Vaaiga Aoao mo Tamaiti

O le polokalama a Tamaiti ma le Autalavou e fesoasoani i tamaiti e tuputupu a’e ai e faapei ona sa faia e lo latou Faaola ma faasoa atu a latou meaalofa ma taleni i isi. E auai tamaiti i le polokalama a Tamaiti ma le Autalavou i le tausaga e atoa i ai lo latou ta’i valu tausaga le matutua. Pe a mafai ai, ia Ianuari e asiasi ai le epikopo po o le peresitene o le Peraimeri i le vasega Peraimeri o tamaiti e atoa le ta’i valu tausaga i le tausaga lena e faamalamalama i ai le polokalama.

O vaega e tolu o le taula’i i le polokalama a Tamaiti ma le Autalavou o le:

Aoaoina o le talalelei.
Auaunaga ma gaoioiga.
Atinaega Faaletagata Lava Ia.

Aoao Atili

O le aoaoina o le talalelei e amata i le aiga ma e lagolagoina e le Ekalesia. I le aiga, e aoao ai tamaiti, malamalama, ma ola ai i le talalelei a Iesu Keriso o se vaega o o latou olaga i aso taitasi. Latou te auai i le suesueina o tusitusiga paia, aoao atu o lesona, tatalo faatasi, faatulagaina o afiafi faaleaiga, ma isi mea. I le lotu, e aoao atu e taitai ia vasega i le taulai atu i le talalelei ma fuafua ia gaoioiga e aoao ai le talalelei mo tamaiti.

E lagonaina e tamaiti se lagona o le auai pe a latou auauna atu i tagata ma auai faatasi i gaoioiga. I le fale, e aoao ai e tamaiti pe faapefea ona faaaoga a latou meaalofa ma taleni e faamanuia ai ma auauna atu i isi. I le lotu, e auai tamaiti i auaunaga ma gaoioiga.

O galuega auauna atu ma gaoioiga a le Peraimeri e masani ona faia ta’itasi e oo i le faa-fa i le masina, e faalagolago lava i tulaga i le lotoifale. Mo se faataitaiga, o le mamao, tau, taimi, saogalemu, po o isi tulaga e ono le mafai ai ona feiloai e sili atu i le taitasi i le masina.

E mafai e le au epikopo ona fesili atu i le au peresitene o le Perameri e fautuaina mai ni faiaoga Peraimeri po o isi tagata o le uarota e valaau o ni taitai gaoioiga i le Peraimeri. Ia le itiiti ifo ma le toalua ni taitai e auai i gaoioiga taitasi. O ni tamaitai e toalua, alii e toalua, po o se ulugalii ua faaipoipo e mafai ona avea ma taitai. O le aoaoga faamasani o le “Puipuia o Tamaiti ma le Autalavou” e tatau ona faamae’a e taitai a o le’i auai i le faatinoga o gaoioiga: ProtectingChildren.ChurchofJesusChrist.org.

E fuafua e taitai gaoioiga o le Peraimeri ia auaunaga ma gaoioiga e tulimatai atu i vaega e fa o le tuputupu a’e: faaleagaga, faaleagafesootai, faaletino, ma faaleatamai.

O tolauapiga o le po atoa e le faia mo tamaiti. Ae peitai, e mafai e taitai o le lotoifale ona fai ni tolauapiga i le ao mo tamaiti e auai i Tamaiti ma le Autalavou.

Tagai i nei punaoa mo nisi manatu mo auaunaga ma gaoioiga:

E fesoasoani le Tamaiti ma le Autalavou i tamaiti ia tuputupu a’e i vaega e fa na faia e Iesu (tagai i le Luka 2:52). O le a latou aoao e maua nei meaalofa ma taleni e ala i le tatalo ma faia se fuafuaga e atina’e na meaalofa. E fautuaina e matua ma taitai ia tamaiti e taula’i atu pe a ma le tasi le sini i vaega taitasi o faavasegaga e fa (faaleagaga, faaleagafesootai, faaletino, ma faaleatamai) i tausaga taitasi.

Pe a manaomia ai, e mafai e matua ma taitai ona fesoasoani i tamaiti e mafaufau pe faapefea ona latou mananao e seti ma mulimuli i a latou gaoioiga, sini , po o mea e fiafia i ai. Atonu e mananao nisi tamaiti e faaaoga le Atinaega Faaletagata Lava Ia: Tusitaiala a Tamaiti.

O loo maua manatu mo le atinaega i le ChildrenandYouth.ChurchofJesusChrist.org ma i le Gospel Living app.

O Fesili e Masani ona Fesiligia