Vakai Fakalūkuá
ʻOku ʻi ai Hoʻo Taumuʻa
ʻI hoʻo hoko ko e fānau ʻa e ʻOtuá, ʻokú ke ʻi he māmaní ke ako, tupulaki, mo maʻu ha ngaahi aʻusia. ʻI he kei ʻeiki siʻi ʻa Sisuú, naʻá Ne tupulaki “[ʻi he potó] mo e lahí, pea naʻe ʻofeina ia ʻe he ʻOtuá mo e tangatá” (Luke 2:52). Hangē ko e Fakamoʻuí, te ke lava ʻo tupulaki fakalaumālie, fakasōsiale, fakatuʻasino, mo fakaʻatamai.
ʻI hoʻo kau ʻi he polokalama Fānaú mo e Toʻu Tupú, te ke ako ai ke langaki e tui kia Sīsū Kalaisí, fakalakalaka ʻi Hono hala ʻo e fuakavá, pea fehangahangai mo e ngaahi faingataʻa ʻo e moʻuí. Te ke muimui ʻi he sīpinga ʻa e Fakamoʻuí mo tokoni ki Heʻene ngāue ʻo e fakamoʻuí mo e hakeakiʻí.
Ko e ngaahi tafaʻaki ʻe tolu ʻo e tokangá ʻi he polokalama Fānaú mo e Toʻu Tupú ko e:
- Ako ʻo e ongoongoleleí
- Ngāue Tokoní mo e ngaahi ʻekitivitií
- Fakalakalaka fakatāutahá
ʻOku fakatefito ʻa e polokalamá ni ʻi ʻapi pea poupouʻi ʻi he lotú. ʻOku fakapapauʻi ʻe he ngaahi fāmilí ʻa e founga lelei taha ke ako ai ʻa e ongoongoleleí, tokoniʻi e niʻihi kehé, pea tupulaki ʻo hangē ko e Fakamoʻuí. ʻOku ʻoange ʻe he kau takí ha ngaahi faingamālie ʻi he lotú ki he fānaú mo e toʻu tupú ke nau ako, ngāue, mo taki.
ʻOku poupouʻi ʻe he ngaahi maʻuʻanga tokoni ko ʻení ʻa e fakalakalaka ʻa e fānaú mo e toʻu tupú:
- Tohi Fakahinohino ʻa e Fānaú
- Tohi Fakahinohino ʻa e Toʻu Tupú
- Gospel Living app
- Ngaahi fakaʻilonga ʻo e kau atú mo e lavameʻá
- Tohi Fakahinohino ʻa e Mātuʻá mo e Takí
ʻOku fakamatalaʻi ʻe he fakamafola ʻe tolu ʻa e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻa e polokalama Fānaú mo e Toʻu Tupú.