Tingob nga Kinatibuk-ang Pagpasabot
Ikaw Adunay Katuyoan
Isip anak sa Dios, ikaw ania sa yuta aron makakat-on, motubo, ug makabaton og mga kasinatian. Sa batan-on pa si Jesus, mitubo Siya “sa lawas ug sa kinaadman, ug gikahimut-an Siya sa Dios ug sa mga tawo” (Lucas 2:52). Sama sa Manluluwas, ikaw mahimo nga motubo sa espiritwal, sosyal, pisikal, ug intelektwal nga paagi.
Kon ikaw moapil sa Kabataan ug Kabatan-onan nga programa, makakat-on ka sa pagpalig-on sa hugot nga pagtuo diha ni Jesukristo, molambo subay sa Iyang dalan sa pakigsaad, ug pag-atubang sa mga hagit sa kinabuhi. Masunod nimo ang ehemplo sa Manluluwas ug pagtabang sa Iyang buhat sa kaluwasan ug kahimayaan.
Ang tulo ka area nga tutokan diha sa programa sa Kabataan ug Kabatan-onan mao ang:
- Pagkat-on sa ebanghelyo
- Pagserbisyo ug mga kalihokan
- Personal nga kalamboan
Kini nga programa nakasentro sa panimalay ug gisuportahan sa simbahan. Ang mga pamilya motino kon unsay labing maayo nga paagi sa pagtuon sa ebanghelyo, pagserbisyo sa uban, ug pagtubo sama sa Manluluwas. Diha sa simbahan, ang mga lider makahatag og mga oportunidad alang sa kabataan ug kabatan-onan sa pagkat-on, pagserbisyo, ug pagpangulo.
Kini nga mga kapanguhaan nagsuporta sa kalamboan alang sa kabataan ug kabatan-onan:
- Giya nga Basahon sa Kabataan
- Giya nga Basahon sa Kabatan-onan
- Gospel Living app
- Mga Simbolo sa pagkahisakop ug kalamposan
- Giya sa Ginikanan ug Lider
Ang tulo ka sibya sa Unang Kapangulohan ug sa Korum sa Napulog Duha ka Apostoles mopasabot kon unsa ang Kabataan ug Kabatan-onan nga programa.