Vaaiga Aoao Lautele
E I Ai Sou Faamoemoega
I le avea ai o se atalii/afafine o le Atua, ua e i ai iinei i le lalolagi e a’oa’o, tuputupu a’e, ma maua le poto masani. A o talavou Iesu, sa Ia tuputupu a’e “i le poto ma le tino ma ua alofagia e le Atua atoa ma tagata” (Luka 2:52). E faapei o le Faaola, e mafai foi ona e tuputupu a’e i le faaleagaga, faaleagafesootai, faaletino, ma faaleatamai.
Pe a e auai i le polokalama a Tamaiti ma le Autalavou, o le a e aoao e fausia le faatuatua ia Iesu Keriso, alualu i luma i luga o Lana ala o feagaiga, ma fetaiai ma luitau o le olaga. O le a e mulimuli i le faataitaiga a le Faaola ma fesoasoani i Lana galuega o le faaolataga ma le faaeaga.
O vaega e tolu o le tulimata’iga i le polokalama a Tamaiti ma le Autalavou o le:
- Aoaoina o le talalelei.
- Auaunaga ma gaoioiga.
- Atinaega faaletagata lava ia.
O lenei polokalama o loo faatotonugalemu i le aiga ma lagolagoina i le lotu. E filima’oti e aiga pe o le a le ala sili e suesue ai le talalelei, auauna atu i isi, ma tuputupu a’e e faapei o le Faaola. I le lotu, e saunia e taitai ia avanoa mo tamaiti ma le autalavou e a’oa’o ai, auauna atu ai, ma taitai.
O punaoa nei e lagolago ai le atina’ega o tamaiti ma le autalavou.
- Tusitaiala mo Tamaiti
- Tusitaiala mo le Autalavou
- Polokalama o le Gospel Living
- Faatusa o mea totino ma mea e ausia.
- Taiala mo Matua ma Taitai
E tolu faasalalauga a le Au Peresitene Sili ma le Korama a Aposetolo e Toasefululua o loo faamatala mai ai le polokalama a Tamaiti ma le Autalavou.