Kinatibuk-ang Pagpasabot alang sa Kabataan

Ang pagkat-on sa ebanghelyo magsugod sa panimalay ug suportado sa Simbahan. Diha sa panimalay, ang kabataan makakat-on, makasabot, ug magsunod sa ebanghelyo ni Jesukristo isip kabahin sa ilang inadlaw nga pagpakabuhi. Moapil sila sa pagtuon sa kasulatan, pagtudlo sa mga leksiyon, dungan nga pag-ampo, pag-organisar og mga home evening, ug uban pa. Diha sa simbahan, ang mga lider motudlo sa nakatutok sa ebanghelyo nga mga klase ug moplano sa mga kalihokan sa pagkat-on sa ebanghelyo alang sa kabataan.

Ang kabataan mobati sa pagbati nga nahisakop kon sila moserbisyo og mga tawo ug dungan nga moapil sa mga kalihokan. Diha sa panimalay, ang kabataan makakat-on kon unsaon sa paggamit ang ilang mga gasa ug mga talento sa pagpanalangin ug pagserbisyo sa uban. Diha sa simbahan, ang kabataan moapil sa pagserbisyo ug sa mga kalihokan.

Ang pagserbisyo o mga kalihokan sa Primary sa kasagaran himoon kausa hangtod sa upat ka higayon matag bulan, depende sa lokal nga mga sirkumstansya. Sama pananglit, ang gilay-on, gasto, oras, kasiguroan, o ubang sirkumstansya tingali maghimo nga dili praktikal ang panagtapok og sobra sa kausa sa usa ka bulan.

Ang bishopric pweding mohangyo sa kapangulohan sa Primary sa pagrekomend og mga magtutudlo sa Primary o ubang mga miyembro sa ward nga tawagon isip mga lider sa kalihokan sa Primary. Labing minos duha ka lider ang kinahanglang motambong sa matag kalihokan. Ang mga lider pweding duha ka babaye, duha ka lalaki, o magtiayon. Ang “Pagpanalipod sa Kabataan ug Kabatan-onan” nga pagbansay kinahanglan nga ikompleto sa mga lider sa dili pa moapil sa mga kalihokan: ProtectingChildren.ChurchofJesusChrist.org.

Ang mga lider sa kalihokan sa Primary moplano sa pagserbisyo ug sa mga kalihokan nga magtutok sa upat ka mga area sa paglambo: espiritwal, sosyal, pisikal, ug intelektwal.

Ang tibuok gabii [overnight] nga mga kamping dili ipahigayon alang sa kabataan. Hinoon, ang lokal nga mga lider makapahigayon og usa ka adlaw nga mga kamping [day camps] alang sa kabataan nga apil sa Kabataan ug Kabatan-onan.

Tan-awa ang mosunod alang sa dugang pa nga mga ideya sa pagserbisyo ug sa kalihokan:

• ChildrenandYouth.ChurchofJesusChrist.org
• Gospel Living app

Ang Kabataan ug Kabtan-onan makatabang sa mga bata nga motubo sa upat ka area nga gihimo ni Jesus (tan-awa sa Lucas 2:52). Makakat-on sila sa pagdiskobre sa ilang mga gasa ug mga talento pinaagi sa pag-ampo ug paghimo og plano sa pagpalambo niana nga mga gasa. Ang mga ginikanan ug mga lider moawhag sa kabataan sa pagtutok labing minos sa usa ka tumong diha sa matag upat ka kategoriya (espiritwal, sosyal, pisikal, ug intelektwal) matag tuig.

Kon gikinahanglan, ang mga ginikanan ug mga lider motabang sa kabataan sa pagsusi kon unsaon nila sa pagpahimutang ug pagmonitor ang ilang mga kalihokan, mga tumong, o mga interes. Ang pipila ka kabatan-onan tingali ganahang mogamit sa Personal nga Kalamboan: Giya nga Basahon sa Mga Bata.

Ang mga ideya alang sa kalamboan anaa sa KabataanugKabatan-onan.ChurchofJesusChrist.org ug sa Gospel Living app.