānaú mo e toʻu tupú ha ngaahi taumuʻa ʻo fakatatau mo e ngaahi fiemaʻu honau fāmilí.
ʻIkai. ʻOku ʻi ai e ngaahi taumuʻa ʻoku fakataautaha pē. ʻE lava ke fakahaaʻi ʻe he kakai lalahí ʻa ʻenau loto-fiemālie ke tokoní lolotonga hono fakaʻatā e fānaú pe toʻu tupú ke tauhi ha ngaahi taumuʻa ʻe niʻihi ʻiate ia pē pea mo e ʻEikí.
‘I heʻenau hoko ko e niʻihi fakafoʻituituí mo e ngaahi fāmilí, ʻe lava e kakai lalahí mo e fānau kei iiki angé ʻo kau atu pea fakaʻaongaʻi e ngaahi maʻuʻanga tokoni ki hono ako e ongoongoleleí, ngāue tokoni mo e ngaahi ʻekitivitií pea mo e fakalakalaka fakatāutahá ʻi ʻapi. Ko hono fakakātoá, he ʻikai kau ʻa e kakai lalahí mo e fānau iiki angé ʻi he ngaahi ʻekitivitī ʻoku fakahoko ʻe he Siasí ʻa ia ʻoku fekauʻaki mo e Fānaú mo e Toʻu Tupú pea ʻikai maʻu e ngaahi fakaʻilonga ʻo e Fānaú mo e Toʻu Tupú.
Ngaahi Fehuʻi Poupouʻi ‘e he Siasí
ʻIo. ʻOku totonu ke fakaafeʻi ʻe he fānaú mo e toʻu utpú honau ngaahi kaungāmeʻá ke kau ʻi hono ako e ongoongoleleí, ngāue tokoní mo e ngaahi ʻekitivitií pea mo e fakalakalaka fakatāutahá. Pea ʻoku totonu ke ngāue vāofi e kau takí—kau ai e kau palesitenisī ʻo e kōlomu ʻo e toʻu tupú pea mo e ngaahi kalasí—mo e ngaahi mātuʻa ʻa e fānau mo e toʻu tupu ko ʻení ke tokoni ke mahino ʻa e ngāué pea fakapapauʻi ʻa e founga te nau kau mai ai mo ʻenau fānaú.
ʻIo. ʻI heʻenau ngāue fakataha mo e kau takí, ʻe lava ke fili ʻe he fānaú ha ngaahi taumuʻa ʻo fakatatau mo e ngaahi fiemaʻu ʻa ʻenau kōlomú pe kalasí.
ʻE lava ʻe he pīsopé ʻo fakahoko ha fakataha fakataʻu maʻá e toʻu tupú mo ʻenau mātuʻá ʻo ofi ki he kamataʻanga ʻo e taʻú. ʻE lava ke fakahoko fakauooti pe fakasiteiki ia pea lava ke fakahoko mavahevahe pe fakatahaʻi e kau talavoú mo e kau finemuí. ʻOku totonu ke palani pea tataki ia ʻe he ongo ʻasisiteni ki he pīsopé ʻi he kōlomu ʻa e kau akonakí pea mo e palesiteni fakakalasi ʻi he kalasi taʻu motuʻa taha ʻo e Kau Finemuí. ʻE lava ke maʻu ʻe he toʻu tupu ko ia ʻe hoko honau taʻu 12 he lolotonga ʻo e taʻú ʻa honau ngaahi fakaʻilongá ʻi he fakataha ko ʻení.
ʻOku ʻikai fie maʻu ia ke fai ha fakataha fakataʻu maʻá e fānaú. ʻE lava ke ʻaʻahi e pīsopé ki he kalasi Palaimeli ʻa e fānau ʻe hoko honau taʻu valú lolotonga e taʻú.
Ke tokoni ki he mātuʻá, ʻe tokoniʻi e Fānaú mo e Toʻu Tupú ʻi he lotú ʻe he kau palesitenisī ʻo e Palaimelí (maʻá e fānaú) pea ʻe he kau pīsopelikí mo e Kau palesitenisī ʻo e Kau Finemuí (maʻá e toʻu tupú). ʻE tokoniʻi e kau taki ko ʻení ʻe he kau palesitenisī ʻo e kōlomú mo e kalasí pea mo e kakai lalahi kuo uiuiʻi ko e kau ʻetivaisa mo e mataotao ʻo e kōlomú pe kalasí (ke maʻu ha fakamatala lahi ange fekauʻaki mo e fatongia ʻo e kau ʻetivaisá mo e kau mataotaó, vakai, Tohi Tuʻutuʻuni Fakakātoa, , 10.5; 11.3.5; 11.3.6; 30.7.3; mo e 30.7.5). ʻE lava ke uiuiʻi ha kau taki ʻekitivitī ʻa e Palaimelí.
ʻI hono fakafeʻiloaki ko ia ʻo e Fānaú mo e Toʻu Tupú pea ke fakafenāpasi mo e ngaahi liliu ne fanongonongo ʻi he konifelenisi lahi ʻo ʻOkatopa 2019, ʻe ʻikai toe hoko atu e ngaahi uiuiʻi ko ʻení ʻi he ʻaho 1 Sānuali, 2020. ʻOku totonu ke tukuange e kau taki ko ʻení ʻi he ʻaho 1 ʻo Sānualí pe kimuʻa ai mo ha loto-houngaʻia ʻi heʻenau ngāué:
- Mei he Palaimelí: kau taki ʻaho ʻekitivitī ʻa e Palaimelí, ʻasisiteni ʻaho ʻekitivitī ʻa e Palaimelí (ʻe lava ke uiuiʻi e kau taki ko ʻení ko ha kau taki ʻekitivitī ʻa e Palaimelí).
- Mei he Kau Finemuí: kau ʻetivaisa ʻo e Punungahoné, Maea Meiti, mo e Loumailé (ʻe lava ke uiuiʻi e kau taki ko ʻení ko ha kau ʻetivaisa pe mataotao ʻi hono fie maʻu ke tokoniʻi e ngaahi kalasi foʻou ʻa e Kau Finemuí); kau taki Fakalakalaka Fakatāutahá.
- Mei he ngaahi kōlomu ʻo e Lakanga Taulaʻeiki Faka-ʻĒloné: palesiteni Kau Talavou ʻa e Uōtí, ongo tokoní, sekelitalí, mo e kau ʻasisiteni ʻetivaisá (ʻe lava ke uiuiʻi ʻa e kau taki ko ʻení ko ha kau ʻetivaisa pe mataotao ʻo e kōlomu ʻo e Lakanga Taulaʻeiki Faka-ʻĒloné).
- Mei he Sikautí (ʻi he ngaahi feituʻu ʻoku kaunga ki aí): ʻōfisa pule ʻa e BSA, fakafofonga fakafeituʻu ʻo e kautahá, sea ʻo e kōmiti Sikautí, kau mēmipa ʻo e kōmiti Sikautí, Pule Sikautí, ʻasisiteni Pule Sikautí, kau taki Sikauti taʻu 11, sea ʻo e kōmiti Sikauti maʻá e fānau taʻu siʻi hifó, kau mēmipa ʻo e Sikauti maʻá e fānau taʻu siʻi hifó, Pule Sikauti taʻu siʻi hifó, ʻasisiteni ʻo e Pule Siakauti taʻu siʻi hifó, kau taki ʻo e den, ʻaisiteni ʻo e taki den, (ʻe lava ke uiuiʻi ʻa e niʻihi ʻo e kau taki ko ʻení ko ha kau ʻetivaisa pe mataotao ʻo e kōlomú pe ko e kau taki ʻekitivitī ʻo e Palaimelí).
Ngaahi Fehuʻi ki he Palaimelí
ʻOku poupouʻi hono ako maʻuloto e Ngaahi Tefito ʻo e Tuí ka ʻoku ʻikai ke fie maʻu ia.
ʻOku totonu ke maʻu ʻe he fānau kotoa ʻe hoko honau taʻu 8 ki he 11 lolotonga e 2020 ha foʻi mama foʻou ʻo e Fānaú mo e Toʻu Tupú ʻi he 2020. ʻE maʻu leva ʻi he ngaahi taʻu hoko mai aí ʻe he fānaú ʻa honau mamá ʻi he kamataʻanga ʻo e taʻu ʻoku hoko ai honau taʻu 8 pe ʻi heʻenau kau atu ki he polokalamá.
ʻE kei hoko pē ʻa e foʻi mama lanu mata lolotongá ko ha konga ʻo e Palaimelí. ʻI he taimi ʻe kamata ai e fānaú e kalasi FKT 4, ʻe foaki ange kiate kinautolu ʻe he kau palesitenisī ʻo e Palaimelí pe ko ʻenau faiako Palaimelí ha foʻi mama lanu mata.
ʻIo. ʻOku fakahoko ʻe he kau palesitenisī Palaimelí ʻi he fakahinohino ʻa e kau pīsopelikí ʻa e fakataha Teuteu ki he Temipalé mo e Lakanga Faka-Taulaʻeiki maʻá e fānau fefiné mo e tangatá ʻi he kalasi Loto-Toʻa 10 kimuʻa ʻi he Sānuali ʻo e taʻu ʻoku nau hiki ai ki he ngaahi kalasi ʻo e Kau Finemuí mo e kōlomu ʻo e Lakanga Taulaʻeiki Faka-ʻĒloné. Ke maʻu ha fakamatala lahi ange, vakai, Tohi Tuʻutuʻuni Fakakātoa, 12.2.1.2.
Ngaahi fehuʻi maʻá e Kau Finemuí
Ke maʻu ha fakamatala lahi ange fekauʻaki mo e ngaahi liliu kuo fanongonongo kau ki hono fokotuʻutuʻu ʻo e Kau Finemuí, vakai, YoungWomen.ChurchofJesusChrist.org mo e Tohi Tuʻutuʻuni Fakakātoa, vahe 11.
ʻIo. ʻOku kamata ʻaki e ngaahi fakataha ʻa e Kau Finemuí ʻi he ʻaho Sāpaté ʻaki ʻenau lau maʻuloto ʻa e kaveinga foʻoú, ʻa ia ne ʻosi fanongonongo ʻi he konifelenisi lahí pea lava ʻo maʻu ʻi he YoungWomen.Churchof JesusChrist.org.
ʻIkai. ʻE fetongi ʻe he ngaahi ngāue ʻa e Fānaú mo e Toʻu Tupú ʻa e ngaahi konga ko ʻeni ʻo e polokalama ʻa e Kau Finemuí ʻo kamata ʻi he ʻaho 1 Sānuali. 2020. ʻE fetongi ʻe ha fakataha fakataʻu maʻá e toʻu tupú ʻa e Fānaú mo e Toʻu Tupú ʻa e Kamata Foʻoú (New Beginning) mo e Lelei Taha ʻi he Kau Finemuí (Young Womwn in Excellence) Fakatouʻosi.
ʻIo. Ke maʻu ha fakamatala lahi ange, vakai ki he Fakahinohino ki he Nofo Kemi ʻa e Kau Finemuí.
ʻI he malumalu e fakahinohino ʻa e pīsopé, ʻe fekumi e kau palesitenisī ʻa e Kau Finemuí ki ha ueʻi fakalaumālie ʻi heʻenau fokotuʻutuʻu ʻa e ngaahi kalasí ʻo fakatatau ki he ngaahi tefitoʻi moʻoni ko ʻení:
- ʻOku fokotuʻutuʻu fakatoʻu e ngaahi kalasí, pea ʻoku hiki ʻa e kau finemuí ki he kalasi hokó ʻi Sānuali ʻo e taʻu ʻe hoko ai honau taʻu ki he kalasi hokó. Ko e kulupu fakatoʻú ʻa e kau finemui kotoa ʻe hoko honau taʻú lolotonga e taʻú.
- ʻOku fakapapauʻi e tokolahi ʻo e kalasí ke ʻoange ha ngaahi faingamālie fakatakimuʻa ki he kau finemuí. ʻOku totonu ke uiuiʻi ha palesiteni, ongo tokoni, mo ha sekelitali ki he kalasi takitaha. ʻOku totonu foki ke kau ʻi he kalasí ha kau finemui ʻe lava ke ngāue fakaetauhi ki ai e kau palesitenisií.
Ke maʻu ha ngaahi fakaikiiki lahi ange, vakai, Tohi Tuʻutuʻuni Fakakātoa, vahe 11, pea mo e fanongonongo he ʻaho 5 ʻOkatopa, 2019.
Ngaahi Fehuʻi ki he Ngaahi Kōlomu ʻo e Lakanga Taulaʻeiki Faka-ʻĒloné
Ke maʻu ha fakamatala lahi ange fekauʻaki mo e ngaahi liliu kuo fanongonongo kau ki hono fokotuʻutuʻu ʻo e ngaahi kōlomu ʻo e Lakanga Taulaʻeiki Faka-ʻĒloné, vakai, AaronicPriesthoodQuorums.ChurchofJesusChrist.org mo e Tohi Tuʻutuʻuni Fakakātoa, vahe 10.
ʻIo. ʻOku kamata ʻaki e ngaahi fakataha ʻa e kau talavoú ʻi he ʻaho Sāpaté ʻaki ʻenau lau maʻuloto ʻa e kaveinga foʻou ʻo e kōlomu ʻo e Lakanga Taulaʻeiki Faka-ʻĒloné, ʻa ia ne ʻosi fanongonongo ʻi he konifelenisi lahí pea lava ʻo maʻu ʻi he AaronicPriesthoodQuorums.ChurchofJesusChrist.org.
ʻIo. Ke maʻu ha fakamatala lahi ange, vakai ki he Fakahinohino ki he Kemi ʻa e Kōlomu ʻo e Lakanga Taulaʻeiki Faka-ʻĒloné.
Ngaahi Fehuʻi fekauʻaki mo e Fakalāngilangí, Ngaahi Fakaʻilongá mo e ʻAtá
ʻE ʻoatu ha ngaahi foomu ki he ngaahi ʻiunití kimuʻa he fakaʻosinga ʻo e taʻu 2019.
ʻOku totonu ke tānaki maʻá e uōtí pe kalake ʻa e koló ʻe he kau palesitenisī ʻo e Palaimelí, Kau Finemuí mo e kau ʻetivaisa ʻo e kōlomu ʻo e Lakanga Taulaʻeiki Faka-ʻĒloné ʻa e lahi mo e saisi ʻoku fie maʻu ki he fānaú mo e toʻu tupu ʻe hoko honau taʻu 8–18 ʻi he 2020. ʻOku totonu ke ʻota ia ʻe he kalaké ʻi he store.ChurchofJesusChrist.org/childrenandyouth pe fakafou ʻi heʻenau senitā tufakiʻanga naunau fakalotofonuá. Ko e ngaahi fakamole ki hono totongi ʻo e kilisitala ko ia ki he Fānaú mo e Toʻu Tupú ʻe fai pē ia ʻe he ngaahi ʻiunití. ʻE totongi kotoa e ngaahi fakaʻilonga kehe ki he 2020, ʻe he Siasí. Ko e taʻu 2021 ʻo hokohoko atu, ʻe ʻota ʻe he ngaahi ʻiunití ʻa e ngaahi fakaʻilongá mo e naunau ʻe fie maʻú ʻo fakafou ʻi he ngaahi founga angamaheni hono ʻota e ngaahi naunau fakalēsoní. ʻE totongi ia ʻaki e paʻanga ʻa e ʻiuniti fakalotofonuá.
ʻE lava ke maʻu atu ʻi he 2020 a e fakaʻilonga mo e ngaahi ʻata ʻo e Fānaú mo e Toʻu Tupú. ʻE lava ke fakaʻaongaʻi ia ki ha ngaahi meʻa fakataautaha pe ʻikai fakakomēsiale. ʻE lava ke fakaʻaongaʻi ʻe he niʻihi fakafoʻituituí mo e ngaahi fāmilí ʻa e fakaʻilonga mo e ʻatá ʻi honau ngaahi ʻapí ke poupouʻi e polokalama ʻa e Fānaú mo e Toʻu Tupú. ʻE lava ke fakaʻaongaʻi ʻe he ngaahi siteikí, uōtí mo e koló ʻa e fakaʻilongá mo e ʻatá ki ha ngaahi ʻekitivitī mo ha ngaahi taumuʻa faka-Siasi. Ke kole ha ngofua ke fakaʻaongaʻi ʻa e fakaʻilongá mo e ʻatá ʻi ha ngaahi ʻātakai kehe, ʻaʻahi ki he permissions.ChurchofJesusChrist.org.
ʻE lava ke fakaʻaongaʻi ʻe he toʻu tupú mo e kau takí ʻa e kaveinga ʻo e kōlomu ʻo e Lakanga Taulaʻeiki Faka-ʻĒloné mo e kaveinga ʻa e Kau Finemuí ki ha ngaahi taumuʻa fakataautaha pe faka-Siasi. ʻOku ʻikai ngofua hono fakaʻaongaʻi fakakomēsiale ʻo e ngaahi kaveingá.
ʻIkai. ʻOku ʻikai totonu ke fokotuʻu ʻe he ngaahi siteikí, uōtí mo e ngaahi koló ha ngaahi fiemaʻu ki he fānaú mo e toʻu tupú kae lava ke maʻu ha ngaahi pale fakalotofonua.
Ko e ngaahi fakaʻilonga ʻo e lavameʻá ko e tumutumu ia ʻo hono fakafiefiaʻi ʻo ha fakalakalaka fakafoʻituitui ʻo fakafou ʻi he Fānaú mo e Toʻu Tupú. Ko e angamahení, ʻoku maʻu ʻe he toʻu tupú e ngaahi fakaʻilonga ko ʻení ʻi he taimi ʻoku nau ʻosi ai mei he ako māʻolungá pea teuteu ke maʻu e Lakanga Taulaʻeiki Faka-Melekisētekí pe kau atu ki he Fineʻofá pe kimuʻa pea nau hiki mei ʻapi ʻo kapau ʻe hoko ia kimuʻa honau taʻu 18. ʻOku foaki fakataautaha ʻe he pīsopé ʻa e ngaahi fakaʻilonga ʻo e lavameʻá. ʻOkú ne fakahaaʻi ʻi he tūkunga ko ʻení ʻa ʻene houngaʻia ʻi he tupulaki mo matuʻotuʻa ʻa e tokotaha kei talavoú ʻi he ongoongoleleí mo e founga kuó ne hoko ai ʻo hangē ko e Fakamoʻuí. ʻE lava foki ke kau atu ki ai ʻa e mātuʻá.